బంధాలు, అనుబంధాలు గుర్తెరిగి ఇతరులతో కలిసి జీవిస్తేనే జీవితం సుఖ సంతోషాలతో సాగిపోతుంది. బంధాలు చాలా సున్నితమైనవి. అవి విచ్ఛిన్నం కాకుండా సరైన మార్గంలో నడుచుకోవాల్సి ఉంటుంది. అయితే మారుతున్న కాలంతో పాటు బంధాల తీరు కూడా మారిపోయింది. తమ జీవితాన్ని ఎలా గడపాలో మర్చిపోతున్నారు. కొన్నిసార్లు కొందరు వ్యక్తులు ప్రత్యేక సంబంధాన్ని గుర్తించడంలో వెనుకబడుతున్నారు. వారు తమను తాము కోల్పోవడం ప్రారంభిస్తారు. ఈ పొరపాటు వల్ల తర్వాత పశ్చాత్తాపపడడం తప్ప ఏమీ మిగలదు. కొంతమందికి తమ భాగస్వామితో బంధాన్ని అందంగా మలచుకోవడానికి ఇబ్బంది పడుతుంటారు. కానీ బంధాలు, అనుబంధాలు.. అన్నట్టుగా కలిసి జీవిస్తేనే జీవితం ఆనందమయం అవుతుంది. భాగస్వామి సంతోషాన్ని, దుఃఖాన్ని తమ సొంతం చేసుకోవడం, తమ భావాలను మరచిపోవడం కొంతమంది స్వభావం. సంబంధాన్ని అందంగా ఏర్పాటు చేసుకోవాలనే తపనలో వ్యక్తులు తమను తాము ఎలా కోల్పోవడం ప్రారంభిస్తారో చెప్పడానికి ఈరోజు ప్రయత్నం చేస్తున్నాం. భాగస్వామి అతిప్రేమతో సర్వసాధారణంగా చేసే తప్పుల గురించి తెలుసుకుందాం...
అన్ని వేళలా క్షమించండి: ప్రేమ, నమ్మకంతో పాటు, సంబంధంలో గౌరవం కూడా ముఖ్యం. మీ ఆత్మగౌరవాన్ని దెబ్బతీసేతంటాగా భాగస్వామిని ప్రేమించడం అనేది ఒక్కోసారి భాగస్వామికి ప్రమాదకరంగా మారవచ్చు. రిలేషన్‌ షిప్‌లో గొడవ ఏర్పడినప్పుడు సారీ అని చెప్పి ముగించడం మంచిదే. అయితే ప్రతి విషయంలో సారీ చెప్పడం మంచిది కాదు. భాగస్వామికి సారీ చెప్పే బదులు, పరిస్థితిని అర్థం చేసుకునే విధంగా నచ్చచెప్పడం మంచిది. క్షమించండి అని చెప్పే బదులు తప్పు ఎందుకు జరిగిందే వివరించండి.
అతిప్రేమ: రిలేషన్‌ షిప్‌లో ప్రేమ చూపించడం మంచిదే. అయితే ప్రేమ పేరుతో భాగస్వామి చుట్టూ తిరగడం మంచిది కాదు. సంబంధం ఏర్పడిన కొత్తలో భాగస్వామి మీ ఈ స్వభావాన్ని తట్టుకోగలరు. అలా భాగస్వామి చుట్టూ తిరుగుతుంటే ఏదో ఒక సమయంలో అవతలి వారికీ చిరాకురావచ్చు. భాగస్వామిగురించి మాత్రమే కాదు మీ వ్యక్తిగత జీవితానికి కూడా ప్రయారిటీ ఇవ్వాలి. ఒకొక్కసారి దంపతుల మధ్య ఏర్పడే దూరం వారిని మరింత దగ్గర చేస్తుంది.
వారి అవసరాలను తీర్చడమే ధ్యేయంగా: జీవిత భాగస్వామిపై ఉన్న ప్రేమతో అవసరానికి మించి అవతలి వ్యక్తి జీవితంలో తొంగి చూస్తే.. సంబంధాల మధ్య గ్యాప్‌ వచ్చే అవకాశం ఉంది. భాగస్వామి తన జీవిత భాగస్వామి అవసరాలను తీర్చడం పేరుతో చేసే అతి సంబంధాలపై తీవ్ర ప్రభావం చూపిస్తాయి. తన భర్త కోసం అంటూ భార్యలు అన్ని సమయాలలో వస్తువులను పోగు చేస్తూనే ఉంటాడు. కొంతమంది మహిళలు తమ కోసం వస్తువులను కొనుగోలు చేయరు. ఎల్లప్పుడూ తమ భర్త గురించి ఆలోచిస్తూ ఉంటారు. మిమ్మల్ని మీరు కోల్పోయే తప్పు చేస్తున్నారని ఈ ప్రవర్తన స్పష్టంగా చూపిస్తుంది. మీ భర్తని జాగ్రత్తగా చూసుకోండి. అయితే అదే సమయంలో మిమ్మల్ని మీరు కోల్పోవద్దు.
