శ్రీనివాస్‌ బెల్లంకొండ హీరోగా వివి వినాయక్‌ దర్శకత్వంలో పెన్‌ స్టూడియోస్‌ పతాకంపై రూపొందుతున్న బాలీవుడ్‌ చిత్రం 'ఛత్రపతి'. రాజమౌళి 'ఛత్రపతి'కి రీమేక్‌గా అదే టైటిల్‌తో ఈ చిత్రాన్ని గ్రాండ్‌ తెరకెక్కించారు. ఈ సినిమా ఈ నెల 12న విడుదల అవుతున్న నేపథ్యంలో దర్శకుడు వివి వినాయక్‌ మీడియాతో మాట్లాడుతూ,'మంచి కథ అందించిన విజయేంద్ర ప్రసాద్‌కి నా కృతజ్ఞతలు. రాజమౌళి, ప్రభాస్‌ 'ఛత్రపతి'ని అద్భుతంగా చేశారు. వారు చేసిన దానిని పాడు చేయకుండా ఐకానిక్‌ సీన్స్‌, షాట్స్‌ ఏమీ మార్చకుండా చాలా జాగ్రత్తగా చేశాం. సాయి సినిమాలన్నీ నార్త్‌లో బాగా ఆడాయి. ఆ నమ్మకంతో పెన్‌ స్టూడియో గడా ఈ సినిమా చేశారు. బెల్లం కొండ సురేష్‌ మాకు బ్యాక్‌ బోన్‌. సాయి అద్భుతంగా చేశాడు. ఇంటర్వెల్‌ సీన్‌లో, యాక్షన్‌ సీన్స్‌లో సాయి నటన చూసి ఆశ్చర్యపోయాను. ఈ సినిమాతో సాయి చాలా పెద్ద హీరోగా హిందీలో నిలబడతాడు. ఈ సినిమా పెద్ద విజయం సాధిస్తుందనే ఆశతో ఉన్నాను' అని తెలిపారు. 'అరవై కోట్లుతో పెన్‌ పెన్‌ స్టూడియోస్‌ లాంటి నిర్మాణ సంస్థ మా అబ్బాయితో సినిమా చేయడం తండ్రిగా నేను ఎంతో గర్వపడే విషయం. మాస్‌ పల్స్‌ తెల్సిన వినాయక్‌ హిందీలో కూడా మా అబ్బాయిని లాంచ్‌ చేయడం చాలా ఆనందంగా ఉంది. మన వాళ్ళకి తెలుగు డబ్‌లో కాకుండా హిందీలోనే చూపిద్దామని వినాయక్‌ చెబితే, అలాగే రిలీజ్‌ చేస్తున్నాం' అని చెప్పారు.
