రోజురోజుకు పెరిగిపోతున్న సైబర్‌ నేరాలు. సోషల్‌ మీడియా వేధికగా మహిళలపై వేధింపులు. ఫలితంగా చాలా మంది వీటిలో యాక్టివ్‌గా ఉండలేకపోతున్నారు. స్వేచ్ఛగా తమ భావాలను సమాజంతో పంచుకోలేకపోతున్నారు. వారికోసమే ఓ సురక్షితమైన ఆన్‌లైన్‌ వేదికను నిర్మించారు. అపర్ణ ఆచారేకర్‌... దీనికోసం పారిశ్రామికవేత్తగా ఉన్న ఆమె జర్నలిస్టుగా మారారు.
ముంబైయికి చెందిన అపర్ణ ఆచారేకర్‌... 2021లో తరుణ్‌ కటియాల్‌తో కలిసి మహిళల కోసం ప్రత్యేకంగా ఆన్‌లైన్‌ సోషల్‌ ప్లాట్‌ఫారమైన ఈవ్‌ వరల్డ్‌ను ప్రారంభించారు. ఇది సురక్షితమైన స్థలంగా పనిచేస్తుంది. అంతేకాదు మహిళలకు ఓ గుర్తింపు, స్వాతంత్య్రం పొందడంలో సహాయపడుతుందని ఆమె అంటున్నారు. ఆ వేదికను ప్రారంభించిన మొదటి త్రైమాసికం చివరిలో పబ్లిక్‌ లాంచ్‌ చేశారు. మహిళలు తమను తాము స్వేచ్ఛగా వ్యక్తీకరించడానికి ఆన్‌లైన్‌లో సురక్షితమైన స్థలాన్ని అందించడం దీని లక్ష్యం. యూజర్లు ఫేషియల్‌ రికగ్నిషన్‌, మల్టీఫ్యాక్టర్‌ అథెంటికేషన్‌ ద్వారా యాప్‌కి లాగిన్‌ అవ్వగలరు. గుర్తింపు, స్వాతంత్య్రం, చేరిక అనే మూడు స్తంభాలపై ఈ యాప్‌ నిలుస్తుందని అపర్ణ చెప్పారు.
మహిళల సమస్యల చుట్టూ
ఈ వేదిక బహుళ-ఫార్మాట్‌ కంటెంట్‌. సామాజిక వాణిజ్యం, ఇకామర్స్‌, బ్రాండ్‌ స్టోర్‌ల వంటి అంశాలతో పాటు మహిళల సమస్యల చుట్టూ ఉన్న కమ్యూనిటీలను కలిగి ఉంది. యాప్‌ ప్రపంచవ్యాప్తంగా అందుబాటులో ఉంటుంది. ప్రస్తుతం ఈవ్‌ వరల్డ్‌ కమ్యూనిటీ కంటెంట్‌ క్రియేటర్‌లను ఆన్‌బోర్డింగ్‌ చేస్తోంది. వీరు సబ్జెక్ట్‌ నిపుణులు, ప్లాట్‌ఫారమ్‌లో కమ్యూనిటీలను ఏర్పాటు చేసే కీలక అభిప్రాయ నాయకులు. ఈ నిపుణులు సంఘం నాయకులుగా వ్యవహరిస్తారు. అలాగే ప్రేక్షకులతో సన్నిహితంగా ఉంటారు.
ఈవ్‌ వరల్డ్‌ బృందంలో
ఆంట్రప్రెన్యూర్‌షిప్‌లో అనుభవం పొందాలనుకునే మహిళలు, నైపుణ్యం పెంచుకోవడం, వారికి అవసరమైన, ముఖ్యమైన వివిధ అంశాల గురించి నేర్చుకోవడంతో పాటు మరెన్నో ప్లాట్‌ఫారమ్‌లో మార్గదర్శకత్వం పొందుతారు'' అని ఆమె చెప్పారు. ప్లాట్‌ఫారమ్‌ ప్రజల ఉపయోగం కోసం ప్రారంభించబడనప్పటికీ ఇది ఇప్పటికే గత ఏడాది డిసెంబర్‌లో వెల్లడించని మొత్తానికి ఫెమ్‌టెక్‌ సంస్థ ఫెమ్సీని కొనుగోలు చేసింది. ఫెమ్సీ వ్యవస్థాపకురాలు నందిని గోపాల్‌.. ఆరోగ్యం, పరిశుభ్రతను నడిపించడానికి ఈవ్‌ వరల్డ్‌ బృందంలో చేరారు.
బాధ్యతాయుతమైన సోషల్‌ మీడియా
ప్లాట్‌ఫారమ్‌ లైంగికత, స్త్రీల శరీరాల చుట్టూ తిరుగుతున్న నిషిద్ధ సంభాషణలను సాధారణీకరించడానికి ఉద్దేశించబడింది. ''వివిధ రంగాల నుండి వచ్చిన తొమ్మిది మంది ప్రముఖ మహిళలతో మేము ఇటీవల కమ్యూనిటీ అడ్వైజరీ బోర్డును ఏర్పాటు చేసాము. వీరిలో సోనాలి బింద్రే, డాక్టర్‌ అంజలి ఛబ్రియా, అశ్విని అయ్యర్‌ తివారీ, భవాని అయ్యర్‌, అనుప్రియ ఆచార్య, అపూర్వ పురోహిత్‌, రాధికా గుప్తాలు ఉన్నారు. బాధ్యతాయుతమైన సోషల్‌ మీడియా ప్లాట్‌ఫారమ్‌ను నిర్మించడానికి మేము ఈ మహిళలతో కలిసి పని చేస్తున్నాము'' అని అపర్ణ చెప్పారు.
నిషిద్ద సమస్యలపై
''పితృస్వామ్యాన్ని ధ్వంసం చేసే, అందం ప్రమాణాలను విచ్ఛిన్నం చేసే, రుతుక్రమం, మానసిక ఆరోగ్యం మొదలైన నిషిద్ధ సమస్యలను సాధారణీకరించే మేల్కొలుపు ప్రపంచం'' వైపు పయనిస్తున్న మథనం మధ్యలో మనం ఉన్నాము. మహిళలు తమను తాము వ్యక్తీకరించడం, స్వేచ్ఛా ఎంపికలు చేయడం కోసం ఆన్‌లైన్‌లో నిరంతరం ట్రోల్‌ చేయబడే సమయంలో వారు సురక్షితమైన స్థలాన్ని కలిగి ఉండటం చాలా ముఖ్యం. తద్వారా వారు చిన్న వయసు నుండే బాధాకరమైన జీవితం నుండి బయటపడగలరు. లేదంటే అవి వారికి జీవితాంతం కొనసాగే అనుభవాలుగా మారిపోతాయి'' అని ఆమె చెప్పారు.
టీనేజర్లపై ప్రతికూల ప్రభావాలు
తప్పుడు సౌందర్య ప్రమాణాలను నెలకొల్పడంలో, ప్రచారం చేయడంలో ఉత్ప్రేరకంగా పని చేయడం వల్ల టీనేజ్‌ అమ్మాయిలపై సోషల్‌ మీడియా ప్రతికూల ప్రభావాలను చూపుతుంది. కాబట్టి ఒక బాధ్యతాయుతమైన సోషల్‌ మీడియా ప్లాట్‌ఫారమ్‌ను సృష్టించడం వల్ల ఇది మానసిక ఆరోగ్య సమస్యల సంకేతాలను ముందే గుర్తిస్తుంది. ఆ సమస్యల నుండి బయటపడేందుకు సహాయం చేస్తుంది'' అంటున్నారు అపర్ణ.
మహిళల ఆలోచనలు పెంపొందించేందుకు
ఈవ్‌ వరల్డ్‌లో భాగం కావాలని అపర్ణను ప్రోత్సహించిన విషయం ఏమిటంటే తనకు, ఇతర మహిళలకు మరింత పెద్ద స్థాయిలో విలువను సృష్టించే లక్ష్యం కలిగి ఉండాలనే ఆలోచన. ''తరుణ్‌, నేను ఆలోచనలో పడ్డాము. సోదరీమణుల ఆలోచనను పెంపొందించే మహిళల కోసం ప్రత్యేకమైన గమ్యస్థానం గురించి ఓ ఆలోచనతో ముందుకు వచ్చాము. స్త్రీలకు స్వేచ్ఛగా మాట్లాడగలిగే ఓ ప్రదేశం కావాలి. నేడు సోషల్‌ మీడియా మహిళలతో నిండిపోయింది. అన్నివైపుల నుండి ట్రోల్‌ చేయబడుతోంది. మహిళల గురించి వాడే కొన్ని పదాలు చూసి సిగ్గుపడుతున్నాము. కాబట్టి లోపల నుండి మహిళలను శక్తివంతం చేసే ప్లాట్‌ఫారమ్‌ను సృష్టించే ప్రయాణంలో ఉన్నాము. దాని ద్వారా వచ్చే సవాళ్లను ఎదుర్కోవడానికి కూడా మేము సిద్ధంగా ఉన్నాము'' అని ఆమె హర్‌ స్టోరీతో పంచుకున్నారు.
సృష్టికర్తలతో కనెక్ట్‌ అవుతోంది
స్టార్టప్‌ ఇటీవల 'ఈవ్‌ క్రియేటర్‌ వరల్డ్‌ ప్రోగ్రామ్‌'ను ప్రారంభించింది. ఇది వారి ఆలోచనలు, ప్రయోజనం, నైపుణ్యం ఆధారంగా తదుపరి తరం కంటెంట్‌ సృష్టికర్తలతో భాగస్వామ్యం చేయడం లక్ష్యంగా పెట్టుకున్న ప్రోగ్రామ్‌. మొదటిగా మహిళా క్రియేటర్‌లు షార్ట్‌లిస్ట్‌ చేయబడతారు. వారి కంటెంట్‌ ప్రభావం, ప్రయోజనం ఆధారంగా వారి కంటెంట్‌ను మూల్యాంకనం చేసిన తర్వాత వారికి ఆహ్వానం అందించబడుతుంది. ప్లాట్‌ఫారమ్‌పై వారి ప్రయాణాన్ని మరింతగా ప్రారంభించడానికి నిధులను ట్యాప్‌ చేయడానికి కూడా వారికి అవకాశం ఉంటుంది.
మహిళా సృష్టికర్తల కోసం...
ఈవ్‌ క్రియేటర్‌ వరల్డ్‌ ప్రోగ్రామ్‌ వెబ్‌ 3.0 కోసం డ్రైవర్ల సీటులో సృష్టికర్తలను ఉంచడానికి ప్రయత్నిస్తుంది. క్రియేటర్‌లు సామాజిక పరస్పర చర్యలను రూపొందించడానికి, సంఘాన్ని నిర్మించడానికి అనుమతించే విభిన్న మానిటైజేషన్‌ మోడల్‌లను అందించాలని బృందం లక్ష్యంగా పెట్టుకుంది. మహిళా సృష్టికర్తల కోసం అవకాశాలు, మానిటైజేషన్‌ మోడల్‌ల చక్రాన్ని కిక్‌స్టార్ట్‌ చేయాలనే ఆలోచన ఉంది. ఫేస్‌బుక్‌ వంటి సోషల్‌ మీడియా దిగ్గజాలు మహిళలకు సురక్షితమైన స్థలాన్ని సృష్టించడం గురించి మాట్లాడే అనేక కమ్యూనిటీలను నడుపుతుండగా సైబర్‌ బెదిరింపులు, వేధింపులు, లింగ వివక్ష వాస్తవమని సోషల్‌ మీడియా మళ్లీ మళ్లీ మనకు గుర్తుచేస్తోంది.
ఎంపిక స్వేచ్ఛ కావాలి
ఈ మూడు పదాలు వినేవాళ్ళకు ఫాన్సీగా అనిపించవచ్చు. కానీ ప్రాథమిక స్థాయిలో మహిళలు తమ కోసం ఈ మూడు అంశాలను కోరుకుంటారు. మేము ఏ కుటుంబానికి చెందినవారం, మేము ఎవరిని వివాహం చేసుకోవాలనుకుంటున్నాము అనే దానితో సంబంధం లేకుండా మన సొంత గుర్తింపును నిర్మించుకోవడానికి ప్రయత్నిస్తాము. రెండవది మహిళలు తమ సొంత నిర్ణయాలు తీసుకునే స్వాతంత్య్రం, వారి జీవితంలో వారు కోరుకున్న వాటిని ఎంచుకునే స్వేచ్ఛను కోరుకోవడంలో ఆశ్చర్యం లేదు. చివరగా మూడవది మన చుట్టూ ఉన్న ప్రపంచం ప్రధానంగా పురుషాధిక్య సమాజంగా కనిపిస్తుంది. ప్రస్తుత కాలంలో చేరికకు అత్యంత ప్రాధాన్యం ఉంది. మన సొంతంగా పెట్టుకున్న కొన్ని అవరోధాలు మనల్ని బయటపడకు
- అపర్ణ ఆచారేకర్‌
- సలీమ
