చాలా మంది బరువు తగ్గడానికి ప్రయత్నిస్తుంటారు. అందుకోసం పలు రకాల ఫుడ్‌ తీసుకొంటారు. అయితే కొంతమందికి ఎటువంటి ఆహారం వల్ల బరువు తగ్గుతారు అనే సందేహం ఉంటుంది. వారికోసం ఉపయోగపడే సమాచారమే ఇది. మీరూ తెలుసుకోండి.
-  చిక్‌పీస్‌, రాజ్మా అని పిలిచే కిడ్నీ బీన్స్‌లో ప్రోటీన్లు అధికంగా ఉంటాయి. ఈ రెండూ మీకు భిన్నమైన పోషకాలను అందించగలవు. వాటిని మీ రెగ్యులర్‌ డైట్‌లో భాగం చేసుకోవడం వల్ల మీరు ఆరోగ్యంగా బరువు తగ్గవచ్చు, గుండె ఆరోగ్యాన్ని కాపాడుకోవచ్చు. స్కిన్‌ టోన్‌ మెరుగుపడుతుంది.
- పై రెండూ అన్ని విధాలుగా సమానమే అయినప్పటికీ బరువు తగ్గడానికి రెండింటిలో ఏది బెస్ట్‌ అనే గందరగోళం ఉండవచ్చు. ఈ అనుమానం నివృత్తి చేసుకోండి. చిక్‌పీస్‌లో మన శరీరానికి అవసరమైన స్థూల పోషకాలు, విటమిన్లు, మినరల్స్‌ వంటి అన్ని అవసరమైన పోషకాలు ఉన్నాయి.
- కప్పు లేదా 164 గ్రాముల చిక్‌పీస్‌లో 597 కేలరీలు ఉంటాయి. ఇందులో 19 గ్రాముల ప్రోటీన్‌, 4 గ్రాముల కొవ్వు, 60 గ్రాముల కార్బోహైడ్రేట్లు, 172 మిల్లీగ్రాముల కాల్షియం, 10 మిల్లీగ్రాముల ఇనుము, 188 మిల్లీగ్రాముల మెగ్నీషియం, 2.5 మిల్లీగ్రాముల జింక్‌ ఉన్నాయి.
- కిడ్నీ బీన్స్‌ అని కూడా పిలిచే రాజ్మా, చిక్‌పీస్‌లో లభించే అన్ని పోషకాలతో సమృద్ధిగా ఉంటుంది. ఇది మూడు స్థూల పోషకాలు, విటమిన్లు, ఖనిజాల అద్భుతమైన మూలం. మీరు 164 గ్రాముల కిడ్నీ బీన్స్‌ తీసుకుంటే, శరీరానికి 564 కేలరీలు అందుతాయి.
- ఇందులో 24 గ్రాముల ప్రోటీన్లు, 1.3 గ్రాముల కొవ్వు, 90 గ్రాముల కార్బోహైడ్రేట్లు, 234 మిల్లీగ్రాముల కాల్షియం, 13 మిల్లీగ్రాముల ఇనుము, 229 మిల్లీగ్రాముల మెగ్నీషియం, 4 మిల్లీగ్రాముల అవసరమైన పోషకాలు ఉన్నాయి.
చిక్‌పీస్‌, కిడ్నీ బీన్స్‌లో క్యాలరీలు ఎక్కువగా ఉంటాయి. మాక్రోన్యూట్రియెంట్‌ నిష్పత్తులను పరిశీలిస్తే కిడ్నీ బీన్స్‌తో పోలిస్తే పల్లీలలో కార్బోహైడ్రేట్లు తక్కువగా ఉంటాయి. కొవ్వు ఎక్కువగా ఉంటుంది. అయితే కిడ్నీ బీన్స్‌లో చిక్‌పీస్‌ కంటే ఎక్కువ ప్రొటీన్లు ఉంటాయి.
- కిడ్నీ బీన్స్‌, చిక్‌పీస్‌ రెండూ పోషకమైనవి. వివిధ రకాల అవసరమైన పోషకాలను కలిగి ఉంటాయి. అందులో ఉండే పోషకాల విషయానికి వస్తే చిక్‌పీస్‌ కంటే కిడ్నీ బీన్స్‌ ఆరోగ్యకరమైనవి. ఎందుకంటే ఇందులో కొన్ని ముఖ్యమైన పోషకాలు ఎక్కువగా ఉంటాయి.
- కొవ్వు, కేలరీలు తక్కువగా ఉంటాయి. ఎక్కువ పోషకాలతో కూడిన ఆరోగ్యకరమైన ఆహారాన్ని తీసుకోవాలనుకుంటే కిడ్నీ బీన్స్‌ను ఎంచుకోవచ్చు. - కిడ్నీ బీన్స్‌, చిక్‌పీస్‌ రెండింటినీ అన్నంతో పాటు తింటే అందులోని తొమ్మిది ముఖ్యమైన అమైనో ఆమ్లాలు పూర్తి ప్రోటీన్‌ను తయారు చేస్తాయి.
- బరువు తగ్గడానికి తగినంత మొత్తంలో ప్రోటీన్‌ అవసరం. ఎందుకంటే ప్రోటీన్‌ తినడం సంతృప్తిని పెంచడానికి, అనారోగ్యకరమైన ఆహారాన్ని నిరోధిస్తుంది. రెండింటిలో ఫైబర్‌ అధికంగా ఉంటుంది. ఇది చాలా సమయం పాటు ఆకలిగా అనిపించకుండా చేస్తుంది.