ఎర్ర రక్త కణాల లోపల ఉండే అణువును హిమోగ్లోబిన్‌ అంటారు. ఇది మనం పీల్చే గాలి నుండి ఆక్సిజన్‌ను వేరు చేసి ఇతర అవయవాలకు పంపే పని చేస్తుంది. తద్వారా అవయవాలలో జీవక్రియను ప్రోత్సహిస్తుంది. హిమోగ్లోబిన్‌ స్థాయి పురుషులకు 14-18 గ్రా/డిఎల్‌, ఆడవారికి 12-16 గ్రా/డిఎల్‌ ఉండాలి. మోతాదు తక్కువగా ఉంటే శరీర ఆరోగ్యం అనేక రకాలుగా దెబ్బతింటుంది.
పాలిపోయిన చర్మం: రక్తం లేకపోతే చర్మం పాలిపోతుంది. కండ్లు, గోర్లు, దంతాల చిగుళ్ళు రక్తం లేకుండా పాలిపోయినట్టు కనిపిస్తాయి. అలా అయితే రక్తహీనత ఉండవచ్చు.
కండరాల అస్థిరత: రక్తంలో తక్కువ హిమోగ్లోబిన్‌ ఇనుము లోపం వల్ల కూడా సంభవించవచ్చు. కాబట్టి ఐరన్‌ లేకపోతే కండరాలు సంకోచించి పడిపోయి బలహీనపడతాయి. అందువలన చేతులు, కాళ్ళు బలహీనంగా ఉంటాయి.
రాపిడి: తక్కువ హిమోగ్లోబిన్‌ శరీరంలో అప్పుడప్పుడు రాపిడికి కారణమవుతుంది. హిమోగ్లోబిన్‌ లేకపోవడం వల్ల ప్లేట్‌లెట్స్‌ ఉత్పత్తి కూడా తగ్గుతుంది. కాబట్టి రక్తం గడ్డకట్టడాన్ని నియంత్రించదు. ఇది అప్పుడప్పుడు రాపిడిని కలిగిస్తుంది. రోజులో అది గాయాలుగా మారి రక్తస్రావం కలిగిస్తుంది.
తలనొప్పి: అసమతుల్యమైన హిమోగ్లోబిన్‌ తలనొప్పి, శ్వాస ఆడకపోవడం, తలతిరగడం వంటి సమస్యలను కలిగిస్తుంది. దీని వల్ల ఉత్సాహం లోపించడం, దేనిపైనా ఆసక్తి లేకపోవడం, ఏ పనీ చేయలేక నిత్యం నిద్రపోవాలనే భావన కలుగుతుంది.
పెరగడానికి ఏం చేయాలి: ఐరన్‌ అధికంగా ఉండే ఆహారాన్ని తినండి. బచ్చలికూర, బీట్‌రూట్‌, మటన్‌, కాలేయం, టర్కీ, పల్లీలు, నల్ల చిక్‌పీస్‌, గుడ్లు, ఆలూ, దానిమ్మ, గింజలు, సీఫుడ్‌, తేనె, యాపిల్స్‌ వంటి రోజువారీ ఆహారం తీసుకోండి. ఇది హిమోగ్లోబిన్‌ లోపాన్ని నివారించవచ్చు.
