మన దేశ దుస్తులను ప్రపంచ మార్కెట్‌లో నిలిపేందుకు 2019లో అపర్ణ, అంబికా కలిసి 'శోభితం' స్థాపించారు. ఎట్సీలో ప్రయోగాత్మకంగా ప్రారంభించిన ఈ బ్రాండ్‌ గత రెండేండ్లలో 300 శాతం వృద్ధి చెందింది. మన దేశ కళను ప్రపంచానికి పరిచయం చేస్తూ నేత కార్మికులకు అండగా నిలిచిన ఈ సంస్థ ఇంతగా వృద్ధి సాధించేందుకు ఈ అక్కచెల్లెళ్ళుచేసిన కృషేంటో మనమూ తెలుసుకుందాం...
అపర్ణ త్యాగరాజన్‌ 12 సంవత్సరాల వయసులో ఉన్నప్పుడు తన సోదరి అంబిక రెండవ పుట్టినరోజున పాత చీరతో మొదటిసారి బట్టలు కుట్టింది. అపర్ణ మేనత్త నుండి ప్రేరణ పొందింది. ఆమె మంచి కళాకారులు. చేనేత బట్టలు తెచ్చి వాటి నుండి రకరకాల మోడల్స్‌ తయారు చేసేది. అపర్ణ పెరిగేకొద్దీ శిల్పకళా ఉత్పత్తులు, డిజైన్‌లపై ప్రేమ మరింతగా పెరిగింది. అక్కను చూసి అంబిక కూడా ఆసక్తిని పెంచుకుంది. అపర్ణ చాలా మంది కళాకారులు, నేత కార్మికులను కలిసి నేరుగా చీరలను కొనుగోలు చేయడం ప్రారంభించింది.
సంతృప్తిలేదు
2002లో వివాహం చేసుకున్న తర్వాత అపర్ణ సీటెల్‌కు వెళ్లింది. అక్కడకు వెళ్ళిన తర్వాత ఆమె భారతీయ దుస్తులను కొనుగోలు చేయలేకపోయింది. ''యుఎస్‌లో భారతీయ దుస్తులు కొనడం అస్సలు సంతృప్తికరంగా ఉండదు. నేను ఎల్లప్పుడూ వైవిధ్యం, నాణ్యత కోసం చూస్తుంటాను. 2018లో నేను భారతదేశాన్ని సందర్శించినప్పుడు నేను, అంబిక ఓ ఈవెంట్‌ కోసం జర్దోసి ఆర్టిస్ట్‌తో కలిసి పని చేస్తున్నాను. నా సమయంలో కరిగర్‌ మాతో ఓ బోటిక్‌ ప్రారంభించమని సలహా ఇచ్చాడు'' అని అపర్ణ చెప్పింది.
శోభితం ప్రారంభం
ఇది అపర్ణకు ఓ మంచి ఆలోచనగా అనిపించింది. ఆమెలాగే ప్రపంచవ్యాప్తంగా అనేక మంది ఎన్‌ఆర్‌ఐలు అనేక రకాల భారతీయ దుస్తులను ఒకే చోట పొందడానికి ఇబ్బంది పడుతున్నారని ఆమె గ్రహించింది. కుటుంబ విందు సమయంలో అపర్ణ భారతదేశం నుండి ఉత్పత్తులను తీసుకొచ్చి ఫ్యాషన్‌ బ్రాండ్‌ను ప్రారంభించాలనే తన ఆలోచనను చెప్పింది. ఆమె నిర్ణయాన్ని అందరూ మెచ్చుకోవడంతో మరింత నమ్మకం వచ్చింది. అలా తన సోదరి అంబికతో కలిసి 2019 మార్చిలో శోభితం ప్రారంభించింది.
రెండు సంవత్సరాల్లోనే...
మొదట్లో 15 చీరలను విక్రయించడంతో ప్రారంభమైన శోభితం కేవలం రెండు సంవత్సరాలలో 30 దేశాలకు పైగా ఉత్పత్తులను రవాణా చేస్తోంది. గత రెండు సంవత్సరాలలో ఈ బ్రాండ్‌ 300 శాతానికి పైగా వార్షిక వృద్ధిని సాధించింది. 2021లో రూ. 9 కోట్ల వార్షిక టర్నోవర్‌ కలిగి ఉంది. వారి వెబ్‌సైట్‌లో 1,000 కంటే ఎక్కువ డిజైన్ల లిస్టు ఉంది. ఎట్సీలోనే ఓ గొప్ప సోర్‌గా ఇది అభివృద్ధి చెందినది.
ఊహించిన దానికంటే...
చేతితో తయారు చేసిన పాతకాలపు వస్తువులు, క్రాఫ్ట్‌ సామాగ్రిపై దృష్టి సారించిన అమెరికన్‌ ఇకామర్స్‌ కంపెనీ ఎట్సీతో కలవడం ద్వారా శోభితం ప్రయాణం ప్రారంభమైంది. 15 చీరలతో ప్రారంభించానని ఆన్‌లైన్‌ షాప్‌ ఏర్పాటు చేసిన మూడు రోజుల్లోనే ఫ్రాన్స్‌ నుంచి తనకు మొదటి ఆర్డర్‌ వచ్చిందని అపర్ణ చెప్పింది. ''మొదటి బ్యాచ్‌ ఉత్పత్తులు మేము ఊహించిన దాని కంటే చాలా ముందుగానే అమ్ముడయ్యాయి. మా ప్రారంభ కస్టమర్‌లు తమకు తెలిసివారికి మా గురించి చెప్పారు. అప్పటి నుండి మేము ఎప్పుడూ వెనక్కి తిరిగి చూడాల్సిన అవసరం లేదు'' అంటూ ఆమె గుర్తుచేసుకుంది.
కష్టమర్లకు నమ్మకం ఉండదు
సోషల్‌ మీడియా ద్వారా ఉత్పత్తులను విక్రయించే అనేక చిన్న, మధ్యస్థ స్థాయి కంపెనీల వారు ఇచ్చిన కళాత్మక ఫ్యాషన్‌ ప్రపంచ మార్కెట్‌లో చిన్నాభిన్నమైంది. కానీ అపర్ణ తాను ఆ మార్గాన్ని తీసుకోవాలనుకోవడం లేదని చెప్పింది. ''ఉత్పత్తిని విక్రయించడానికి సోషల్‌ మీడియాలో ఓ సమూహాన్ని సృష్టించడం సూక్ష్మ స్థాయిలో గొప్ప ఆలోచన. కానీ అది నమ్మకమైన కస్టమర్‌ బేస్‌ను సృష్టించదు. తరచుగా ప్రజలు చిత్రాలు చూసిన తర్వాత ధరను చూసి కొనుగోలు చేయకుండా వదిలివేసి వెళ్లిపోతుంటారు. ఇదంత చాలా గందరగోళంగా కష్టమర్లను సంతృప్తి పరచయడం చాలా సవాలుగా ఉంది'' అని ఆమె చెప్పింది. టెక్నికల్‌ నేపథ్యం నుండి వచ్చిన అపర్ణ, అంబికలకు కస్టమర్లకు ప్రత్యక్ష అనుభవాన్ని అందించడం ప్రయోజనకరంగా ఉంటుందని తెలుసు. మార్కెట్‌లోకి ప్రవేశించిన ఓ సంవత్సరంలో శోభితం వెబ్‌సైట్‌ను ప్రారంభించారు. అప్పటి నుండి వెనక్కి తిరిగి చూడలేదు. శోభితం సూత, ది ఇండియన్‌ ఎథ్నిక్‌ కోతో పాటు మరిన్ని పెద్దపెద్ద కంపెనీలతో పోటీపడుతుంది. కానీ అపర్ణ బ్రాండ్‌ విలక్షణమైన విభిన్నమైన కళారూపాలలో కస్టమర్లకు అందించే ఆఫర్ అని చెప్పింది.
దేశవ్యాప్తంగా నేతకారులకు
అమెరికాలోని సీటెల్‌, భారతదేశంలోని బెంగుళూరులో శోభితంకి రెండు ఆఫీసులు ఉన్నాయి. అపర్ణ సీటెల్‌ నుండి పనిచేస్తుంటే అంబిక భారతదేశం నలుమూలల నుండి కళాకారులతో పని చేస్తుంది. కాశ్మీర్‌లోని సోజ్ని నుండి ఉత్తర ప్రదేశ్‌లోని చికన్‌కారి, రాజస్థాన్‌లోని డాబు, ఒడిశాలోని ఇక్కత్‌, మణిపూర్‌లోని మొయిరాన్‌ ఫై, కేరళలోని పెన్‌ కళంకరి.. ఇలా మొత్తం 16 నగరాలలో 340 మంది చేనేత కార్మికులు, చేతివృత్తిదారులతో సంబంధం కలిగివుంది.
ప్రపంచవ్యాప్తం చేయడమే
''మా ప్రధాన లక్ష్యం సాంప్రదాయ భారతీయ డిజైన్లను ప్రపంచ వ్యాప్తంగా ప్రచారం చేయడం. భారతదేశంలో ఇంకా అన్వేషించలేని కళలు ఉన్నాయని ప్రపంచానికి తెలియజేయడం'' అంటున్నారు అపర్ణ. మహమ్మారి వల్ల ప్రపంచం మొత్తం స్తంభించినప్పుడు అపర్ణ శోభితం పని చేయడాన్ని ఎప్పుడూ ఆపలేదు. అలాగే ఈ బ్రాండ్‌తో సంబంధం ఉన్న ప్రతి కళాకారుడు పనిచేయగలిగాడు. ''మహమ్మారి సమయంలో మేము 'శోభితం గిగ్‌' అనే కార్యక్రమాన్ని కూడా ప్రారంభించాము. ఈ వ్యాపార ఆదాయంలో 50 శాతంతో దాదాపు 600 మంది నేత కార్మికులకు నిత్యావసర సరుకు ఇచ్చాము'' ఆమె చెప్పింది.
కస్టమర్ల అవసరాలకు...
ఏదైనా జాతి దుస్తులు.. ముఖ్యంగా చీరలు కొనుగోలు చేసే కస్టమర్‌ ప్రయాణం అంత సులభం కాదు. ఎందుకంటే ఇది బహుళ దశలను కలిగి ఉంటుందనది అపర్ణ చెప్పారు. స్టాటిస్టా ప్రకారం 2020 ఆర్థిక సంవత్సరంలో భారతదేశవ్యాప్తంగా మహిళల జాతి దుస్తుల మార్కెట్‌ పరిమాణం సుమారు 17 బిలియన్లు వుంది. ఇది 2025 నాటికి 24 బిలియన్‌ డాలర్లకు చేరుకుంటుందని అంచనా. ''భారతీయ శైలిలో టైలరింగ్‌ నెట్‌వర్క్‌ లేకపోవడం ప్రపంచవ్యాప్తంగా సవాలుగా వుంది. బ్లౌజులు కుట్టడం, కుటుంబానికి సరిపోయే జాతి దుస్తులను వెతకడం వంటి పని తరచుగా కొనుగోలు చేసేవారికి ఇబ్బందిగా మారింది. దీని వల్ల ప్రపంచ భారతీయ ప్రవాసులకు ఆలస్యం కావడంతో కస్టమర్‌కు అసంతృప్తి కలుగుతుంది. శోభితం ప్రతి స్థాయిలో ఇలాంటి సమస్యలను పరిష్కరించే ప్రయత్నం చేస్తుంది'' అని అపర్ణ అంటుంది. చీర ఎంపిక ప్రక్రియలో కస్టమర్లకు సహాయపడటమే కాకుండా బ్రాండ్‌ బ్లౌజ్‌ స్టిచింగ్‌ కోసం కస్టమ్‌ ఆర్డర్‌లను తీసుకుంటుంది శోభితం. ప్లస్ సైజ్‌ మహిళలకు చీరలు, కస్టమర్‌ ఎంపిక కోసం వెజ్‌టేరియన్‌ సిల్క్‌లు వంటి కేటగిరీలను తీసుకువచ్చిందని అనేక విలువ జోడించిన వాటిని కూడా అందిస్తోందని అపర్ణ చెప్పారు.
ముందున్న మార్గం
అపర్ణ శోభితం వేగవంతమైన వృద్ధికి ఇకామర్స్‌.. ఆధారిత డిజిటల్‌ మొదటి విధానానికి కారణమని పేర్కొంది. మొదటి రోజు నుండి సాంకేతిక పరిజ్ఞానాన్ని పెంచడం, ఉత్తమ ఎంపికపై లేజర్‌ ఫోకస్‌ చేయడం వల్ల శోభితం వృద్ధి వెనుక వున్న రెండు ప్రధాన అంశాలని అపర్ణ అంటుంది. వినియోగదారుల కొనుగోలు అనుభవంలో టెక్‌ని అనుసంధానం చేయడం ద్వారా వ్యాపారాన్ని వృద్ధి చేసుకోవాలని ఆమె కోరుకుంటుంది. బ్రాండ్‌ తన ఉత్పత్తుల శ్రేణిని విస్తరించాలని, భారతదేశంలోని చేనేత, కళలను శక్తివంతం చేయడానికి తన దృష్టిని మరింత బలోపేతం చేయాలని కూడా యోచిస్తోంది.
- సలీమ
