Authorization
Mon Jan 19, 2015 06:51 pm
వెల్లుల్లి అనేక పోషకాలకు వనరు. ఎన్నో రకాల అనారోగ్యాల నుంచి ఉపశమనం కలిగించడానికి సహాయపడుతుంది. ఇంటి చిట్కాలలో భాగమైన వెల్లుల్లి లోబీపీ, జలుబుతో బాధపడేవారికి ఉపశమనం కలిగిస్తుంది. దీనికి నడుము చుట్టూ పేరుకుపోయిన కొవ్వును కరిగించే సామర్థ్యం కూడా ఉంది.
- వెల్లుల్లిలో విటమిన్ బి6, విటమిన్ సి, ఫైబర్, మాంగనీస్, కాల్షియం ఉంటాయి. ఇవి అధిక బరువును తగ్గించడంలో సాయపడతాయి. వెల్లుల్లిలో ఉండే ప్రత్యేకమైన గుణాలు మహిళలు బరువు తగ్గడానికి తోడ్పడుతున్నట్టు ది జర్నల్ ఆఫ్ న్యూట్రిషన్లో ప్రచురించిన ఓ అధ్యయనం తెలిపింది. పరిశోధకులు కూడా ఈ విషయాన్ని నిర్ధారించారు.
- 8 వారాలపాటు ఎలుకలకు వెల్లుల్లి తినిపించినప్పుడు వాటి శరీర బరువు, కొవ్వు నిల్వ శాతం గణనీయంగా తగ్గిందని కనుగొన్నారు. ఇది కాకుండా వెల్లుల్లి రోగనిరోధక శక్తిని పెంచడానికి, శరీరంలో పేరుకుపోయిన వ్యర్థాలను తొలగించడానికి, జలుబు, ఫ్లూ వంటి వాటితో పోరాడటానికి సహాయపడుతుంది. రోజువారీ ఆహారంలో వెల్లుల్లిని చేర్చుకోవడం ద్వారా శరీర శక్తి స్థాయులు పెరడగంతో పాటు జీవక్రియ రేటు కూడా మెరుగుపడుతుంది.
- రెండు మూడు వెల్లుల్లి రేకలను చిన్న ముక్కలుగా కట్ చేయాలి. రాత్రి పడుకునే ముందు ఒక గ్లాసు నీటిలో వాటిని వేయాలి. ఉదయం ఆ నీటి నుంచి వెల్లుల్లి ముక్కలను తీసి చిటికెడు నల్ల మిరియాల పొడి వేసి బాగా కలపాలి. ఈ మిశ్రమాన్ని రోజూ ఉదయాన్నే ఏమీ తినకముందే తీసుకుంటే మంచి ఫలితం ఉంటుంది.
- రెండు లేదా మూడు వెల్లుల్లి రేకలను పొట్టుతీసి ముద్దగా చేసుకోవాలి. ఒక గిన్నెలో కొంచెం తేనె తీసుకుని దాంట్లో వెల్లుల్లి ముద్ద వేసి బాగా కలపాలి. దీన్ని ఒక అరగంట తరువాత తీసుకోవాలి. రోజుకోసారి దీన్ని తీసుకుంటే మంచిది.
- రెండు మూడు వెల్లుల్లి రేకలను ముద్దగా చేయాలి. దీన్ని ఒక గ్లాసు వేడి నీటిలో వేసి పక్కన పెట్టాలి. కాసేపటి తరువాత దీనికి ఒక టేబుల్ స్పూన్ నిమ్మరసం కలపాలి. ఈ మిశ్రమాన్ని బాగా కలిపి ఉదయం ఖాళీ కడుపుతో తీసుకుంటే బరువు తగ్గుతారు.
- వెల్లుల్లిని అధిక మొత్తంలో తీసుకుంటే దుష్ప్రభావాల బారిన పడే అవకాశం ఉంది. దీని వాడకం అధికమైతే కడుపులో మంట, శరీర దుర్వాసన, వాంతులు, డయేరియా వంటి అనారోగ్యాలు రావచ్చు. అందుకే రోజూ రెండు మూడు రేకలకు మించి వెల్లుల్లిని తీసుకోకపోవడం మంచిది.