మహిళల్లో రుతుక్రమం ఆగిన తర్వాత రొమ్ము కేన్సర్‌ వచ్చే కేసులు ఎక్కువగా వుంటుంటాయి. అత్తి పండ్లలో ఉండే ఫైబర్‌ కంటెంట్‌ రొమ్ము కేన్సర్‌కు వ్యతిరేకంగా రక్షణను అందిస్తుంది. సగటున 51 మంది రుతుక్రమం ఆగిన మహిళలను 8.3 సంవత్సరాల పాటు అధ్యయనం చేస్తే అత్తి పండ్లు తినని వారికంటే తినే వారిలో రొమ్ము కేన్సర్‌ ప్రమాదం 34శాతం తగ్గిందని తెలిసింది. అదనంగా హార్మోను మార్పిడి, చాలా ఫైబర్‌, ప్రత్యేకించి తృణధాన్యాల ఫైబర్‌ ఉపయోగించిన స్త్రీలలో రొమ్ము క్యాన్సర్‌ రిస్క్‌ 50శాతం వరకు తగ్గింది. ఆపిల్‌, డేట్స్‌, అత్తి పండ్లు, బేరి మరియు ప్రూనే వంటి పండ్లలో ఫైబర్‌ అధికంగా ఉంటుంది.
మధుమేహంతో బాధపడుతున్న వ్యక్తులు అధిక ఫైబర్‌ ఆహారంలో ఉండేలా చూసుకోవాలి. అత్తి చెట్టు ఆకులు ఫైబర్‌ ఎక్కువగా ఉండి తినదగిన భాగాలలో ఒకటి. ఇన్సులిన్‌ సూది మందు తీసుకోనే మధుమేహ వ్యాధిగ్రస్తులకు అవసరమైన ఇన్సులిన్‌ మొత్తం తగ్గించగల యాంటి బయాటిక్‌ లక్షణాలు అత్తి ఆకుల్లో ఉంటాయి. మధుమేహం తగ్గించడానికి, ఇన్సులిన్‌ ఇంజక్షన్లు తగ్గించదానికి అత్తి ఆకులు నుంచి తయారుచేసిన రసంను అల్పాహారంలో చేర్చండి.
మనం సాధారణంగా ఉప్పు రూపంలో ఎక్కువగా సోడియంను తీసుకుంటాము. అధిక సోడియం, తక్కువ పొటాషియం తీసుకోవడం వలన రక్తపోటుకు దారితీయవచ్చు. అందుకే పొటాషియం సమృద్ధిగా ఉన్న ఆహారాలు తీసుకోవాలి. అత్తి పండ్లలో పొటాషియం అధికంగా, సోడియం తక్కువగా ఉంటుంది. కాబట్టి అది రక్తపోటుకు దూరంగా ఉంచటానికి సహకరిస్తుంది.
అత్తి పండ్లు జీర్ణ వ్యవస్థ కొరకు సమర్థవంతంగా పనిచేస్తాయి. ఇది మంచి జీర్ణక్రియను అందించటంతో పాటు శరీర జీవక్రియను మెరుగుపరుస్తుంది.
అత్తి పండ్లలో ఆక్సిడెంట్లు అధిక మొత్తంలో కలిగి ఉండుట వలన మూత్రపిండ సంబంధిత వ్యాధి లేదా పిత్తాశయం సమస్యతో బాధపడేవారు అత్తి పండ్లను తినకూడదు. ఒకవేళ తింటే తీవ్రమైన బెవరేజెస్‌కు కారణమవుతుంది. కాబట్టి మూత్రపిండ సమస్యలు ఉన్నవారిని ఈ పండు తినకుండా నివారించాలి.
