అబ్బాయిల కంటే అమ్మాయిల ఎత్తు పెరుగుదల త్వరగా ఆగిపోతుంది. దాని వెనుక చాలా కారణాలున్నాయి. బాలికల శరీరంలో హార్మోన్ల మార్పుల కారణంగా వారి ఎత్తు 14 -15 సంవత్సరాల తర్వాత పెరగడం ఆగిపోతుంది. ఇది ఎందుకు జరుగుతుందో, అమ్మాయిల ఎత్తు పెరగకుండా ఉండటానికి కారణ మేంటో తెలుసుకుందాం.
బాలికలు బాల్యంలో చాలా వేగంగా పెరుగుతారు. యుక్త వయసుకు చేరుకున్నప్పుడు వారి పెరుగుదల చాలా ఎక్కువగా ఉంటుంది. 14 -15 సంవత్సరాల వయసులో లేదా రుతుక్రమం ప్రారంభంలో బాలికల పెరుగుతల తగ్గిపోతుంది.
పీరియడ్స్‌ రావడానికి ఒకటి లేదా రెండు సంవత్సరాల ముందు అమ్మాయిలు ఎదుగుదల బాగుంటుంది. చాలా మంది బాలికలకు, యుక్తవయసు 8, 13 సంవత్సరాల మధ్య ప్రారంభమవుతుంది. వారి ఎత్తు 10 -14 సంవత్సరాల మధ్య వేగంగా పెరుగుతుంది. మొదటి పీరియడ్‌లో ఒకటి లేదా రెండు సంవత్సరాల తర్వాత 1 -2 అంగుళాలు మాత్రమే పెరుగుతారు. ఈ సమయంలో అది దాని వయోజన ఎత్తుకు చేరుకుంటుంది. చాలా మంది బాలికలు 14 -15 సంవత్సరాల వయసులో వారి వయోజన ఎత్తుకు చేరుకుంటారు. కొంతమంది అమ్మాయిలు చిన్న వయసులోనే వయోజన ఎత్తుకు చేరుకుంటారు. ఇది అమ్మాయి రుతుక్రమం ప్రారంభంపై ఆధారపడి ఉంటుంది.
అమ్మాయికి 15 సంవత్సరాల వచ్చిన తర్వాత కూడా పీరియడ్స్‌ ప్రారంభం కాకపోతే వైద్యుడిని సంప్రదించాలి. పెరుగుతున్న రొమ్ము పరిమాణం, యుక్తవయసు మధ్య సంబంధం ఉంటుంది. రొమ్ము పరిమాణం పెరగడం సాధారణంగా యుక్తవయసుకు సంకేతం. రుతుస్రావం ప్రారంభమయ్యే రెండు సంవత్సరాల ముందు అమ్మాయి రొమ్ము పరిమాణం పెరగడం ప్రారంభమవుతుంది. కొంతమంది అమ్మాయిలలో రొమ్ము మొగ్గలు పీరియడ్స్‌ ప్రారంభమైన ఒక సంవత్సరం తర్వాత మాత్రమే కనిపిస్తాయి. కొంతమంది అమ్మాయిలలో రుతుస్రావం అయిన మూడు నుండి నాలుగు సంవత్సరాల తర్వాత కూడా రొమ్ము పరిమాణం పెరగడం ప్రారంభమవుతుంది.
సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ ప్రకారం 20 ఏండ్లు, అంతకంటే ఎక్కువ వయసు ఉన్న మహిళల సగటు ఎత్తు 63.7 అంగుళాలు. ఇది 5 అడుగుల 4 అంగుళాలు మాత్రమే. పిల్లల ఎత్తు కూడా వారి తల్లిదండ్రులపై ఆధారపడి ఉంటుంది. తల్లిదండ్రులు పొడవుగా ఉన్న పిల్లలు సాధారణంగా పొడవుగా ఉంటారు.
పోషకాహార లోపం నుండి మందుల వరకు ఎదుగుదలను ప్రభావితం చేసే అనేక అంశాలు ఉన్నాయి. గ్రోత్‌ హార్మోన్‌ సమస్యలు, కీళ్లనొప్పులు లేదా క్యాన్సర్‌ వంటి వివిధ వ్యాధుల కారణంగా కొంతమంది అమ్మాయిలు ఎదుగుదల మందగించవచ్చు. ఆలస్యం పెరుగుదలలో జన్యువులు కూడా ముఖ్యమైన పాత్ర పోషిస్తాయి.