Authorization
Mon Jan 19, 2015 06:51 pm
- డెమొక్రటిక్ సెనెటర్ల్ల ప్రమాణ స్వీకారం
వాషింగ్టన్ : ఉపాధ్యక్షురాలు కమలా హారిస్ ప్రమాణ స్వీకారంతో సెనెట్లో డెమొక్రటిక్ పార్టీకి స్వల్ప మొగ్గు లభించింది. సెనెట్లో రిపబ్లికన్, డెమొక్రటిక్ పార్టీలు చెరి యాభై సీట్లతో సమ ఉజ్జీగా ఉన్నాయి. దీంతో ఉపాధ్యక్షురాలు కమలా హారిస్ టై బ్రేకర్గా వ్యవహరిస్తారు.
సెనేట్ చైర్మెన్ హోదాలో ఆమె తన ఓటును ఉపయోగించవచ్చు . దీంతో డెమొక్రాట్లకు సెనేట్లో మొగ్గు లభించినట్లైంది.ఉపాధ్యక్షురాలిగా ప్రమాణ స్వీకారం చేసిన కొద్దిసేపటికే హారిస్ ముగ్గురు కొత్త సెనెటర్లు, రాఫెల్ వార్నాక్ (డెమొక్రాట్- జార్జియా), జాన్ ఆసాఫ్ (డెమొక్రాట్- జార్జియా), అలెక్స్ పడిల్లా (డి-కాలిఫ్) ఉన్నారు. పదవీ స్వీకార ప్రమాణం చేయించారు. ఈ ముగ్గురు డెమొక్రాటిక్ పార్టీ సెనెటర్ల రాకతో సెనేట్లో మెజార్టీ లీడర్ పాత్రను డెమొక్రటిక్ సెనెటర్ చుక్ షుమర్ పోషించనుండగా, మైనార్టీ లీడర్గా మిచ్ మెక్ కానెల్ (రిపబ్లికన్ సెనెటర్) తిరిగి వ్యవహరిస్తారు. జాతీయ ఇంటెలిజెన్స్ డైరెక్టర్గా అవిరిల్ హైన్స్ నియమితులయ్యారు. బుధవారం సాయంత్రం సెనెట్ 84-10ఓట్ల తేడాతో ఆమె నియామకాన్ని ధ్రువీకరించింది. ఇంటెలిజెన్స్ విభాగానికి అధినేతగా నియమితులైన తొలి మహిళ హైన్స్. పైగా బైడెన్ క్యాబినెట్లో సెనెట్ ధ్రువీకరించిన తొలి సభ్యురాలు కూడా. ఒబామా ప్రభుత్వ హయాంలో ఆమె డిప్యూటీ జాతీయ భద్రతా సలహాదారుగా, డిప్యూటీ సీఐఏ డైరెక్టర్గా పనిచేశారు. ఇంటెలిజెన్స్ విషయానికి వస్తే రాజకీయాలకు తావు లేదని ఆమె తెలిపారు. బుధవారం సాయంత్రం బైడెన్ ప్రభుత్వ తొలి పత్రికా సమావేశం జరిగింది. ప్రతి వారాంతంలోనూ ఒక మీడియా సమావేశం వుంటుందని వైట్హౌస్ పత్రికా కార్యదర్శి జెన్ సాకి పేర్కొన్నారు. తప్పుడు సమాచారాన్ని ఎదుర్కోడానికి అనేక మార్గాలు వున్నాయన్నారు. కచ్చితమైన సమాచారం, వాస్తవాలు, డేటా, సమాచార మార్పిడి వంటివి అందులో ఒకటని అన్నారు. రాబోయే రోజుల్లో బైడెన్ అమెరికా మిత్రులు, భాగస్వాములతో మాట్లాడుతూ బిజీగా వుంటారని వెల్లడించారు. ప్రస్తుతం మనం ఎదుర్కొంటున్న పలు సవాళ్ళను పరిష్కరించడం, సంబంధాలను పునర్నిర్మించుకోవడం చాలా ముఖ్యమని బైడెన్ భావిస్తున్నారని చెప్పారు.