పిల్లలు చిన్నవయసులోనే తల్లిదండ్రుల చేతుల్లో నుంచి జారుకుంటున్నారు. మొబైల్‌ ఫోన్‌కు అలవాటు పడిపోతున్నారు. పిల్లలు అలా అలవాటు పడినప్పుడు వాటిని వదిలించడానికి పేరెంట్స్‌ చాలా కష్టపడతారు. అయితే కొన్ని చిట్కాలు పాటిస్తే పిల్లలను ఫోన్‌కు దూరం చేయవచ్చు. అవేంటో చూద్దాం..
బహిరంగ ఆటలు ప్రేరేపించండి: పిల్లలను మొబైల్‌కు దూరంగా ఉంచడానికి ఉత్తమ మార్గం ఏమిటంటే, వారిని అవుట్‌డోర్‌ గేమ్‌లు లేదా యాక్టివిటీలలో పాల్గొనేలా చేయడం. దీనికోసం బయట ఆడించడం, సైక్లింగ్‌, గార్డెనింగ్‌ మొదలైనవాటికి కూడా వారిని ప్రేరేపించవచ్చు.
చిన్న వయసులో మొబైల్‌ ఫోన్‌ ఇవ్వకండి: చిన్న వయసులోనే పిల్లలకు మొబైల్స్‌ ఇవ్వడం మానుకుంటే మంచిది. స్క్రీన్‌ సమయం కోసం టీవీని మాత్రమే ఉపయోగించండి.
వైఫైని ఆఫ్‌ చేయండి: మీ పని పూర్తి చేసిన తర్వాత ఇంటర్నెట్‌ లేదా వైఫైని ఆఫ్‌ చేయండి. ఇలా చేయడం వల్ల పిల్లలు నిత్యం ఇంటర్నెట్‌ జోన్‌లో ఉండరు. మొబైల్‌ ఉపయోగించలేరు.
నాణ్యమైన కుటుంబ సమయం: ఇంట్లో మంచి వాతావరణాన్ని కలిగి ఉండటానికి ప్రయత్నించండి. ఒకరితో ఒకరు నాణ్యమైన కుటుంబ సమయాన్ని గడపండి. మీరు ఒకరితో ఒకరు జోక్‌ చేసుకోండి. సరదాగా మాట్లాడుకోండి. ఫన్నీ ఫేస్‌ కాంపిటీషన్‌ మొదలైనవి చేయండి. ఇంటి అలంకరణలు మొదలైనవి ప్లాన్‌ చేసుకోండి. ఇందులో పిల్లలను ఎక్కువగా ఇన్వాల్వ్‌ చేయండి.
స్క్రీన్‌ సమయాన్ని పరిమితం చేయండి: చిన్న పిల్లలకు 24 గంటల్లో 2 -3 గంటల స్క్రీన్‌ టైమ్‌ని, టీనేజ్‌ పిల్లలకు గరిష్టంగా 4 -5 గంటల స్క్రీన్‌ టైమ్‌ని ఉంచండి. ఆ టైమ్‌లోనే వారు తమ చదువులు నేర్చుకోవచ్చు. ఇలా చేయడం వల్ల వారు ఇంటర్నెట్‌ని మంచి మార్గంలో ఉపయోగించుకోగలుగుతారు. వారి ఆరోగ్యంపై ప్రభావం చూపదు.
మొబైల్‌ పాస్‌వర్డ్‌ ఉయోగించండి: మీ ఫోన్‌ పాస్‌వర్డ్‌ను మార్చుకుంటూ ఉండండి. మీ అనుమతి లేకుండా ఫోన్‌ ఉపయోగించడం పిల్లలకు అలవాటు చేయవద్దు.
ఇంటి బయట పనిలో బిజీగా ఉండండి: ఎదిగే పిల్లలు ఇంటి బయట పని చేయడం నేర్చుకోవాలి. మీ పిల్లలు మరీ ఎక్కువగా మొబైల్‌ చూడటం ప్రారంభించినట్లయితే ప్రేమతో ఇంటి పనుల్లో మీకు సహాయం చేయమని అడగండి. ఇంటిని శుభ్రం చేయడం, అలంకరించడం, అల్పాహారం సిద్ధం చేయడం, ఎవరికైనా సహాయం చేయడం మొదలైనవాటిలో పిల్లలను ప్రోత్సహించాలి. పిల్లలు ఎంత బిజీగా ఉంటే అంత తక్కువ మొబైల్‌ వాడతారు.
