స్వప్న సినిమా పతాకంపై నందిని రెడ్డి దర్శకత్వంలో సంతోష్‌ శోభన్‌, మాళవిక నాయర్‌ ప్రధాన పాత్రలు పోషించిన చిత్రం 'అన్నీ మంచి శకునములే'. సోమవారం 'చెయ్యి చెయ్యి కలిపేద్దాం.' అంటూ సాగే నాలుగవ పాటను విడుదల చేసారు. ఇది పెళ్లి వేడుకలో వచ్చే పాట. మిక్కీ జే మేయర్‌ ఆహ్లాదకరమైన సిట్యుయేషనల్‌ ట్రాక్‌ని స్కోర్‌ చేసారు. వివాహ వేడుకలు ఎలా ఉంటాయో, ఎలాంటి సన్నాహాలు జరుగుతాయో చంద్రబోస్‌ సరిగ్గా వివరించారు. ఇది ప్రధానంగా వివాహ విందు గురించిన పాట. శ్రీ కృష్ణ, వేణు శ్రీరంగం, సందీప్‌, చైత్ర అంబడిపూడి వాయిస్‌లు మరింత ప్రత్యేకతను చాటాయి. నటీనటులందరూ కలిసి ఈ వేడుకను జరుపుకోవడం ఒక కన్నుల పండుగ. ఈ పాటకు బృందా మాస్టర్‌ కొరియోగ్రఫీ అందించారు. ఈ సాంగ్‌ లాంచ్‌ ఈవెంట్‌లో ముఖ్య అతిథిగా పాల్గొన్న కె.రాఘవేంద్రరావు మాట్లాడుతూ,'ఈ పాట చూసినప్పుడు పెళ్లి సందడి చూసినంత ఆనందం కలిగింది. 'పెళ్లి సందడి' అంత పెద్ద విజయం ఈ సినిమా సాధిస్తుంది' అని అన్నారు. మిత్ర విందా మూవీస్‌తో కలిసి ప్రియాంక దత్‌ నిర్మించిన ఈ చిత్రం ఈనెల 18న విడుదల కానుంది.
