నేషనల్‌ కమిషన్‌ ఫర్‌ ఉమెన్‌ గణాంకాల ప్రకారం 2021 జనవరి నుండి మార్చి మధ్యలో 1463 గహ హింస కేసులు నమోదయ్యాయి. అంతే కాక లాక్‌ డౌన్‌లో ఈ కేసుల సంఖ్య ఇంకా పెరిగిందని లెక్కలు చెబుతున్నాయి. 2019లో 2960 కేసులు నమోదయితే ఆ సంఖ్య 2020లో 5297కి పెరిగిందని తెలుస్తోంది. తమపై హింస ఇంతగా పెరుగుతున్నా చాలామంది ఏమీ చేయలేక మౌనంగా ఉండిపోతున్నారు. మరికొంత మంది న్యాయం కోసం ఎదురు చూస్తున్నారు. ఇంకొంత మంది ఆదుకునే దిక్కులేక తనువు చాలిస్తున్నారు. ఇటువంటి పరిస్థితుల్లో మనం కొన్ని విషయం గురించి తెలుసుకోవడం చాలా అవసరం.
మహిళలపై జరిగే నేరాల్లో సుమారు 30 శాతం నేరాలు ఇండియన్‌ పీనల్‌ కోడ్ సెక్షన్‌ 498ఏ కింద రిజిస్టర్‌ అవుతున్నాయి. ఈ సెక్షన్‌ భర్త, భర్త తరపు బంధువుల వల్ల హింసని డీల్‌ చేస్తుంది. ఈ గణాంకాల ప్రకారం చూస్తే భారతదేశమంతటా గహ హింస జరుగుతూనే ఉందని అర్ధం చేసుకోవచ్చు. పైగా ఇది గ్రామాలకో, అంతగా అభివద్ధి చెందని ప్రాంతాలకో పరిమితమై లేదు.. పెద్ద పెద్ద పట్టణాల్లో కూడా జరుగుతూనే ఉంది. కొవిడ్‌-19తో పెట్టిన లాక్‌డౌన్‌ సమయంలో ఈ గహ హింస బాగా ఎక్కువయిపోయింది.
ఎలాంటి ప్రవర్తనని గహ హింస అనవచ్చు?
గహ హింసలో కొన్ని ప్రవర్తనా పద్ధతులుంటాయి. వీటిని గుర్తించడం ద్వారా గహహింస జరుగుతోందో లేదో తెలుసుకోవచ్చు. ఆ ప్రవర్తన ఎలా ఉంటుందంటే...
- మిమ్మల్ని అవమానించడం, మాటలు అనడం, కించపరచడం
- మీరు చదువుకోవడానికి, ఉద్యోగం చేయడానికి, మీ ఫ్యామిలీని, ఫ్రెండ్స్‌ని కలవడానికి అభ్యంతరపెట్టడం.
- మీరు డబ్బు ఎలా ఖర్చు పెడుతున్నారు, ఎక్కడికి వెళ్తున్నారు, ఏం మెడిసిన్స్‌ తీసుకుంటున్నారు, ఎలాంటి బట్టలు ధరిస్తున్నారు అనే విషయాల మీద కంట్రోల్‌ చేయడం
- మీరు మీ డాక్టర్‌ని కలిసే విషయాన్ని కంట్రోల్‌ చేయడం.
- మిమ్మల్ని ఏదైనా ఆయుధంతో కానీ, హింసాత్మక చర్యల ద్వారా కానీ భయపెట్టడం
- మిమ్మల్ని, పిల్లల్ని, మీ పెంపుడు జంతువులని శారీరకంగా బాధించడం
- ఎల్‌జీబీటీక్యూఐఏ వ్యక్తుల విషయంలో లెస్బియన్స్‌, ట్రాన్స్‌జెండర్‌, బైసెక్సువల్‌ వ్యక్తులకి అధికారులు ఎలాంటి సహాయం చేయరని చెప్పడం.
సాయం కోసం..
మీరు మీ భాగస్వామి వల్ల గహ హింసకి లోనవుతుంటే మీరు ఇలా సహాయం పొందవచ్చు.
- మీ ఫ్రెండ్‌, పొరుగింటివారు, తోటి ఉద్యోగస్తులు, మీరంటే ఇష్టమున్న వారికి విషయం చెప్పడం
- హెల్ప్‌లైన్‌కి ఫోన్‌ చేసి స్త్రీల షెల్టర్స్‌, వంటి రిసోర్సులకి రెఫరల్‌ కోసం, ఇంటర్వెన్షన్‌ కోసం అడగడం
- స్థానికంగా ఉండే ఉమెన్స్‌ షెల్టర్‌, క్రైసిస్‌ సెంటర్‌ వారి హెల్ప్‌ తీసుకోవడం
- కౌన్సిలింగ్‌ లేదా మెంటల్‌ హెల్త్‌ సెంటర్‌ వారి హెల్ప్‌ తీసుకోవడం
- లోకల్‌ పోలీస్‌ స్టేషన్‌, కోర్ట్‌ వారి హెల్ప్‌ తీసుకోవడం
ఎలా ప్లాన్‌ చేసుకోవాలి..
మిమ్మల్ని గహ హింసకి గురి చేసే భాగస్వామి వద్ద నుండి తప్పించుకోవాలనుకున్నప్పుడు ఓ సేఫ్టీ ప్లాన్‌ ఆలోచించి పెట్టుకోవాలి. అంటే ఏం చేయాలంటే...
- విమెన్స్‌ షెల్టర్‌ లేదా డొమెస్టిక్‌ వయొలెన్స్‌ హెల్ప్‌లైన్‌కి కాల్‌ చేసి వారి సలహా తీసుకోవడం. అయితే ఈ కాల్‌ చేసేప్పుడు మిమ్మల్ని అబ్యూజ్‌ చేసే భాగస్వామి దగ్గరలో లేనప్పుడు మాత్రమే చేయాలని గుర్తు పెట్టుకోండి. లేదా ఏదైనా సురక్షితమైన ప్రదేశం నుండి కాల్‌ చేయాలని గమనించండి.
- ఒక ఎమర్జెన్సీ బ్యాగ్‌లో మీరు బయటకి వెళ్ళేప్పుడు కావాల్సిన వస్తువులని పెట్టుకోండి. ఈ బ్యాగ్‌ని ముఖ్యమైన వ్యక్తిగత కాగితాలు, డబ్బులు, మెడిసిన్స్‌ వంటి వాటితో పాటు సురక్షితమైన ప్రదేశంలో ఉంచండి.
గహ హింస అంటే ఏమిటి?
ఐక్యరాజ్య సమితి ఇచ్చిన నిర్వచనం ప్రకారం తనతో అతి దగ్గరగా మసిలే భాగస్వామి మీద అధికారం సంపాదించడానికో, ఉన్న అధికారాన్ని ఉపయోగించుకోవడానికో ప్రవర్తించే విధానాన్ని గహహింస అంటారు. ఈ ప్రవర్తనలో భయపెట్టడం, బాధ పెట్టడం, కించపరచడం, బెదిరించడం, నిందించడం, గాయాల పాలు చేయడం, హాని చేయడం, ఉపాయంగా వ్యవహరించడం వంటివి అన్నీ వస్తాయి. అలాగే ఈ హింస కేవలం శారీరక హింసకి మాత్రమే పరిమితమై ఉండదు. లైంగిక, భావోద్వేగ, మానసిక హింస కూడా గృహహింస కిందకి వస్తుంది.
