సుచిత ఓస్వాల్‌ జైన్‌... ఓ నిరంతర ఆవిష్కర్త. తన వ్యాపారంలో నాణ్యత, కస్టమర్‌కు సంతృప్తిని అందిస్తూ మహిళా సాధికారతకు ఒక ఉదాహరణగా నిలిచింది. దేశం మహమ్మారి బారిన పడినప్పటి నుండి తమ వ్యాపార సంస్థకు మూడవ తరం వ్యవస్థాపకురాలిగా, వర్ధమాన్‌ టెక్స్‌టైల్స్‌ వైస్‌-చైర్మన్‌, జాయింట్‌ మేనేజింగ్‌ డైరెక్టర్‌గా కంపెనీని డిజిటలైజేషన్ను ఫాస్ట్‌ ట్రాక్‌లోకి నడిపించింది. ఇరవై ఎనిమిదివేల మంది ఉద్యోగులతో కూడిన తన బలమైన సైన్యాన్ని సమస్యాత్మక సమయాల్లో సురక్షితంగా, ప్రేరణతో ఉండేలా చూసుకుంది. కేవలం వ్యాపారవేత్తగానే కాదు సామాజిక కార్యకర్తగా ఎంతో మంది పేదలకు విద్య, వైద్యం అందిస్తున్న ఆమె పరిచయం...
సుచిత తన బిలియన్‌ డాలర్‌ కంపెనీని అన్ని టెక్స్‌టైల్‌ అవసరాలకు వన్‌-స్టాప్‌ సొల్యూషన్‌గా మార్చే లక్ష్యంతో ఉంది. వరుస లాక్‌డౌన్‌లను ఎత్తివేసిన నెలల్లోనే వర్ధమాన్‌ టెక్స్‌టైల్స్‌ వేగంగా తిరిగి పుంజుకుంది. దాని నూలు, ఫాబ్రిక్‌ వ్యాపారాలలో 100 శాతం సామర్థ్య వినియోగానికి చేరుకుంది. ఆమె సారథ్యంలో కంపెనీ ఇప్పుడు వ్యాపారాలను నిర్మించడానికి కృత్రిమ మేధస్సు, బ్లాక్‌చెయిన్‌ వంటి అభివృద్ధి చెందుతున్న సాంకేతికతలపై దృష్టి సారించింది. కొన్ని సంవత్సరాలుగా ఆమె వర్ధమాన్‌కు కీలకమైన చోదక శక్తిగా ఉంది. సమూహ వ్యూహం, సీఎస్‌ఆర్‌ కార్యక్రమాలు, పాలనా విధానాలు, కొత్త ప్రాజెక్ట్‌లు, విస్తరణ ప్రణాళికలను రూపొందించడంలో కీలక పాత్ర పోషించింది.
ప్రాముఖ్యతను గుర్తించింది
ఇన్నోవేషన్‌, చురుకుదనం సుచిత పనితీరులోని ముఖ్య లక్షణాలు. తన 22 ఏండ్ల వయసులో కుటుంబ వ్యాపారంలోకి తన తండ్రితో పాటు అడుగులు వేసింది. అప్పుడప్పుడే ప్రారంభమవుతున్న ఆర్థిక వ్యవస్థలో వస్త్ర పరిశ్రమను నడిపించే ధోరణులను త్వరగా ఊహించింది. వర్ధమాన్‌ గ్రూప్‌ ఫార్వర్డ్‌ ఇంటిగ్రేషన్‌ను ప్రారంభిస్తూ దాని ప్రాముఖ్యతను గుర్తించింది. 1992లో హిమాచల్‌ ప్రదేశ్‌లో కంపెనీ మొట్టమొదటి ఫాబ్రిక్‌ తయారీ కర్మాగారాన్ని స్థాపించడానికి ఆమె నాయకత్వం వహించింది. ఇది వర్ధమాన్‌ టెక్స్‌టైల్స్‌ వేగంగా అభివృద్ధి చెందడానికి సహాయపడింది. భారతదేశంలో అతిపెద్ద సమీకృత వస్త్ర తయారీదారిగా మారింది.
నిశిత పరిశీలనతో
సవాళ్లు, అవకాశాలు రెండింటినీ ఆమె గుర్తించింది. ఒక వైపు ఉత్పత్తి ఆవిష్కరణను నడుపుతూ డైయింగ్‌, ప్రింటింగ్‌, ప్రాసెసింగ్‌ లైన్లను జోడించడం, వ్యాపారాన్ని స్థిరీకరించడం, విస్తరింపజేసేందుకు కృషి చేసింది. యూరప్‌, యుఎస్‌, ఆసియాలోని అత్యంత నాణ్యమైన మార్కెట్‌లను అందించడంపై దృష్టి పెట్టింది. ఆమె నిశిత పరిశీలన కంపెనీ అత్యుత్తమ ప్రమాణాలు, నాణ్యత, కస్టమర్‌-ఆధారిత విధానానికి సంబంధించిన అత్యున్నత ప్రమాణాలకు కట్టుబడి ఉందని నిర్ధారిస్తుంది. ఆమె ప్రయత్నాల కారణంగానే వర్ధమాన్‌ తన ఉత్పత్తులను 75 దేశాలకు ఎగుమతి చేస్తోంది. +Aూ, నడవీ, ుaతీస్త్రవ్‌, ఖఅఱనశ్రీశీ, జaశ్రీఙఱఅ ఖశ్రీవఱఅ, వీడూ, ఖశీష్ట్రశ్రీర aఅస వీబjఱ వంటి బ్రాండ్‌లకు ప్రాధాన్య భాగస్వామిగా ఉంది.
లింగ సమానత్వంలో...
సుచిత మహిళా సాధికారత, సమాన అవకాశాల కోసం పోరాడే వ్యక్తి. ఆమె వర్ధమాన్‌ నేడు దేశంలోని పారిశ్రామిక భూభాగంలో లింగ సమానత్వంలో ఒక వెలుగు వెలిగింది. ఆమె నాయకత్వంలో వర్ధమాన్‌ టెక్స్‌టైల్స్‌ పంజాబ్‌, హిమాచల్‌ ప్రదేశ్‌, మధ్యప్రదేశ్‌ ప్రభుత్వాలను మహిళలు రాత్రి షిఫ్టులలో పని చేయడానికి అనుమతించడం ద్వారా మహిళా సాధికారత దిశగా ముందుకు సాగింది. నేడు కంపెనీ 28,000 మంది బలమైన శక్తిలో 35 శాతం మంది మహిళలు ఉన్నారు. వీరిలో 13 శాతం కంటే ఎక్కువ మంది రాత్రి షిఫ్టులలో సంతోషంగా పని చేస్తున్నారు. నైపుణ్యాభివృద్ధి, ఆర్థిక స్వాతంత్య్రం సాధికారతకు మూలస్తంభాలుగా సుచిత భావిస్తుంది. అందుకే నేర్చుకోవడం, అభివృద్ధి చెందడం వర్ధమాన్‌లో ఒక భాగం.
మహిళా ఉద్యోగుల కోసం...
కంపెనీ కార్యాలయ వాతావరణాన్ని మహిళా ఉద్యోగులకు సౌకర్యవంతంగా మార్చడమే కాకుండా వారి కుటుంబాలకు కూడా అదనపు సౌకర్యాలు ఇస్తుంది. గ్రామీణ మహిళలు ఎలాంటి భయాందోళనలు లేకుండా కంపెనీతో కలిసి పనిచేసేలా ప్రోత్సహిస్తుంది. వారి కోసం ఫ్యాక్టరీ సందర్శనలు, వర్క్‌షాప్‌లు మొదలైన వాటి తర్వాత కౌన్సెలింగ్‌ సెషన్‌లు నిర్వహించబడతాయి. కంపెనీలో చేరిన తర్వాత వారి సమగ్ర అభివృద్ధి కోసం సంస్థ వారికి సాంకేతిక, సాఫ్ట్‌ స్కిల్స్‌ రెండింటిలోనూ శిక్షణను అందిస్తుంది. వారి ఆరోగ్యాన్ని మెరుగుపరచడానికి, ఆరోగ్యకరమైన జీవన పరిస్థితులను ప్రోత్సహించడానికి సాధారణ అవగాహన సెషన్‌లను కూడా నిర్వహిస్తుంది. ఈ శిక్షణ ఫలితంగా కనీస విద్యను కూడా పూర్తి చేయలేని మహిళా కార్మికులు కొందరు అద్భుతాలు చేసి అంతర్జాతీయ వేదికలకు చేరుకున్నారు. ఆంగ్లంలో వారి కేస్‌ స్టడీని అందించారు. ఎన్నో అవార్డులు గెలుచుకున్నారు.
వెనక్కి తిరిగి చూడలేదు
సుచిత తన తండ్రి నుండి వ్యాపారాన్ని అధ్యయనం చేసింది. వివిధ ప్రక్రియలతో తనను తాను పరిచయం చేసుకోవడానికి సంస్థలోని అన్ని విభాగాల్లో పని చేసింది. ఉత్పత్తి కేంద్రీకృత వ్యాపారం నుండి కస్టమర్‌-కేంద్రీకృత వ్యాపార నమూనాకు కంపెనీని తరలించడానికి పెద్ద ఎత్తులు వేసింది. అప్పటి నుండి వెనక్కి తిరిగి చూడలేదు. తన మార్కెటింగ్‌ బృందాలను ఉత్పత్తి ప్రక్రియలతో పరిచయం చేయడానికి కేంద్రీకరించింది. కంపెనీ పోటీలో ముందుండడానికి సెంట్రల్‌ టెక్నాలజీ సెల్‌తో పాటు ఉత్పత్తి, డిజైన్‌ డెవలప్‌మెంట్‌ సెల్‌ను ఏర్పాటు చేసింది.
కుటుంబ విషయంలో కూడా
కేవలం వ్యాపారంలోనే కాదు సుచిత కుటుంబాన్ని కూడా సమర్థవంతంగా నడిపిస్తుంది. తన ఇద్దరు కుమార్తెల పెంపకంతో సహా కుటుంబ బాధ్యతలను నిర్వహిస్తుంది. ఆమె వ్యాపారాన్ని నిర్వహించే విషయంలో ఎంత బలంగా ఉంటుందో కుటుంబం విషయంలో కూడా అంతే ఉంటుంది. ఇందులో తన తల్లిదండ్రులు, భర్త సచిత్‌ జైన్‌ (వర్ధమాన్‌ స్పెషల్‌ స్టీల్స్‌ లిమిటెడ్‌ వైస్‌-చైర్మన్‌ అండ్‌ మేనేజింగ్‌ డైరెక్టర్‌) మద్దతు కూడా ఎంతో ఉందని చెబుతుంది. ప్రస్తుతం తన పిల్లలు పెద్దవారు కావడంతో వ్యాపార వృద్ధికి ఎక్కువ సమయం కేటాయించగలుగుతుంది. చాలా మందికి స్ఫూర్తిదాయకంగా నిలిచింది.
డిజిటలైజేషన్‌ డ్రైవ్‌కు
సుస్థిరత అనేది ఒక జీవన విధానం. అయితే కోవిడ్‌ అనంతర ప్రపంచంలో మనం అభివృద్ధి చెందాలంటే డిజిటలైజేషన్‌ ఒక్కటే ముందున్న మార్గం అని ఆమె అభిప్రాయపడ్డారు. వర్ధమాన్‌ టెక్స్‌టైల్స్‌ ప్రారంభించిన వేగవంతమైన డిజిటలైజేషన్‌ డ్రైవ్‌కు సుచిత వ్యక్తిగతంగా నాయకత్వం వహిస్తున్నారు. గత రెండు సంవత్సరాలలో కంపెనీ భౌతికంగా హాజరుకాకుండానే వినియోగదారులకు వర్చువల్‌గా తన ఉత్పత్తులను ప్రదర్శించడానికి యంత్రాంగాలను అభివృద్ధి చేసింది. ఉత్పత్తుల భౌతిక అనుభవాన్ని అత్యధికంగా రేట్‌ చేసే పరిశ్రమలో ఉన్నప్పటికీ ఈ అడ్డంకిని అధిగమించడానికి ఆమె తన కంపెనీకి కొత్త సాంకేతికతను గుర్తించి అమలు చేయడంలో సహాయపడింది. క్లయింట్‌లను పరిచయం చేయడానికి కంపెనీ వర్చువల్‌ ఫ్యాక్టరీ పర్యటనలను కూడా ప్రారంభించింది.
సామాజిక సేవలో...
సమాజానికి తనవంతు సహకారం అందించాలని సుచిత భావించింది. వర్ధమాన్‌ స్కూల్‌ డెవలప్‌మెంట్‌ ప్రోగ్రామ్‌, ప్రాజెక్ట్‌ నందిని వంటి అనేక సీఎస్‌ఆర్‌ కార్యక్రమాలు ఉన్నాయి. విద్యను ప్రోత్సహించేందుకు వర్ధమాన్‌ 65 ప్రభుత్వ పాఠశాలలు, 40కి పైగా అంగన్‌వాడీలకు అవసరమైన మౌలిక సదుపాయాలను అందించింది. ఇందులో అన్ని సౌకర్యాలు కలిగిన తరగతి గదులు, మరుగుదొడ్లు, ప్యూరిఫైయర్‌లతో కూడిన వాటర్‌ కూలర్‌లు మొదలైనవి ఉన్నాయి. ప్రాజెక్ట్‌ నందిని అనేది రుతుక్రమ పరిశుభ్రత నిర్వహణ కార్యక్రమం. యుక్తవయసులో ఉన్న అమ్మాయిలకు సరసమైన ధరలో శానిటరీ న్యాప్‌కిన్‌లు అందిస్తారు. దానితో పాటు పీరియడ్స్‌పై ఉన్న పొరపాటు ధోరణులను తొలగించడానికి అవగాహన సెషన్‌లను నిర్వహిస్తారు. ఇటీవల ఈ ప్రాజెక్ట్‌ను మురికివాడలకు విస్తరించింది. గ్రామీణ ప్రాంతాల్లో సోలార్‌ లైటింగ్‌, ఆరోగ్య శిబిరాలు, తాగునీరు, పారిశుద్ధ్య సౌకర్యాలు మొదలైనవి ప్రధాన కార్యక్రమాలుగా ఉంటాయి. ప్రజల చికిత్స కోసం ప్రధాన ఆసుపత్రులకు అధునాతన ఆరోగ్య సంరక్షణ పరికరాలను కూడా అందిస్తుంది.
కోవిడ్‌ మధ్య జీవితం
సుచితకు నాయకత్వం అనేది చేరిక, భాగస్వామ్యానికి సంబంధించినది. ఈ లక్షణాలు మహమ్మారి సమయంలో వెలుగులోకి వచ్చాయి. ఇది అభివృద్ధి చెందుతూనే ఉంటుంది. కార్పొరేట్‌ పనితీరులో అనేక స్థాయిలలో మార్పులు అవసరం. మానవ వనరులను నిర్వహించడం, కస్టమర్‌లతో కనెక్ట్‌ అవ్వడం, వ్యాపారంపై దృష్టి పెట్టడం ఏకకాలంలో జరిగింది. ఉద్యోగుల భద్రత, శ్రేయస్సును నిర్ధారించడానికి వర్ధమాన్‌ వారి హెచ్‌ఆర్‌, ఐఆర్‌ టీమ్‌లతో పాటు అడ్మినిస్ట్రేటివ్‌ టీమ్‌లకు టాస్క్‌ అప్పగించినట్టు సుచిత చెప్పారు. నిత్యావసరాల సరఫరా నుండి నైతిక మద్దతు వరకు, వైద్య పరీక్షల నుండి సామూహిక టీకా డ్రైవ్‌ల వరకు, ప్రతి దశలోనూ తమ ఉద్యోగులు సురక్షితంగా ఉండేలా కంపెనీ చూసుకుంది.
ప్రపంచ స్థాయికి తీసుకెళ్ళాలని
సుచిత వర్ధమాన్‌ టెక్స్‌టైల్స్‌ వ్యాపారాన్ని అనేక రెట్లు పెంచాలని, మరిన్ని దేశాలకు ఎగుమతి చేయాలని కోరుకుంటోంది. ఫెడరేషన్‌ ఆఫ్‌ ఇండియన్‌ ఎక్స్‌పోర్ట్స్‌ ఆర్గనైజేషన్స్‌ (FIEO), టెక్స్‌టైల్‌ ఎక్స్‌పోర్ట్‌ ప్రమోషన్‌ కౌన్సిల్‌ (TEXPROCIL) నుండి అత్యధిక ఎగుమతుల కోసం కంపెనీ ఇప్పటికే అనేక అవార్డులను గెలుచుకుంది. భారతీయ కార్మికులు, వ్యవస్థాపకుల నైపుణ్యాన్ని ప్రపంచ స్థాయికి తీసుకెళ్లాలని ఆమె భావిస్తుంది. భారతదేశానికి అద్భుతమైన సామర్థ్యం ఉందని, భారతీయ కంపెనీలు అంతర్జాతీయ రంగంలో నిజంగా బాగా రాణించగలవని నొక్కి చెబుతుంది.
విప్లవాత్మక దృక్పధానికి సాక్ష్యంగా
సుచిత చురుకైన వ్యాపారవేత్త, గొప్ప దూరదృష్టి ఉన్న వ్యక్తి. ట్రెండ్‌లను అంచనా వేయడం, పట్టుదల, అవసరమైనప్పుడు కఠినమైన నిర్ణయాలు తీసుకోవడం వంటివి ఆమె విజయాలకు కారణమని చెప్పవచ్చు. ఆమె అల్మారాల్లో ఉన్న అవార్డులు ఆమె విప్లవాత్మక దృక్పధానికి సాక్ష్యంగా నిలుస్తాయి. ఆమెకు వరల్డ్‌ ఉమెన్‌ లీడర్‌షిప్‌ కాంగ్రెస్‌, ఇండియా సీఎస్‌ఆర్‌ లీడర్‌షిప్‌ అవార్డు 2021, టైమ్స్‌ ఆఫ్‌ ఇండియా పవర్‌ ఐకాన్స్‌ 2021, ఎకనామిక్‌ టైమ్స్‌ లీడర్స్‌ ఆఫ్‌ చేంజ్‌ 2021 ద్వారా అత్యుత్తమ మహిళా లీడర్‌షిప్‌ అవార్డు 2020 లభించింది. ఈటీ స్పూర్తిదాయక మహిళా నాయకురాలిగా 2022లో గుర్తింపు పొందింది. అంతేకాకుండా (నేషనల్‌ ఎగ్జిక్యూటివ్‌ కమిటీ) ఫెడరేషన్‌ ఆఫ్‌ ఇండియన్‌ ఛాంబర్స్‌ ఆఫ్‌ కామర్స్‌ అండ్‌ ఇండిస్టీ, యంగ్‌ ప్రెసిడెంట్స్‌ ఆర్గనైజేషన్‌ అండ్‌ ఇంటర్నేషనల్‌ టెక్స్‌టైల్‌ మాన్యుఫ్యాక్చరర్స్‌ ఫెడరేషన్‌ (బోర్డ్‌)కు ప్రముఖ సభ్యురాలు.
