పదేండ్ల కిందట అమ్మాయిలు ఆర్మ్‌ రెజ్లింగ్‌ని కెరీర్‌గా తీసుకోవడమంటే సాధారణ విషయం కాదు. ఎవ్వరూ ఆ ధైర్యం చేయరు. కానీ చేతనా శర్మ చేసింది. ఎన్నో పతకాలు సాధించిన ఆమె అంతర్జాతయ జాతీయ ఛాంపియన్‌షిప్‌కు మాత్రం వెళ్ళలేకపోతుంది. జాతీయ ఛాంపియన్‌గా నిలవడం నుంచి తన పనితో క్రీడను సమతుల్యం చేయడం, అంతర్జాతీయ ఛాంపియన్‌షిప్‌లకు ఎందుకు వెళ్లలేకపోతుందో వంటి విషయాల గురించి ఆమె మనతో ఇలా పంచుకుంటుంది..
అథ్లెట్ల కుటుంబంలో పెరిగిన చేతనకు అథ్లెటిక్స్‌ పట్ల ఆసక్తి పెరగడం సహజమే. అస్సాంలోని గౌహతికి చెందిన 31 ఏండ్ల ఆర్మ్‌ రెజ్లర్‌ తన పాఠశాలలో ఎనిమిది సార్లు అత్యుత్తమ అథ్లెట్‌గా నిలిచింది. ఆమె తన 20 సంవత్సరాల వయసులో ఉన్నప్పుడు చేయి కుస్తీలో తడబడటానికి ముందు లాంగ్‌ జంప్‌, హైజంప్‌, రన్నింగ్‌లో ప్రతిభ కనబరిచింది. చిన్నప్పటి నుండి ఆర్మ్‌ రెజ్లింగ్‌లో ఉన్న ఆమెను అప్పటి స్నేహితుడు ఇప్పుడు భర్త అయిన నయంజ్యోతి బోరా ఎంతో ప్రోత్సహించారు.
భర్త ప్రోత్సాహంతో...
''ఇది వ్యవస్థీకృత క్రీడ అని నేను అనుకోలేదు. నేను అందులో పాల్గొనగలను అని అతని నమ్మకం. కానీ నేను నవ్వు ఊరుకున్నాను. ఓ రోజు నా చేయి పట్టుకుని నాకు అధికారం వచ్చింది కాబట్టి ఒక్కసారైనా క్రీడలో పాలుపంచుకోవాలి అన్నాడు. తనే నాకు శిక్షణ ఇవ్వడం ప్రారంభించాడు. 2011లో మొదటిసారి ఆర్మ్‌-రెజ్లింగ్‌ పోటీలో పాల్గొన్నాను'' అంటూ చేతన గుర్తు చేసుకుంది.
చేతనను సవాలు చేసేందుకు
ఒక దశాబ్దం తర్వాత ఆమె ఐఐటీ ముంబైలోని 'ఆవాÛన్‌' స్పోర్ట్స్‌ ఫెస్ట్‌లో నలుగురు పురుషులు, ఒక మహిళా విద్యార్థిని చేతుల మీదుగా రెజ్లింగ్‌ పోటీలో సవాలు చేసింది. ఆమె ప్రో పంజా లీగ్‌ 65 కిలోల దిగువ మహిళల విభాగంలో ఛాంపియన్‌గా నిలిచింది. ఆరుసార్లు జాతీయ ఛాంపియన్‌గా నిలిచిన చేతనను సవాలు చేసేందుకు, పది వేల రూపాయల నగదు బహుమతిని గెలుచుకోవడానికి 100 మంది కళాశాల విద్యార్థులు ప్రత్యేకమైన ఆర్మ్‌-రెజ్లింగ్‌ పోటీలో పాల్గొనడానికి ఆహ్వానించబడ్డారు. కానీ ఆమె గర్వంగా నిలబడి తన ప్రత్యర్థులందరిపై ఉత్తమంగా నిలిచింది. ఆరంభం చేతనకు అంత అనుకూలంగా లేదు. సెప్టెంబరు 2013లో జరిగిన అస్సాం రాష్ట్ర ఛాంపియన్‌షిప్‌లో తన మొదటి విజయాన్ని పొందడానికి ఆమె కొన్ని సంవత్సరాలు కష్టపడాల్సి వచ్చింది.
క్రీడ నుండి వెళ్ళిపోవాలనుకున్నాను
''నేను 2011 నుండి 2013 వరకు ఓడిపోతూనే ఉన్నాను. పదే పదే గాయపడుతూనే ఉన్నాను. అందుకే క్రీడ నుండి వెళ్ళిపోవాలని అనుకున్నాను కాని నా భర్త నన్ను ప్రోత్సహిస్తూనే ఉన్నాడు. మొదటి రాష్ట్ర స్థాయి ఛాంపియన్‌షిప్‌ గెలిచినప్పుడు నాపై నాకు నమ్మకం వచ్చింది. అప్పుడు నేను చాలా చిన్నదాన్ని. నా బరువు 50 కిలోలు. మొదటి ఛాంపియన్‌షిప్‌ గెలవడానికి ముందు రెండున్నర సంవత్సరాలు శిక్షణ పొందాను'' అని చేతన అంటుంది.
చదువుకి ప్రాధాన్యం
మొదటి ఛాంపియన్‌షిప్‌ గెలిచిన సంవత్సరం తర్వాత తను జాతీయ ఛాంపియన్‌గా కూడా నిలిచింది. ఛాంపియన్‌ అయిన తర్వాత చేతన తన మాస్టర్స్‌ డిగ్రీపై దృష్టి పెట్టడానికి 2014 నుంచి 2016 మధ్య మూడు సంవత్సరాల పాటు తన ఆర్మ్‌ రెజ్లింగ్‌కు బ్రేక్‌ ఇచ్చింది. ఎందుకంటే ఆమె క్రీడలను వృత్తిగా భావించకుండా విద్యపై దృష్టి పెట్టాలని నిర్ణయించుకుంది. పంజాబ్‌ టెక్నికల్‌ యూనివర్శిటీ నుండి బీసీఏ, అస్సాం ఇంజనీరింగ్‌ కళాశాల నుండి ఎంసీఏ చదివారు. మాస్టర్స్‌ డిగ్రీ పూర్తి చేసిన తర్వాత 2016లో అస్సాం పోలీస్‌ డిపార్ట్‌మెంట్‌లో చేరారు. అప్పటి నుండి అస్సాం పోలీస్‌ స్పెషల్‌ బ్రాంచ్‌ హెడ్‌క్వార్టర్స్‌లో సీనియర్‌ సాఫ్ట్‌వేర్‌ కన్సల్టెంట్‌గా పని చేస్తోంది.
ఉద్యోగం వచ్చిన తర్వాతనే
''నేను 2015లో మాస్టర్స్‌ పూర్తి చేసాను. కానీ 2016 వరకు క్రీడలకు దూరంగా ఉన్నాను. ఎందుకంటే ఆర్మ్‌-రెజ్లింగ్‌కి తిరిగి రాకముందే ఉద్యోగం సంపాదించాలనుకున్నాను. మార్చి 2016లో ఉద్యోగం వచ్చింది. అక్టోబరులో ముంబైలో షేరు క్లాసిక్‌ ఛాంపియన్‌షిప్‌ జరిగింది. ఇక్కడ ఆర్మ్‌-రెజ్లింగ్‌ మొదటిసారిగా ఏర్పాటు చేశారు. నేను అందులో గెలిచాను. ఇప్పుడు జాతీయంగా ఆడటానికి సిద్ధంగా ఉన్నానని నాకు నేనే చెప్పుకున్నాను'' అని చేతనా అంటుంది.
సమతుల్యం చేయడానికి
ఉద్యోగం వచ్చిన తర్వాత ఆమె తన సమయాన్ని ఉద్యోగంతో క్రీడను సమతుల్యం చేయడానికి తీవ్రంగా కృషి చేస్తోంది. ''ఆఫీస్‌లో నేను కోడింగ్‌ చేస్తున్నాను. కాబట్టి ఇది ఎక్కువగా మెదడుకు సంబంధించిన పని. ఇంటికి తిరిగి వచ్చిన తర్వాత శిక్షణ ఇస్తాను. ఇది శరీర పనికి సంబంధించినది. ఇలా రెండు పనుల్లో ఇమిడేందుకు కొన్నిసార్లు కష్టంగా ఉంటుంది'' ఆమె చెప్పింది.
సానుకూలంగా తీసుకున్నాను
కుటుంబ మద్దతుగా ఉన్నప్పటికీ చేతన రెజ్లింగ్‌ ప్రారంభించినప్పుడు కొన్ని అవహేళనలు ఎదుర్కొంది. ''దశాబ్దం కిందట ఆడపిల్లలు ఆర్మ్‌ రెజ్లింగ్‌లో పాల్గొనడమంటే సాధారణ విషయం కాదు. ప్రజలు అనేక రకాలుగా మాట్లాడేవారు. కానీ నేను వాటిని సానుకూలంగా తీసుకున్నాను. ఆ మాటల ఊబిలో కూరుకుపోకుండా ప్రేరణ పొందాను'' అని ఆమె పంచుకుంటుంది.
సోషల్‌ మీడియా వల్ల
సంవత్సరాలుగా ఈ క్రీడ విపరీతంగా అభివృద్ధి చెందింది. మహిళల క్రీడలను మరింత ప్రచారం చేసేందుకు సోషల్‌ మీడియా ఎంతో సహాయపడిందని చేతనా అంటుంది. ''ఇంతకుముందు మహిళలు ఆడుకోవడానికి బయటకు వెళ్లినా లేదా ఛాంపియన్‌షిప్‌ గెలిచినా వార్తాపత్రికలో చిన్న కాలమ్‌ మాత్రమే వచ్చేది. కానీ నేడు సోషల్‌ మీడియాతో ప్రపంచవ్యాప్త ప్రజల వద్దకు చేరుకుంటున్నాము. ఇది మహిళల క్రీడలు మరింత అభివృద్ధి చెందడానికి సహాయపడింది.
సూపర్‌ మ్యాచ్‌ విన్నర్‌
ప్రొ పంజా లీగ్‌ కూడా మహిళలకు ఎంతో ఉపయోగపడుతున్నాయని ఆమె అభిప్రాయపడింది. స్పాన్సర్‌లు లేకుండానే చేతనా 2017, 2018లో జాతీయ ఛాంపియన్‌గా నిలబడింది. 2019లో ఛత్తీస్‌గఢ్‌లో జరిగిన నేషనల్‌ ఛాంపియన్‌షిప్‌, ఛాంపియన్స్‌ మిస్‌ ఇండియా ఆర్మ్‌ రెజ్లింగ్‌లో ఛాంపియన్‌గా నిలిచింది. 2020లో ఢిల్లీలోని త్యాగరాజ్‌ స్టేడియంలో జరిగిన ప్రొ పంజా లీగ్‌లో స్వర్ణం సాధించింది. 2021లో గోవాలో జరిగిన పీపీఎల్‌ సూపర్‌ మ్యాచ్‌ విన్నర్‌. అనేక సార్లు జాతీయ ఛాంపియన్‌గా మారినప్పటికీ చేతన ఔత్సాహిక క్రీడాకారిణిగా కొనసాగుతోంది. అయితే ఆమె ప్రొఫెషనల్‌గా మారాలని, అంతర్జాతీయ ఛాంపియన్‌షిప్‌లలో ఆడాలని కలలు కంటుంది.
ఆర్థిక సహకారం లేకనే
2017 నుండి ఆమెకు అంతర్జాతీయ ఛాంపియన్‌షిప్‌లకు ఆహ్వానాలు అందుతున్నాయి. అయితే ప్రభుత్వం నుండి స్పాన్సర్‌షిప్‌, ఆర్థిక సహాయం లేకపోవడం వల్ల వాటిలో పాల్గొనలేకపోతుంది. పొరుగు రాష్ట్రాలైన మేఘాలయ, మణిపూర్‌లో ఆర్మ్‌-రెజ్లింగ్‌కు చాలా మద్దతు లభిస్తుందని. అయితే అస్సాంలో పరిస్థితి ఆ విధంగా లేదని ఆమె చెప్పింది. ''ఇటీవల ఉజ్బెకిస్తాన్‌లో ఛాంపియన్‌షిప్‌ కోసం నన్ను ఆహ్వానించారు. కానీ ఇండియన్‌ ఆర్మ్‌ రెజ్లింగ్‌ ఫెడరేషన్‌ లేదా మరెవరి స్పాన్సర్‌షిప్‌ లేకుండా నేను వెళ్లలేను. నేను నా సొంత డబ్బును పెట్టవలసి ఉంటుంది. ప్రస్తుతం అది నేను చేయలేను. నా జీవితంలో ఒక్కసారైనా ఆసియన్‌ ఆర్మ్‌-రెజ్లింగ్‌ ఛాంపియన్‌షిప్‌లో పాల్గొనాలని ఉంది. అయితే ఆర్థికంగా సిద్ధమై, నా సౌలభ్యం చూసుకుని పాల్గొంటాను'' అని చెతనా చెప్పింది.
