మహిళలు అమ్మగా మారిన తర్వాత వారి బాధ్యతలు కూడా పెరుగుతాయి. ఇంట్లో ఆర్థిక పరిస్థితుల దగ్గరి నుంచి దాదాపు ప్రతి విషయాన్ని వీరే చూసుకోవలసి రావొచ్చు. అదేసమయంలో పిల్లలను కూడా చూసుకోవాలి. ఇలా మహిళలు అమ్మగా మారిన తర్వాత వారి బాధ్యతలు మరింత పెరుగుతాయి. పిల్లలు పుట్టిన తర్వాత మహిళలు గతంలో మాదిరిగా ఉద్యోగం చేయడం సాధ్యపడకపోవచ్చు. ఇంటిని విడిచి గంటలకొద్ది ఆఫీసుల్లో ఉండటం కుదరకపోవచ్చు. ఒకవేళ జాబ్‌ మానేద్దామంటే ఆర్థిక పరిస్థితుల వల్ల సమస్యలు ఎదురు కావొచ్చు. ఇలాంటి వారి కోసం ఐదు అదిరిపోయే బిజినెస్ ఐడియాలు అందిస్తున్నాం. అవేంటో చూద్దాం..
ఫుడ్‌ బిజినెస్
ఫుడ్‌ బిజినెస్‌ను ఎవర్‌గ్రీన్‌ బిజినెస్‌గా చెప్పుకుంటారు. సిటీలో ఫుడ్‌ వండుకోవడం అందరికీ కుదరకపోవచ్చు. మరీ ముఖ్యంగా విద్యార్థులు, ఉద్యోగం చేసే పెండ్లి కాని వారికి ఫుడ్‌ విషయంలో ఇబ్బందులు ఎదురవుతూనే ఉంటాయి. ప్రతి రోజూ బయటి ఫుడ్‌ తినలేరు కదా. ఇలా చేస్తే వారి ఆరోగ్యం దెబ్బతినే ప్రమాదముంది. అందువల్ల మహిళలు వీరిలాంటి వారి కోసం ఫుడ్‌ బిజినెస్ స్టార్ట్‌ చేయొచ్చు.
యోగా క్లాసులు
ఫిట్‌గా ఉండాలి. హెల్తీగా ఉండాలి. ఇటీవల ఫిట్‌ అండ్‌ హెల్తీ పదాలకు బాగా ప్రాచుర్యం లభించింది. చాలా మంది వీటి కోసం యోగకు వెళ్తున్నారు. ప్రతిరోజూ యోగ చేయడం వల్ల శరీరకంగా ఫిట్‌గా ఉండటమే కాకుండా మానసికంగా కూడా ప్రశాంతత లభిస్తుంది. అందుకే ఈ బిజినెస్‌ను కూడా ప్రారంభించొచ్చు. దీని కోసం యోగ క్లాస్‌లు నిర్వహించాలి. మీకు కూడా యోగ వచ్చి ఉండాలి.
హోమ్‌ క్లీనింగ్‌.. ల్యాండ్రీ
కొత్తగా సొంతంగా బిజినెస్ స్టార్ట్‌ చేయాలని భావించే అమ్మలు హోమ్‌ క్లీనింగ్‌ ఆప్షన్‌ కూడా ఎంచుకోవచ్చు. ప్రస్తుతం సమాజంలో చాలా మందికి బట్టలు ఉతుక్కోవడం, ఇంటిని శుభ్రం చేసుకోవడం వంటివి కష్టంగా అనిపించొచ్చు. అందువల్ల ఈ బిజినెస్ కూడా బాగానే ఉంటుంది. అయితే ఈ బిజినెస్‌కు వాషింగ్‌ మెషీన్‌, ఐరన్‌ బాక్స్‌ వంటివి అవసరం అవుతాయి.
ఫ్యాషన్‌
మహిళలు టైలరింగ్‌ బిజినెస్ కూడా ప్రారంభించొచ్చు. షర్ట్స్‌, ట్రౌజర్స్‌, టాప్స్‌, స్కర్ట్స్‌ వంటివి కుట్టొచ్చు. అయితే దీనికి ముందు మీకు టైలరింగ్‌ గురించి తెలిసి ఉండాలి. ఎలా కుట్టాలో ముందే వచ్చి ఉండాలి. అంటే ముందుగానే టైలరింగ్‌ నేర్చుకొని ఉండాలి. లేదంటే ఇప్పుడైనా టైలరింగ్‌ నేర్చుకొని తర్వాత సొంతంగా కుట్టడం ప్రారంభించొచ్చు. ఈ బిజినెస్ కూడా మహిళలకు అనుకూలంగా ఉంటుంది.
ట్యూషన్‌
మీ ఇంట్లోనే పిల్లలకు ట్యూషన్‌ చెప్పడం లేదంటే ఆన్‌లైన్‌ వీడియోలు చేయడం వంటి పనులు కూడా చేయొచ్చు. ప్రస్తుతం ఇ-ట్యూటరింగ్‌ కూడా ఆదరణ బాగానే ఉంది. గంటకు ఇంత చార్జీ లేదా నెలకు ఇంత ఫీజు చొప్పున ట్యూషన్‌ చెబుతూ డబ్బులు సంపాదించొచ్చు. ఇకపోతే ఏ బిజినెస్ అయినా శ్రద్ధగా చేసుకుంటే మంచి రాబడి పొందొచ్చు.
