కరోనా లక్షణాలు కనపడితే హడావిడి, కంగారు పడకుండా ఇంటి దగ్గర ఐసోలేట్‌ అయ్యి కోలుకోవచ్చు.
- లక్షణాలు కనబడిన మొదటి రోజే హోమ్‌ ఐసోలేషన్లో ట్రీట్మెంట్‌ మొదలు పెట్టండి.
- లక్షణాలు కనబడిన మొదటి రోజే ఒక డాక్టర్‌ పర్యవేక్షణలో ఉండండి.
- రెండో రోజు RTPCR ఇవ్వండి. దాని రిజల్ట్‌ గురించి ఆందోళన వద్దు. టెస్ట్‌లో పాజిటివ్‌ రాగానే కంగారు పడుతూ హాస్పిటల్స్‌కి పరిగెత్తకండి. ఒకవేళ నెగెటివ్‌ వచ్చినా ప్రస్తుత పరిస్థితుల్లో దానిని కరోనా కాదని ఊహించకండి. ఓ పదిరోజులు కరోనానే అనుకుని జాగ్రత్తగా ఉండటం వల్ల నష్టమేమీ లేదు.
- ఐదవరోజు వరకు రక్తపరీక్షలు, చెస్ట్‌ ఎక్స్‌ రే, సీటీ స్కాన్ల అవసరం ఉండదు.
- లక్షణాలు ఉన్నా తగ్గినా ఐదు లేదా ఆరవ రోజు రక్త పరీక్షలు డాక్టర్‌ సూచించినట్టు చేయించుకోండి.
- అవసరం ఐతే చెస్ట్‌ ఎక్స్‌ రే లేదా సీటి స్కాను ఐదు నుంచి పది రోజుల మధ్య చేయించే అవకాశం ఉంటుంది. అది ట్రీట్మెంట్‌ ఇచ్చే డాక్టర్‌ మీ లక్షణాలనుబట్టి వచ్చిన రక్త పరీక్షల రిపోర్ట్‌లను బట్టి నిర్ణయిస్తారు.
- ఐదవ రోజునుంచి ప్రతి మూడు గంటలకొకసారి పల్స్‌ ఆక్సీమీటర్‌ను చూసుకుంటూ ఉండండి. ఆక్సిజన్‌ శాతం 94 శాతం కన్నా తక్కువగా ఉన్నా పల్స్‌ రేట్‌ 120/మినిట్‌ కన్నా ఎక్కువగా ఉన్నా మీ డాక్టర్‌ దృష్టికి తీసికెళ్ళండి.
- ఐదో రోజు నుంచి పదో రోజు వరకు జ్వరం పెరిగుతున్నా లేదా జ్వరం కంట్రోల్‌కి రాకున్నా దగ్గు పెరుగుతున్నా లేదా దగ్గు కంట్రోల్‌కి రాకున్నా మీ డాక్టర్‌ దృష్టికి తీసికెళ్ళండి.
- ఆక్సిజన్‌ శాతం 93 శాతం కంటే తక్కువగా ఉంటేనే హాస్పిటల్‌ అడ్మిషన్‌ అవసరం. 90-93 శాతం ఉన్నప్పుడు ఆయాసం లేకపోతే ఆందోళన అవసరం లేదు. ఆ సమయంలో మీ డాక్టర్‌తో మాట్లాడండి. నింపాదిగా ఉంటూ ఎక్కడైనా బెడ్‌ దొరకగలదేమో ప్రయత్నించండి. కంగారు పడుతూ పేషంట్‌ని కంగారు పెట్టడం వలన ఆక్సిజన్‌ శాతం మరింత వేగంగా పడిపోయే ప్రమాదం ఉంది.
- 93 శాతం కంటే తక్కువగా ఆక్సిజన్‌ పడిపోవడమన్నది పదిమందిలో ఒకరికి జరిగే అవకాశం ఉంది. కాబట్టి భయం అనవసరం. సంయమనంతో కంగారు పడకుండా ఉండేవాళ్ళలో 90 శాతంకి తగ్గి కూడా మెల్లిగా మళ్ళీ అదేంతకు అదే ఒకరోజులో మామూలు స్థితికి వస్తుంది. కాబట్టి ఆక్సిజన్‌ శాతం తగ్గినపుడు ఆందోళన పడకపోవడం చాలా చాలా ముఖ్యం.
- హోం ఐసోలేషన్లో సరిగా తినని వాళ్ళు కరోనానుండి కోలుకోవడాని చాలా సమయం పడుతోంది. సరిగా తినని వాళ్ళలో ఇమ్యూనిటీ కూడా తగినంత స్థాయిలో ఉండటం లేదు. అంతే కాక వీళ్ళలో కరోనా వలన విపరీతమైన నీరసం ఆవహిస్తున్నది. కరోనా తగ్గాక కూడా మూడు నెలలు ఈ నీరసం బాధపెడుతున్నది. కాబట్టి ప్రతి మూడుగంటలకు ఎంతో కొంత తినడం ముఖ్యం. షుగరు జబ్బు ఉన్నవారు తగినంత ఆహారం తీసుకుంటూ ఇంట్లో రెండు పూటలా షుగర్‌ టెస్టు చేసుకుంటూ మీ డాక్టర్‌ సూచించినట్టు ఏ రోజుకారోజు షుగరు మందుల డోసు అడ్జస్ట్‌ చేసుకోవచ్చు.
- హోం ఐసోలేషన్లో ఉన్నపుడు వీలైనంత పడుకోవడమూ అవసరం. అనవసర శక్తి ప్రదర్శన వ్యాయామాలు చేస్తూ తాము బాగానే ఉన్నామని అనుకోకూడదు. ఏ జ్వరం వచ్చినపుడైనా పూర్తి విశ్రాంతి చాలా అవసరం. శరీరం విశ్రాంతిలో తిరిగి పుంజుకున్నంతగా ఎందులోనూ పుంజుకోదనే విషయం మనకందరికి తెలుసు. కాబట్టి నిద్రను ఎట్టి పరిస్థితుల్లో అలక్ష్యం చేయకూడదు. 12-14 గంటల నిద్ర హోం ఐసోలేషన్లో అవసరం. రాత్రి ఎనిమిది గంటలకంటే ముందే నిద్రపోతున్న వారిలో కరోనా లక్షణాల తీవ్రత ఉండటం లేదు. ఎనిమిది తరువాత టీవీలు సెల్ఫోన్లు చూస్తూ రాత్రిళ్ళు మేలుకొంటూ, ఆందోళన చెందేవారిలో వైరస్‌ని చంపే గుణం గల మెలటోనిన్‌ ఉత్పత్తి జరగడంలేదు. అందుకే త్వరగా కోలుకోవడమూ లేదు.
- మంచి సంగీతం.. సరదా జోక్సు మనసును తేలికపరుస్తాయి. బంధు మిత్రులు ఆందోళన పడుతూ ఇచ్చే సలహాలు వృథా అని గుర్తించండి. వాళ్ళు ఆందోళన పడుతూ మిమ్మల్ని ఆందోళనకు గురిచేస్తూ ఉంటారు.
