తల్లిదండ్రులుగా ఉండటం ప్రతి వ్యక్తి జీవితంలో అత్యంత అందమైన అనుభూతి. మీరు మీ చిన్నారితో చాలా ఆనందాన్ని అనుభవించే క్షణం. కానీ వీటన్నింటిలో ముఖ్యమైనది పిల్లల కోసం మీరు ఎక్కువ సమయం ఇవ్వాలి. అటువంటి పరిస్థితిలో మీ పిల్లల వస్తువులు సమయానికి దొరకనప్పుడు మీరు మరింత కలత చెందుతారు. దీనికోసమే కొన్ని చిట్కాలు ఉన్నాయి. వీటిని అనుసరించడం ద్వారా మీరు మీ పనిని సులభతరం చేసుకోవచ్చు. సమయాన్ని కూడా ఆదా చేసుకోవచ్చు. ఆ చిట్కాలు ఏంటో తెలుసుకుందాం.
పిల్లల కోసం ప్రత్యేక వార్డ్రోబ్‌ లేదా షెల్ఫ్‌: మీరు పిల్లల కోసం ప్రత్యేక వార్డ్రోబ్‌ షెల్ఫ్‌ ఏర్పాటు చేసుకుంటే వారి వస్తువులను తీసుకోవడం చాలా సులభం అవుతుంది. ఇది మీకు చాలా సమయాన్ని ఆదా చేస్తుంది.
ప్రత్యేక క్యారీ బ్యాగులు: మీరు మీ పిల్లల వస్తువులను మీ వార్డ్‌రోబ్‌లో ఉంచుకోవాలి. అలాగే వారి దుస్తులను విడివిడిగా ఉండేలా ప్రతి వస్తువుకు ప్రత్యేక క్యారీ బ్యాగ్‌ లేదా ట్రాన్స్‌ పరెంట్‌ బ్యాగ్‌ ఏర్పాటు చేసుకోవడానికి ప్రయత్నించండి. ఉదాహరణకు సాక్స్‌ కోసం ప్రత్యేక పర్సు తయారు చేయండి. టోపీ, చేతి తొడుగులు కోసం ప్రత్యేక పర్సు తయారు చేయండి. షర్టు, ప్యాంటు కోసం ప్రత్యేకంగా చేయండి. అలాగే డైపర్‌ లోదుస్తుల కోసం ప్రత్యేక పర్సులు తయారు చేయవచ్చు. సాక్స్‌, గ్లోవ్స్‌ వంటివైతే ఒకటి పోయినట్లయితే మరొకటి పనికిరానిదిగా మారుతుంది. కాబట్టి సాక్సులు, గ్లోవ్స్‌ అన్నీ ఒక దగ్గర ఉండేలా చూసుకోవాలి. అప్పుడు వాటి కోసం వెదుక్కునే అవసరం ఉండదు. మీకు మరచిపోయే అలవాటు ఉంటే ఏ వస్తువులను ఎక్కడ ఉంచారు అనే జాబితాను తయారు చేసుకోండి. ఇది వస్తువులను త్వరగా కనుగొనడంలో మీకు సహాయపడుతుంది. ఆ జాబితాను చూసి వస్తువులను తీసుకోవచ్చు.
డ్రాయర్‌: మీరు మీ పిల్లల వస్తువులను ప్రత్యేక డ్రాయర్‌లలో ఉంచినట్టయితే వాటిని మళ్లీ మళ్లీ తెరవడానికి ఇబ్బంది పడకుండా ఉండేందుకు దానిపై నిర్దిష్ట లగేజీ స్లిప్‌ను ఉంచాలి. దీంతో మీరు సులభంగా వస్తువులను కనుగొనగలుగుతారు.
