మెదడు మనం తినే ఆహారాల నుండి పోషకాలను గ్రహిస్తుంది. ఈ నేపథ్యంలో శిశువు ఆహారాలపై ప్రత్యేక శ్రద్ధ వహించాలి. పిల్లల మెదడు పనితీరు, శిశువు జ్ఞాపకశక్తిని మెరుగుపరచడంలో ముఖ్యమైన పోషకమైన ఆహారాల జాబితాను రూపొందించాలి. దీంతో పిల్లల మెదడు పనితీరును పెంచే అధిక పోషకమైన ఆహారాన్ని తీసుకోవడం చాలా ముఖ్యం.
గుడ్లు: పిల్లలకు పిండి పదార్థాలు, ప్రోటీన్‌, అల్పాహారం కోసం తక్కువ మొత్తంలో ఆరోగ్యకరమైన కొవ్వులు ఉండే పదార్థాలు అందించాలి. ఇవి రోజంతా బలంగా ఉంచడానికి సహాయపడతాయి. గుడ్లు ప్రోటీన్‌ కలిగిన మంచి మూలం అని మనందరికీ తెలుసు. అదనంగా.. గుడ్డు పచ్చసొనలో కోలిన్‌ ఉంటుంది. ఇది శిశువు జ్ఞాపకశక్తిని పెంచడంలో చాలా ముఖ్య పాత్ర పోషిస్తుంది. కాబట్టి అల్పాహారంలో గుడ్లు కలిగి ఉండడం చాలా ముఖ్యం.
చేప: ఒమేగా -3 కొవ్వు ఆమ్లాల మూలం. ఇది పిల్లల మెదడు అభివృద్ధికి, ఆరోగ్యానికి ఉపయోగపడుతుంది. చేపలు వారానికి ఓసారి తినాలి. ఒమేగా -3 కొవ్వు ఆమ్లాలను ఎక్కువగా తీసుకునే పిల్లలు చురుగ్గా ఉంటారు.
ఓట్స్‌: పిల్లల మెదడు అభివృద్ధికి దోహదపడతాయి. అవి చాలా ఫైబర్‌ కలిగివుంటాయి. ఇవి పిల్లలను సంతృప్తికరంగా ఉంచుతాయి. జంక్‌ ఫుడ్‌ నుంచి దూరంగా ఉంచుతాయి. పిల్లలలో మెదడు అభివృద్ధిలో ముఖ్యమైన పాత్ర పోషిస్తున్న విటమిన్‌ ఇ, బి కాంప్లెక్స్‌, జింక్‌ కూడా వీటిలో ఉంటాయి. కాబట్టి పిల్లల అల్పాహారం జాబితాలో ఓట్స్‌ ఉంచడం చాలా ప్రయోజనకరంగా ఉంటుంది.
కూరగాయలు: వీటిలో యాంటీఆక్సిడెంట్లు అధికంగా ఉంటాయి. ఇవి మెదడు కణాలను ఆరోగ్యంగా ఉంచడంలో సహాయపడతాయి. టమోటాలు, చిలగడ దుంపలు, తీపి గుమ్మడికాయలు, క్యారెట్లు, బచ్చలికూర వంటి కూరగాయలను పిల్లల ఆహారంలో చేర్చాలి. ఎందుకంటే అవి చాలా యాంటీఆక్సిడెంట్లను కలిగి ఉంటాయి. కూరగాయలను సూప్‌లో చేర్చవచ్చు.
పాలు, పెరుగు, జున్ను: పాలు కూడా పిల్లలకు అందించాలి. పెరుగు, జున్నులో ప్రోటీన్‌, బి విటమిన్లు పుష్కలంగా ఉంటాయి. ఇవి మెదడు అభివృద్ధికి అవసరం, ఇవన్నీ మెదడు అభివృద్ధిలో ముఖ్యమైన పాత్ర పోషిస్తాయి. ఈ ఆహారాలలో అధిక మొత్తంలో కాల్షియం కూడా ఉంటుంది. ఇది బలమైన, ఆరోగ్యకరమైన దంతాలు, ఎముకల అభివృద్ధికి అవసరం. పిల్లలలో కాల్షియం అవసరాలు వారి వయసును బట్టి మారుతుంటాయి. కాని ప్రతిరోజూ రెండు నుండి మూడు సార్లు కాల్షియం అధికంగా ఉండే ఆహారాన్ని తినాలి.
బీన్స్‌: వీటిలో ప్రోటీన్‌, విటమిన్లు ఖనిజాల అధికంగా ఉంటాయి. ఈ పదార్థాలు పిల్లలకు చాలా ప్రయోజనకరంగా ఉంటాయి. ఈ ఆహారాలు పిల్లల ఆలోచనల అభివృద్ధిలో ముఖ్యమైన పాత్ర పోషిస్తాయి. సలాడ్‌ మిశ్రమం మీద బీన్స్‌ చల్లడం మంచిది. తరిగిన పాలకూర, జున్ను కలిపి సరైన శాండ్‌విచ్‌ తయారు చేసి మీ బిడ్డకు అందించడం మంచిది.
