సియోనా విక్రమ్‌... ఈ పదేండ్ల చిన్నారి తన పోడ్‌క్యాస్ట్‌ల ద్వారా పిల్లలకు ప్లాస్టిక్‌ కాలుష్యంపై అవగాహన కల్పిస్తోంది. పోడ్‌క్యాస్ట్‌ను నిర్వహించడమే కాకుండా ప్లాస్టిక్‌లు, ప్లాస్టిక్‌ బొమ్మలు లేని ప్రపంచాన్ని సృష్టించే లక్ష్యంతో సియోనా పిల్లల కోసం 'లిటిల్‌ వైస్‌ క్లబ్‌' అనే కార్యక్రమానికి నాయకత్వం వహిస్తుంది. ఆ క్లబ్‌ కబుర్లేంటే మనమూ తెలుసుకుందాం...
సియోనా విక్రమ్‌ అత్యంత చిన్న వయసులోనే పెద్ద లక్ష్యం పెట్టుకుంది. తన లక్ష్య సాధన కోసం దృఢంగా పని చేస్తుంది. పోడ్‌కాస్టర్‌, స్పీకర్‌, సామాజిక వ్యాపారవేత్త అయిన సియోనా తన జీవితంలో మొదటి ఎనిమిది సంవత్సరాలు యుఎస్‌లో పుట్టి పెరిగింది. ప్రస్తుతం బెంగళూరులో నివసిస్తోంది. జైన్‌ హెరిటేజ్‌ స్కూల్‌ (జెహెచ్‌ఎస్‌) హెబ్బల్‌లో చదువుతోంది.
మరింత అవగాహన కల్పించేందుకు
సియోనా ఏడు సంవత్సరాల వయసులో ఉన్నప్పుడు, ఆమె పాడ్‌కాస్ట్‌లను కనుగొంది. ఆ ఆలోచనను ఇష్టపడింది. చాలా మంది పిల్లల పోడ్‌క్యాస్ట్‌లను పరిశోధించింది, వాటిని వింటుంది. అయితే ప్రస్తుత ప్రపంచ ఈవెంట్‌ల గురించి వారికి తెలియజేయడానికి, పాఠ్యపుస్తకాల్లో అందుబాటులో ఉన్న పరిమిత సమాచారంపై వారికి మరింత అవగాహన కల్పించే పోడ్‌క్యాస్ట్‌లు దాదాపు ఏవీ పిల్లలకు లేవని ఆమె గ్రహించింది. అందుకే ఆమె తన సొంత పోడ్‌క్యాస్ట్‌ను ప్రారంభించాలని నిర్ణయించుకుంది. లిటిల్‌ మైండ్‌ చాట్ల పట్ల ఆమెకు ఎంతో అభిరుచి. ఆమె పోడ్‌కాస్ట్‌లోని పంచ్‌లైన్‌ 'మనసులు చిన్నవి, మన ఆలోచనలు కాదు' అని ఉంటుంది.
ప్రపంచంతో కనెక్ట్‌ చేయాలని
''నా పోడ్‌కాస్ట్‌ ద్వారా వాస్తవికత ఆధారిత సమాచారాన్ని ఉపయోగించడం ద్వారా పిల్లలను ప్రపంచంతో కనెక్ట్‌ చేయాలనుకున్నాను. వివిధ అంశాలపై పిల్లలకు అవగాహన కల్పించాలనుకుంటున్నాను. అతిథులు, పరిశ్రమ నిపుణులతో ఇంటర్వ్యూలు చేయాలను కుంటున్నాను. చివరికి నేను కోరుకున్నది వారికి సంతోషకరమైన, ఉపయోగకరమైన ఆలోచనలను అందించడమే'' అని సియోనా అంటుంది.
లిటిల్‌ వైస్‌ క్లబ్‌
పోడ్‌కాస్ట్‌లలో ఒకదానిలో ప్లాస్టిక్‌ కాలుష్యం కారణంగా సముద్రంలో తాబేళ్లు ఎలా చనిపోతున్నాయనే దాని గురించి ఆమె తెలుసుకుంది. ఇది 2020 చివరిలో లిటిల్‌ వైస్‌ క్లబ్‌ ఆవిర్భావానికి దారితీసింది. తన క్లబ్‌ ద్వారా సియోనా ఇప్పుడు ప్లాస్టిక్‌లు, ప్లాస్టిక్‌ బొమ్మలు లేదా శిలాజ ఇంధనాలు లేని ప్రపంచాన్ని సృష్టించాలని లక్ష్యంగా పెట్టుకుంది.
పోడ్‌కాస్ట్‌ని రన్‌ చేస్తోంది
సియోనా తన పోడ్‌క్యాస్ట్‌ని ఉపయోగించి వివిధ రంగాలలోని నిపుణులతో సంబంధిత అంశాలకు సంబంధించిన ప్రశ్నలకు సమాధానమిచ్చింది. నిపుణులతో ఆమె సంభాషణల నుండి ఇతర పిల్లలకు ప్రయోజనం చేకూరుస్తుంది. ఇప్పటి వరకు తన పోడ్‌క్యాస్ట్‌ 104 ఎపిసోడ్‌లకు పైగా ప్రసారం చేసినట్టు పేర్కొంది. ఇది ప్రతి శనివారంతో పాటు కొన్ని ప్రత్యేక రోజులలో ప్రసారం అవుతుంది. ఆమె 'గోల్డెన్‌ క్రేన్‌ పాడ్‌క్యాస్ట్‌ అవార్డు' మరియు పోడ్‌కాస్టింగ్‌లో అత్యంత ప్రతిష్టాత్మకమైన అవార్డు 'పాడ్‌క్యాస్ట్‌ అవార్డ్స్‌ 2021'కి ఫైనల్‌ స్లేట్‌ నామినీని కూడా గెలుచుకుంది.
సోషల్‌ ఎంటర్‌ప్రెన్యూర్‌గా...
పోడ్‌క్యాస్ట్‌ ఎపిసోడ్‌లలో ఒకదానిలో ప్లాస్టిక్‌ కాలుష్యం కారణంగా సముద్రంలో తాబేళ్లు చనిపోతాయని తెలుసుకున్న తర్వాత సియోనా దాని గురించి ఏదైనా చేయాలని తీవ్రంగా ఆలోచించింది. తన కుటుంబం, పాఠశాల సహకారంతో ఆమె లిటిల్‌ వైస్‌ క్లబ్‌ను ప్రారంభించింది. ఇక్కడ వైస్‌ అంటే వారియర్స్‌ ఇన్‌స్పైరింగ్‌ సస్టెయినబుల్‌ ఎర్త్‌ అని అర్థం.
డిమాండ్‌తో సంబంధం లేకుండా
''ఈ రోజు దాదాపు 90 శాతం బొమ్మలు ప్లాస్టిక్‌తో తయారు చేయబడ్డాయి. ఉత్పత్తి చేయబడిన అన్ని ప్లాస్టిక్‌ బొమ్మలలో 50 శాతం గత 15 సంవత్సరాలలో ఉత్పత్తి చేయబడినవి. డిమాండ్‌తో కాకుండా ఉత్పత్తి ద్వారా నడిచే ఏకైక పరిశ్రమ ప్లాస్టిక్‌'' అని సియోనా చెప్పింది. కాబట్టి స్థిరమైన, బయోడిగ్రేడబుల్‌ మెటీరియల్‌లతో తయారు చేసిన బొమ్మలను ఉపయోగించేందుకు ప్రపంచ వ్యాప్తంగా పిల్లలను ప్రేరేపించాలని ఆమె ఉద్దేశించింది. ''ఇతర ప్లాస్టిక్‌ ఉత్పత్తుల కంటే ప్లాస్టిక్‌ బొమ్మలపై దృష్టి పెట్టడానికి నేను ఎంచుకున్న కారణం ఏమిటంటే... మిగతా వాటిని రీసైకిల్‌ చేయవచ్చు. ప్రస్తుతం ప్లాస్టిక్‌ బొమ్మలను రీసైక్లింగ్‌ చేసే మార్గాలు లేవు. ఈ బొమ్మలను ఎలా పారవేయవచ్చో తల్లిదండ్రులకు కూడా తెలియదు'' అని సియోనా జతచేస్తుంది.
రీసైక్లింగ్‌ బొమ్మలు
సియోనా తన క్లబ్‌ ద్వారా పిల్లలపై ప్లాస్టిక్‌ బొమ్మల వల్ల కలిగే ఆరోగ్య ప్రమాదాల గురించి, ఒకసారి విస్మరించిన మన పర్యావరణంపై వాటి ప్రభావాల గురించి అవగాహన కల్పిస్తుంది. ఆమె తన పాడ్‌క్యాస్ట్‌, నగరం అంతటా పోస్టర్లు అతికించడం, స్వయంగా ప్రజలకు చేరుకోవడం ద్వారా తన కృషిని కొనసాగిస్తోంది.
సేకరణ పెట్టెల ద్వారా...
పిల్లల నుండి ఉపయోగించిన ప్లాస్టిక్‌ బొమ్మలను కూడా ఆమె సేకరిస్తుంది. వాటిని పల్లపు ప్రాంతాలు, నీటి వనరులలోకి ప్రవేశించకుండా ఆపడానికి తన వంతు కృషి చేస్తుంది. ప్రస్తుతం నగరంలో సేకరణ పెట్టెలు ఉన్నాయి. ప్రధానంగా ఆమె పాఠశాల, హబ్‌ బెంగళూరు (సియోనాలో భాగంగా ఉన్న కమ్యూనిటీ స్థలం), వివిడస్‌ ఆసుపత్రి సమీపంలో ఆ పెట్టలను ఏర్పాటు చేసింది.
ఎకో వారియర్‌
పెట్టెలో బొమ్మలను పారవేసిన తర్వాత వారు లిటిల్‌ వైస్‌ క్లబ్‌ వెబ్‌సైట్‌ ద్వారా సైన్‌ అప్‌ చేసి 'ఎకో-వారియర్‌' కావచ్చు. వారు పారవేసే ప్రతి బొమ్మకు పాయింట్లను పొందుతారు. వాటిని బ్రౌన్‌ లివింగ్‌, రిస్క్రిప్ట్‌ వంటి స్టోర్‌లలో రీడీమ్‌ చేసుకోవచ్చు. ఈ దుకాణాలు స్థిరమైన ఉత్పత్తుల విక్రయానికి ప్రసిద్ధి చెందాయి. సేకరించిన బొమ్మలను బెంగళూరు నుండి 30 కిలోమీటర్ల దూరంలో ఉన్న ప్లాంట్‌కు రవాణా చేస్తారు. ఇది వాటి నుండి వ్యవసాయ పైపులను తయారు చేస్తుంది.
క్లబ్‌ విస్తరింపజేయాలని
సియోనా చిప్పిన ప్రకారం ఆ సేకరల పెట్టెల నుండి ఇప్పటివరకు దాదాపు 200 కిలోల ప్లాస్టిక్‌ను సేకరించింది. దాదాపు 150 మంది పర్యావరణ వారియర్స్‌ సైన్‌ అప్‌ చేసారు. ఆమె ఇప్పుడు తన క్లబ్‌ను విస్తరించాలని, మరింత మంది పర్యావరణ యోధులను సృష్టించాలని కోరుకుంటోంది.
- సలీమ
