బెంగళూరుకు చెందిన అంజనా పాసి రూ. 107 కోట్ల టర్నోవర్‌ సొంత నిధులతో భారతీయ కిడ్స్‌వేర్‌ బ్రాండ్‌ (మినీక్లబ్‌) సృష్టించి ప్రపంచ వ్యాప్తంగా కస్టమర్‌లను, ఐపిఓ దృష్టిని ఆకర్షించింది. బెంగళూరు, శ్రీలంకలో ఈ బ్రాండ్‌ను తయారు చేయిస్తుంది. వ్యాపారంలో విజయం వంతం కావడం కోసం తాను రూపొందించుకున్న, అమలు చేసిన ప్రణాళిక గురించి ఆమె ఏం చెబుతుందో చూద్దాం...
   స్టాటిస్టా ప్రకారం 2018లో భారతదేశంలోని మొత్తం దుస్తుల మార్కెట్‌లో కిడ్స్‌వేర్‌ విభాగం 20 శాతం వాటాను కలిగి ఉంది. ఇది 2028 నాటికి దాదాపు రూ. 1.7 ట్రిలియన్లకు చేరుతుందని అంచనా వేయబడింది. మినీక్లబ్‌ వ్యవస్థాపకురాలు, డైరెక్టర్‌ అయినటువంటి అంజనా పాసి దుస్తుల పరిశ్రమలో పిల్లల రంగం అద్భుతంగా అభివృద్ధి చెందుతుందని 2012లోనే గ్రహించారు. అప్పటికి ఆమె తన భర్త మనీష్‌ పాసితో కలిసి పరిశ్రమలోని ఇతర బ్రాండ్‌ల కోసం దుస్తులను తయారు చేస్తున్నారు. తర్వాత కాలంలో వారే దుస్తులను అమ్మడం మొదలుపెట్టారు.
అంతరం పెరుగుతుంది
   ''2002 నుండి మేము మదర్‌కేర్‌, మోరిసన్స్‌తో పాటు ఇతర ప్రసిద్ధ విదేశీ బ్రాండ్‌ల కోసం దుస్తులను తయారు చేసే వ్యాపారంలో ఉన్నాము. దీని వల్ల ఎంతో నైపుణ్యాన్ని సంపాదించాము. ఒక దశాబ్దానికి పైగా ఈ వ్యాపారంలో ఉన్న తర్వాత మంచి అవకాశం దొరికినప్పుడు మా సొంత బ్రాండ్‌ను ప్రారంభించాలని అనుకున్నాము. మెజారిటీ బ్రాండ్‌లు కేవలం రిటైలర్లు మాత్రమే. రిటైలర్లు 'నాణ్యత' అనే పదాన్ని అర్థం చేసుకోలేరు. ముఖ్యంగా భారతీయ మార్కెట్లో ఈ అంతరం మరింతగా పెరుగుతుంది'' అని ఆమె వివరిస్తున్నారు.
మినీక్లబ్‌ స్థాపించి
   ఈ శూన్యాన్ని పూరించడానికి అంజనా, మనీష్‌ తమ పొదుపులను ఉపయోగించి మినీక్లబ్‌ను నిర్మించారు. అక్కడ వారు అభివృద్ధి నుండి ఉత్పత్తి పంపిణీ వరకు మొత్తం వ్యాపార కార్యకలాపాలను నియంత్రిస్తారు. మినీక్లబ్‌ ప్రారంభమైన దశాబ్ద కాలంలోనే రూ.107 కోట్ల టర్నోవర్‌ కంపెనీగా ఎదిగిందని అంజనా పేర్కొంది. వచ్చే రెండు, మూడేండ్లలో తాము ఇనీషియల్‌ పబ్లిక్‌ ఆఫరింగ్‌ (ఐపీఓ)ను కూడా లక్ష్యంగా చేసుకుంటామని ఆమె చెప్పారు.
మేడ్‌ ఇన్‌ ఇండియా కిడ్స్‌వేర్‌
   మినీక్లబ్‌ తన రిటైల్‌ ప్రయాణాన్ని 2013లో అంతర్జాతీయ ప్రమాణాలకు సరిపోయే నాణ్యమైన దుస్తులను అందించాలనే లక్ష్యంతో ప్రారంభించిందని అంజనా చెప్పారు. ఈ రోజు వీరి బ్రాండ్‌ భారతదేశం అంతటా 85 శాతం కవరేజీని ఏర్పాటు చేసుకుంది. 450 కంటే ఎక్కువ బహుళ-బ్రాండ్‌ అవుట్‌లెట్‌లు, పెద్ద, ప్రాంతీయ పెద్ద ఫార్మాట్‌ స్టోర్‌లను ప్రముఖంగా కలిగి ఉండి పిల్లలకు బట్టలు అందిస్తోంది. నవజాత శిశువుల నుండి ఆరు సంవత్సరాల వయసు వరకు ఉన్న పిల్లలకు ఇక్కడ దుస్తులు లభిస్తాయి. ఈ బ్రాండ్‌ నHopscotch, Gini & Jony వంటి మొదలైన వాటితో పోటీపడుతుంది.
సౌకర్యవంతమైన ఫ్యాషన్‌
   మైన్‌త్రా, అమెజాన్‌, ప్లిప్‌కార్ట్‌, ఏజియోతో బలమైన మార్కెట్‌ ఉనికిని కలిగి ఉండటం మినీక్లబ్‌ దాని ఉప బ్రాండ్‌ మినీ కడిల్స్‌ను యుకె లో ప్రారంభించింది. జాన్‌ లూయిస్‌ భాగస్వామ్యంతో యుకెలో ఇది అతిపెద్ద సహకార సంస్థ. మినీ కడిల్స్‌ రెండు సంవత్సరాల వయసు గల పిల్లలకు సౌకర్యవంతమైన ఫ్యాషన్‌ శ్రేణిని అందిస్తుంది. ఈ బ్రాండ్‌ ప్రధాన అంశం ప్రీమియం నాణ్యతను అందించడంలో ప్రాథమికంగా ఉందని, అందువల్ల ముడి పదార్థాలు భారతదేశం, శ్రీలంక నుండి స్థానికంగా లభిస్తాయని, ఇక్కడ బ్రాండ్‌ రెండవ తయారీ యూనిట్‌ను కలిగి ఉందని అంజన చెప్పారు. ప్రధాన యూనిట్‌ కర్ణాటక రాష్ట్రంలోని బెంగళూరులో ఉంది.
స్థిరమైన భవిష్యత్తు
   తన బ్రాండ్‌ కొత్త సేకరణ గురించి ఆమె మాట్లాడుతూ... తాము ప్రతి సీజన్‌లో విభిన్నమైన స్టైల్స్‌తో బయటకు వస్తున్నామని, రాబోయే వేసవిలో తాము సస్టైనబుల్‌ వేర్‌లను లాంచ్‌ చేయడానికి ప్లాన్‌ చేస్తున్నామని అంజన చెప్పారు. ''పట్టించుకునే ప్రతి బ్రాండ్‌ స్థిరంగా ఉంటుంది. మేము అన్ని రకాల కస్టమర్ల అవసరాలను తీర్చాలి. కాబట్టి దానికి తగ్గట్టు మేము మా వేసవి సేకరణను ప్రారంభిస్తున్నాము. స్థిరమైన భవిష్యత్తు కోసం మేము చాలా పని చేస్తున్నాము.
సవాళ్లను ఎదుర్కొంటూ ముందుకు
  మినీక్లబ్‌ సంవత్సరానికి దాదాపు 13 శాతం వృద్ధిని సాధిస్తోంది. రాబోయే కొన్ని సంవత్సరాలలో బ్రాండ్‌ కూడా జాబితా చేయబడాలని యోచిస్తోంది. ఏది ఏమైనప్పటికీ అది ఎదుర్కొంటున్న అతిపెద్ద సవాళ్లలో ఒకటి ప్రధాన ముడి పదార్థాలలో ఒకటైన పత్తి ధర పెరగడం. ''అంతర్జాతీయ మార్కెట్‌లో చైనీస్‌ పత్తిపై నిషేధం కారణంగా పత్తి ధరలు నిటారుగా ఉన్నాయి. ఇది ప్రపంచ పత్తి ధరలను మార్చడానికి కారణమవుతుంది. దుస్తులు, గృహోపకరణాలు, కాటన్‌ ఫైబర్‌ని ఉపయోగించే ఇతర మేకప్‌ ఉత్పత్తులలో అన్ని ఫాబ్రిక్‌ ధరలు పెరిగాయి. మార్కెట్‌ సమతుల్యతలో మార్పు కారణంగా పత్తి ధరల పెరుగుదల కొనసాగనుంది. దీనివల్ల వినియోగదారు దాదాపు 15 శాతం ఎక్కువ చెల్లించాల్సి ఉంటుంది. దీని కారణంగా కొనుగోలు తగ్గిపోతుంది.
తల్లి కోరుకున్నట్టు...
   చాలా మంది స్టార్టప్‌ బూమ్‌ మధ్య పెద్ద వ్యాపారాలను సృష్టించే అవకాశాన్ని చూస్తున్నప్పటికీ అంజన తన విధానం కొంచెం భిన్నంగా ఉందని చెప్పారు. ''మీరు ఏదైనా సృష్టించాలి అనుకున్నపన్పుడు అది ఎల్లప్పుడూ తుది ఉత్పత్తికి సంబంధించినది. ప్రతి తల్లి తన బిడ్డకు నాణ్యత, సౌకర్యాన్ని అందించడానికే ప్రయత్నిస్తుంది. అత్యుత్తమ పరిశోధన చేసి అంకిత భావంతో సమయాన్ని వెచ్చించి అలాంటి ఉత్పత్తులను తల్లికి అందిస్తాము'' అని ఆమె చెప్పింది.