ఇంటిని ఎంత శుభ్రం చేసినా కొద్దిసేపటికే మళ్లీ దుమ్ము కనిపిస్తుంది. చాలా మందికి అలెర్జీ ఉంటుంది. దాంతో తరచుగా శుభ్రపరచడం సమస్యగా మారుతుంది. శుభ్రం చేయకపోతే ఇంట్లోని ఫర్నిచర్‌, వస్తువులు కూడా పాడైపోతాయి. ఇలాంటి పరిస్థితుల్లో ఇంట్లోకి దుమ్ము రాకుండా కొన్ని చిట్కాలు ఉన్నాయి. వాటి సహాయంతో కష్టమైన ప్రదేశాలను సులభంగా శుభ్రంగా ఉంచుకోవచ్చు. ఇంటిని దుమ్ము లేకుండా చేయవచ్చు.
- సీలింగ్‌ ఫ్యాన్‌ బ్లేడ్‌లపై పేరుకుపోయిన దుమ్ము శుభ్రం చేయడం చాలా కష్టమైన పని. అయితే పాత దిండు కవర్ తీసుకుని అందులో బ్లేడ్‌ వేసి రుద్దుతూ తుడవాలి. దీని వల్ల దిండు కవర్‌లో దుమ్ము, ధూళి పడి మంచం, నేల శుభ్రంగా ఉంటాయి.
- మీ ల్యాప్‌టాప్‌ కీబోర్డ్‌పై ప్రతిరోజూ దుమ్ము కణాలు పేరుకుపోతాయి. దీన్ని క్లీన్‌ చేయడానికి బేబీ వైప్‌లను, బ్లో బాల్‌ కూడా ఉపయోగించవచ్చు.
- టీవీ స్క్రీన్‌కి సాధారణ వస్త్రానికి బదులుగా మైక్రో ఫాబ్రిక్‌ టవల్‌ ఉపయోగించండి. స్క్రీన్‌ను సాఫ్ట్‌నర్‌ ద్వారా కూడా శుభ్రం చేయవచ్చు. గ్లాస్‌ టేబుల్స్‌, డోర్లు, కిటికీలు, అద్దాల కోసం ఒక గిన్నెలో ఒక పార్ట్‌ ఫాబ్రిక్‌ సాఫ్ట్‌నర్‌ను నాలుగు భాగాల నీటితో కలపండి. ఈ ద్రావణంలో శుభ్రపరిచే వస్త్రాన్ని ముంచి శుభ్రం చేయండి. ఆ తర్వాత పొడి గుడ్డతో రుద్దుతారు.
- షాన్డిలియర్‌ దీపాలు చాలా సున్నితమైనవి. ప్లగ్‌లను శుభ్రం చేయడానికి ముందు స్విచ్‌ ఆఫ్‌ చేయండి లేదా తీసివేయండి. ఫాబ్రిక్‌ గ్లోవ్స్‌ని ధరించి, మైక్రోఫైబర్‌ టవల్‌ను ద్రావణంలో నానబెట్టి నెమ్మదిగా శుభ్రం చేయండి.
- మీ కిటికీ, తలుపు మెష్‌పై దుమ్ము ఉంటే మార్కెట్‌ నుండి స్టీల్‌ బ్రష్‌ను కొనుగోలు చేసి దాని సహాయంతో మెష్‌ను రుద్దండి. ఇలా చేయడం వల్ల మెష్‌ నుండి దుమ్ము పోతుంది. వీలైతే పైపు సహాయంతో నీరు పోసి కడగాలి.
