ఈ రోజుల్లో మహిళలు కుటుంబాన్ని నిర్వహించడమే కాకుండా ఉద్యోగాలకు కూడా వెళుతున్నారు. కార్యాలయంలో పదవులను స్వీకరించడంతోపాటు ఇంటి పనులను కూడా చూసుకుంటారు. అందువల్ల వారి రోజువారీ ఆహారంలో పోషకాహారం అందడంలేదు. ఈ తీవ్రమైన జీవనశైలిలో మంచి ఆహారం తీసుకోలేకపోతున్నానడంలో ఆశ్చర్యం లేదు. చీఖీనూ అధ్యయనం (2015-16) ప్రకారం భారతదేశంలోని ప్రతి నలుగురు యువతులలో ఒకరు పోషకాహార లోపంతో బాధపడుతున్నారు. ఇది పట్టణ స్త్రీలకే కాదు. ఈ పోషకాహార లోపం గ్రామీణ మహిళల్లో కూడా ఎక్కువగానే ఉంది. పట్టణ ప్రాంత మహిళలతో పోలిస్తే జనాభాలో 40.6 శాతం మంది గ్రామీణ మహిళలు కావడం దిగ్భ్రాంతికరం. అయితే కాస్త శ్రద్ధ పెడితే ఈ పోషకాహార లోపాన్ని నయం చేయవచ్చని వైద్య నిపుణులు చెబుతున్నారు. దానికోసం ఈ సూపర్‌ఫుడ్‌లను తీసుకుంటే సరిపోతుందని సూచిస్తున్నారు.
పాలకూర: ఆకుకూరలు పోషక విలువల్లో మొదటి స్థానంలో ఉన్నాయి. పాలకూరలో మెగ్నీషియం అధికంగా ఉంటుంది. ఇది మెనోపాజ్‌కు ముందు మహిళలు అనుభవించే ూవీూ శారీరక ప్రభావాలను తగ్గించడంలో సహాయపడుతుంది. ఇది రోగనిరోధక శక్తిని పెంచుతుంది. మీ ఎముకలను బలోపేతం చేయడానికి సహాయపడుతుంది. అందువల్ల బచ్చలికూరను మహిళలకు సూపర్‌ ఫుడ్‌ అని పిలుస్తారు.
పాలు: పని చేసే మహిళలు తక్కువ ఎముక సాంద్రత, అస్థిపంజర రుగ్మతలకు గురవుతారు. ఇది వారికి ఆస్టియోపోరోసిస్‌ వంటి తీవ్రమైన ఆరోగ్య సమస్యలకు దారి తీస్తుంది. అయితే పాలలో కాల్షియం ఉంటుంది. ఇవి మీ ఆరోగ్యానికి అవసరమైన రోజువారీ మోతాదును మీకు ఇస్తాయని చాలా ఆధారాలు ఉన్నాయి. ఇందులో ప్రోటీన్‌, ఫాస్పరస్‌, బి విటమిన్‌ కాంప్లెక్స్‌, పొటాషియం, విటమిన్‌ డి కూడా ఉన్నాయి. కాబట్టి రోజూ పాలు తప్పకుండా తాగండి.
బ్రోకోలి: క్రూసిఫెరస్‌ కూరగాయల కుటుంబానికి చెందిన ఈ బ్రోకలీ మహిళలకు ఆరోగ్యకరమైన ఆహార ఎంపికలలో ఒకటి. ఎందుకంటే ఇది కొలెస్ట్రాల్‌ స్థాయిలను నిర్వహించడానికి సహాయపడుతుంది. శరీరంలో క్యాన్సర్‌కు, ముఖ్యంగా రొమ్ము, అండాశయ క్యాన్సర్‌కు కారణమయ్యే ఈస్ట్రోజెన్‌ స్థాయిలను తగ్గిస్తుంది. అలాగే గుండె ఆరోగ్యానికి కూడా మేలు చేస్తుంది. కాల్షియం సమృద్ధిగా ఉంటుంది. ఎముకల సాంద్రతకు కూడా దోహదం చేస్తుంది.
బీట్‌రూట్‌: బీట్‌రూట్‌ ఫైబర్‌ అద్భుతమైన మూలం. ఇది పేగులను ఆరోగ్యంగా ఉంచుతుంది. జీర్ణవ్యవస్థను నియంత్రిస్తుంది. బీట్‌రూట్‌, దాని రసం మెరుగైన రక్త ప్రసరణ, తక్కువ రక్తపోటు, మెరుగైన వ్యాయామ పనితీరు వంటి అనేక ప్రయోజనాలతో ముడిపడి ఉన్నాయి. బీట్‌రూట్‌లోని ఖనిజ నైట్రేట్‌ల వల్ల ఈ ప్రయోజనాలు కలుగుతాయని నిపుణులు చెబుతున్నారు. బీట్‌రూట్‌, దాని ఆకులను బీట్‌ గ్రీన్స్‌ అంటారు. వాటిని సూపర్‌ ఫుడ్స్‌ అని కూడా అంటారు.
బాదం: బాదం ఒక ప్రీబయోటిక్‌ ఆహారం. ఇది మీ జీర్ణవ్యవస్థ గుండా వెళుతున్నప్పుడు ప్రోబయోటిక్స్‌ను అభివృద్ధి చేయడంలో సహాయపడుతుంది. పావు కప్పు బాదంలో గుడ్డు కంటే ఎక్కువ ప్రోటీన్‌ కంటెంట్‌ ఉంటుంది. మెగ్నీషియం కూడా చాలా ఉంటుంది. కాబట్టి మీ రోజు వారి ఆహారంలో బాదంలను చేర్చుకోండి.