అమాగి సహ వ్యవస్థాపకురాలిగా ఉన్నప్పుడు శ్రీవిద్యా శ్రీనివాసన్‌ వయసు కేవలం 24 ఏండ్లు. ఇది ప్రపంచంలోనే అత్యధిక విలువైన టెక్‌ కంపెనీలలో ఒకటి. మహిళలు నాయకత్వ స్థాయికి రావాలని, సమాజంలో మార్పు కోసం ప్రయత్నించే మహిళలను ఓ ఉత్ప్రేరకంగా నిలిచిన ఆమె గురించి మానవి పాఠకుల కోసం...
         శ్రీవిద్యా శ్రీనివాసన్‌ ఇటీవల యునికార్న్‌గా మారిన మీడియా టెక్‌ కంపెనీ అయిన అమాగికి సహ వ్యవస్థాపకురాలు. 1998లో ఆమె తన మొదటి స్టార్టప్‌ ఇంపల్స్‌సాఫ్ట్‌ని తన ఇద్దరు స్నేహితులైన బాస్కర్‌ సుబ్రమణియన్‌, శ్రీనివాసన్‌ కెఎతో కలిసి స్థాపించారు. ఇది నాస్డాక్‌-లిస్టెడ్‌ సెమీకండక్టర్‌ కంపెనీ అయిన ూఱ=ఖీ చే కొనుగోలు చేయబడిన తర్వాత ఈ ముగ్గురూ అమాగిని నిర్మించడానికి ముందుకు సాగారు. నేడు అమాగి ప్రపంచంలోనే అత్యంత విలువైన మీడియా-టెక్‌ కంపెనీలలో ఒకటిగా మారింది. ఇటీవల ఇది 15వ భారతీయ యునికార్న్‌గా మారడం ద్వారా మరింత పేరు ప్రఖ్యాతులను సొంతం చేసుకుంది.
నన్ను చూసి భరోసా ఇచ్చారు
         ''మేము ×ఎజూబశ్రీరవరశీట తో ప్రారంభించినప్పుడు మా దష్టి మొత్తం మార్కెట్‌తో పాటు కంపెనీని ఎలా నిర్మించాలి, ఎవరిని రిక్రూట్‌ చేయాలి అనే విషయాలపైనే ఉంది. మేము ప్రారంభించిన మొదటి ఉద్యోగులలో ఒక అమ్మాయి, ఆమె తండ్రి మొదటి రోజు కంపెనీని సందర్శించారు. నన్ను చూసి తన కూతురికి అక్కడ పని చేయడం కష్టం కాదని ఆమెకు భరోసా ఇచ్చారు'' అని శ్రీవిద్య అన్నారు. తాను ఎప్పుడూ అసలు సమస్యపైనే ఎక్కువ దష్టి పెట్టానని, వ్యాపారవేత్తగా తను ఓ మహిళను అనే అంశంపై తక్కువ దష్టి పెట్టానని శ్రీవిద్య పంచుకున్నారు. ఆమె తన జీవితంలో చాలా వరకు ''టామ్‌బారు'' గానే పెరిగానని చెప్పారు. మొదటి నుండి కొత్తదాన్ని సష్టించడం పట్ల ఆకర్షితురాలైంది.
లింగ వివక్షను అధిగమించడం
         కోయంబత్తూరులో కాలేజీ రోజుల్లో మహిళలపై వివక్షను ఎదుర్కొన్న తొలి అనుభవాల్లో ఒకటి అని శ్రీవిద్య గుర్తు చేసుకున్నారు. ''కాలేజీలో కంప్యూటర్‌ సైన్స్‌ విద్యార్థిగా అమ్మాయిలందరికీ 6:30 సమయ పరిమితి ఉన్న హాస్టల్‌లో నివసించాను. ఇది నాకు చాలా బాధ కలిగించింది. ఎందుకంటే ఇక్కడ నేను నా జీవితంలో మొదటిసారిగా కంప్యూటర్‌ని ఉపయోగిస్తున్నాను. నా సహ వ్యవస్థాపకులు భాస్కర్‌, శ్రీనివాసన్‌ అనే నా స్నేహితులు కోబాల్ట్‌, ఫోర్ట్రాన్‌ వంటి సాఫ్ట్‌వేర్‌ భాషలను నేర్చుకోవడంలో సమస్యలను ఎదుర్కొన్నారు. ఎందుకంటే వారికి అది ఎలా చేయాలో తెలుసు. నేను వాటిని నేర్చుకోవడానికి చాలా కష్టపడుతున్నాను. కాని మాకు హాస్టల్లో సమయం పరిమితి ఉంది. ఒకరోజు నేను మా హాస్టల్‌కి ఆలస్యంగా చేరుకున్నాను. వార్డెన్‌ నన్ను చాలా ఇబ్బందికరమైన ప్రశ్నలు అడిగారు. నేను కాలేజీకి బదులు ఎక్కడికైనా వెళ్ళానేమో'' అని శ్రీవిద్య గుర్తుచేసుకుంది.
చదువుకు ఆంక్షలు అడ్డురాకుండా
         కూతురి చదువుకు ఆంక్షలు అడ్డురాకుండా ఉండేందుకు తండ్రి ఆమెతో పాటు కోయంబత్తూరుకు వెళ్ళారు. అక్కడే ఓ ఇల్లు తీసుకుని ఉన్నారు. వెంటనే ఆమె ఇద్దరు స్నేహితులు ఆమెతో కలిసి ఆమె ఇంట్లోనే ఉండి అర్థరాత్రి వరకు చదువుకునేవారు. ఆమె తండ్రిలాగే శ్రీవిద్య అత్తగారు కూడా ఆమె జీవితంలో కీలక పాత్ర పోషించారు. ఆమె తన కెరీర్‌లో చురుకుగా ఉండేందుకు అవసరమైన మద్దతును ఇచ్చారు.
కుటుంబం అండగా ఉంటే...
         ''చాలా చిన్న వయసులోనే అమ్మను పోగొట్టుకున్నాను. మా నాన్న కూడా దాదాపు 10-15 ఏండ్ల కిందట చనిపోయారు. నా ఎదుగుదలకు మూలస్తంభంగా నిలిచిన మా అత్తగారు అలా తన మద్దతులను కొనసాగిస్తున్నారు. మీ ఎదుగుదలలో కుటుంబం మీకు పెద్దఎత్తున సహాయపడుతుందని అందరూ అర్థం చేసుకోవాలి. అదేవిధంగా మీరు కూడా వారి కష్ట సమయాల్లో వారికి సహాయం చేయాలి'' అని ఆమె అన్నారు.
సాంకేతిక రంగంలో
మహిళా సాధికారత
         ఈ రంగంలో మహిళల కొరతను పరిష్కరించడానికి టెక్‌ కంపెనీలు ఇంకా ఎన్నో చేయాల్సిన అవసరం ఉందని శ్రీవిద్య అన్నారు. '' ఈ విషయంలో నాకు నా సొంత ఉదాహరణ ఉంది. నాకు ఇద్దరు కొడుకులు ఉన్నారు. కొన్నిసార్లు నేను స్వార్థపరురాలిగా ఉంటాను. నా కెరీర్‌పై మాత్రమే దష్టి సారిస్తున్నాను. వారికి నేను చేయాల్సినంత చేయడం లేదని భావిస్తున్నాను. ఈ పరిశ్రమలో చాలా మంది మహిళలు కుటుంబం, పని మధ్య సమతుల్యతను కలిగి ఉంటారు. వారు ఇలాంటి ఆలోచనలనే కలిగి ఉంటారు. తరచుగా కుటుంబం కోసం తమ వత్తిని వదిలివేస్తారు. ఆ సమయంలో హెచ్‌.ఆర్‌లు, మేనేజర్లు వారితో కలిసి సమస్య పరిష్కారాన్ని గుర్తించాలి. కంపెనీ నిబంధనలను అనుసరించి 15 రోజుల చెల్లింపు సెలవులను అందించడం కంటే వారికి సహాయం చేయడానికి ప్రతి ఉద్యోగి సమస్యను అర్థం చేసుకోవడానికి ఒక సంస్థ అదనపు మైలు నడవాలని నేను గట్టిగా నమ్ముతున్నాను'' అని శ్రీవిద్య అన్నారు.
ప్రాక్టికల్‌ లెర్నింగ్‌లోనే...
         శ్రీవిద్య తనను తాను పని చేసే వ్యక్తిగా అభివర్ణించుకున్నారు. ఆమె ఎప్పుడూ ఏదో ఒకటి చేయడం ద్వారా నేర్చుకోవడాన్ని ఇష్టపడుతుంది. అయినప్పటికీ ప్రస్తుత తరం వారి సిలబస్‌, పాఠ్యపుస్తకాలకే పరిమితం కావడాన్ని ఆమె గమనించారు. ''ఒక రోజు నా మేనల్లుడుతో మాట్లాడాను. అతను ఎలక్ట్రానిక్స్‌, కమ్యూనికేషన్‌ చదువుతున్నప్పుడు. తనకు చాలా సమయం మిగిలి ఉందని, కాబట్టి పోటీ పరీక్షలకు సిద్ధం కావాలనుకుంటున్నాని చెప్పాడు. వారు నేర్చుకుంటున్న సబ్జెక్టులను వారు నిజంగా అర్థం చేసుకున్నారా అని నాకు ఆశ్చర్యం కలిగించింది. వారసలు నేర్చుకుంటున్న వాటిని ఆచరణాత్మకంగా చేయడానికి ప్రయత్నించారా? అలా చేయడం లేదని నేను గుర్తించాను. తమ సిలబస్‌లో పేర్కొన్న కొన్ని ప్రయోగశాల ప్రయోగాలకు మాత్రమే తమను తాము పరిమితం చేసుకున్నారు''. శ్రీవిద్యకు ఏదైనా దానిని ప్రాక్టికల్‌గా అన్వయించడం ద్వారా నేర్చుకోవడం మంచి మార్గంగా అనిపిస్తుంది. ఇది ఆవిష్కరణ, విభిన్నమైన పని యొక్క పరిధిని కూడా కలిగి ఉంది.
మహిళా నేతలకు సూచన
         పరిశ్రమలో అగ్రగామిగా ఎదగాలంటే టెక్‌లో ఉన్న మహిళలు తమ అభిప్రాయాలను తెలియజేయాల్సిన అవసరం ఉందని శ్రీవిద్య అన్నారు. ''చాలా మంది మహిళలు జట్టు ముందు మాట్లాడటానికి భయపడతారు. చాలా ఎక్కువ మంది రెండవ, మూడవ స్థాయి ఉత్పన్న ఆలోచనలు స్త్రీలను మదువుగా ఉంచుతాయి. ఆ ఆలోచనలను ఆపండి. మీరే మర్యాదపూర్వకంగా మీ అభిప్రాయాలను తెలియజేయండి. మీరు విజయం సాధించేందుకు మీ నాయకత్వ సామర్థ్యాలను ప్రదర్శించడం తప్ప వేరే మార్గం లేదు'' అని శ్రీవిద్య అన్నారు.

- సలీమ