కొత్త తరంలో అన్ని అనుభవాలు వేగంగా మారిపోతుంటాయి. అంటే ప్రేమ, కోపం, తాపం, ఆవేశం ఇలా అన్ని వేగంగా వచ్చి వెళ్లిపోతుంటాయి. ఇలాంటి వేగవంతమైన యుగంలో బంధాల్లో ఇబ్బందులు రాకుండా ప్రేమ ఎప్పటికీ మీ గుండెల్లో నిలిచి ఉండేలా చూసుకోవాలి. బ్యాంకు బ్యాలెన్స్‌ కన్నా గుండెల్లో ప్రేమ బ్యాలెన్స్‌ ఎక్కువ ఉండేలా చూసుకోవాలి. ఇందులో కొత్త తరం అంటే ఈ రోజుల్లో ముద్దుగా పిలుచుకునే మిలేనియల్స్‌. బంధాల ఈ డిక్షనరీలో ఇలాంటి కొత్త పదాలు బోలెడు ఉన్నాయి.
ప్రస్తుతం మాటల నుంచి సోషల్‌ మీడియా వరకు జంటల గోల్స్‌ గురించి తరచూ వింటూ ఉంటున్నాం. చాలా మంది తమ పరిస్థితిని బట్టి గోల్స్‌ పెట్టుకుంటున్నారు. వీటి ఆధారంగా తమ జీవితం, తమ బంధాలను సెట్‌ చేసుకుంటున్నారు. గోల్‌ అంటే లక్ష్యం. కపుల్‌ గోల్స్‌ అంటే బంధం మరింత బలపడటానికి కొన్ని లక్ష్యాలను పెట్టుకుని వాటికి అనుగుణంగా జీవిస్తూ వాటిని సాధించడం. అనేక సందర్భాల్లో మాటల మధ్య, ర్యాప్‌ సాంగ్స్‌, షోస్‌, ఇంస్టాగ్రామ్‌ క్యాప్షన్‌లో కపుల్‌ గోల్స్‌ అనే పదం వాడుతూ ఉంటారు.
కపుల్‌ గోల్స్‌ అంటే
మిలీనియల్‌ జెనరేషన్‌లో కపుల్‌ గోల్స్‌ అర్థం ఏంటంటే.. ఒక జంట తమ మధ్య అన్ని విషయాలను అర్థం చేసుకుని, తెలుసుకుని అన్ని విషయాలను సరిగ్గా కమ్యూనికేట్‌ చేసుకోవడం. జీవితంలో ఎదరయ్యే అన్ని కష్టాలను, సుఖాలను, బాధలు, సంతోషాలను సమంగా బాధ్యత వహిస్తూ జీవిచడం. కపుల్‌ గోల్స్‌ అనే టెర్మ్‌ను ఎక్కువగా వాడే వారు చెప్పేది ఏంటంటే.. పరిస్థితి ఎలా ఉన్నా కమ్యూనికేషన్‌ అంటే... మాట్లాడటం అనేది ఆపకూడదు. ఫ్యామిలీ కౌన్సెలర్ల ప్రకారం కొత్త తరం జంటలు తమ తల్లిదండ్రుల్లా బతకాలి అని అనుకోవడం లేదు. వాళ్ల పిల్లల పెంపకం వరకు మాత్రమే తమ జీవితాన్ని పరిమితం చేసుకోవాలి అనుకోవడం లేదని అంటున్నారు. పిల్లలే కాకుండా తమ వ్యక్తిగత జీవితానికి కూడా ఎక్కువ ప్రాధాన్యత ఇద్దాం అని అనుకుంటున్నారట. మీ ఇద్దరి మధ్య ప్రేమ ఉండి ఎప్పుడూ మీ జీవితం ఆనందమయం అవ్వాలి అంటే కపుల్‌ గోల్స్‌ ఇవే...
కొత్త ప్రదేశాలకు
బంధాల్లో బోర్‌ రాకుందా చాలా జాగ్రత్తలు తీసుకోవాలి. ఎప్పుడూ కొత్తకొత్తగా ఉన్నదీ.. స్వర్గం ఇక్కడే ఉన్నది.. అనే ఫీలింగ్‌ వచ్చేలా కొత్తగా ట్రై చేయండి. కొత్త కొత్త ప్రదేశాలను చుట్టిరండి. అప్పుడు మీ మధ్య బంధం మరింతగా బలపడుతుంది. ఒకరి భావాలు ఒకరు పంచుకునే సమయం కూడా దొరుకుతుంది.
అహం వద్దు
ఎంత పెద్ద గొడవ అయినా, అలక అయినా, కమ్యూనికేషన్‌ మాత్రం అస్సలు తగ్గించకండి. కమ్యూనికేషన్‌ గ్యాప్‌ వల్ల జంటల మధ్య దూరం పెరుగుతుంది. దీనికి ప్రధాన కారణం ఇగో లేదా అహం. ఇగోను పక్కనపెట్టి మీ కమ్యూనికేషన్‌పై ఫోకస్‌ పెట్టి సాధారణ పరిస్థితి తెచ్చుకోవడానికి ప్రయత్నించాలి.
ఒకరిని ఒకరు
మీరు వేరే వేరు ప్రొఫెషనల్‌లో ఉంటే ఒకరి ఫ్రొఫెషన్‌ను ఒకరు గౌరవించుకోండి. మీ భాగస్వామి చేస్తున్న పనిని మెచ్చుకోండి. తన ఇష్టా అయిష్టాలను గౌరవించండి. వీటి వల్ల కూడా బంధాలు బలంగా మారుతాయి.
ఎంజాయ్ చేయండి
మీ మిత్రులతో మాత్రమే కాదు.. జీవిత భాగస్వామితో కూడా కలిసి ఎంజారు చేయండి. ఔటింగ్‌కి వెళ్లండి. దీని వల్ల అండర్‌ స్టాండింగ్‌ పెరుగుతుంది. ఈ రోజుల్లో ఎన్నో జంటల కపుల్‌ గోల్స్‌లో ఎడ్వెంచర్‌ ట్రిప్‌పై వెళ్లడం కూడా ఉంటుంది.
కలిసి ఎదగడం
దీని అర్థం ఏంటంటే ఒకరు కెరియర్‌ లేదా ఫిడ్నెస్‌లో ముందుంటే ఇంకొరికి తక్కువ చేయకూడదు. కొంచెం వెనక ఉన్న భాగస్వామిని వెన్ను తట్టి ముందుకు తీసుకెళ్లే బాధ్యత మీదే. దీని వల్ల బంధం మరింతగా బలపడుతుంది.
