అపేక్ష ఫెర్నాండెజ్‌... జూనియర్‌ వరల్డ్‌ స్విమ్మింగ్‌ షిప్‌లో చేరిన మొదటి భారతీయ మహిళగా రికార్డు సృష్టించింది. 2022 ఖీ×చీA వరల్డ్‌ జూనియర్‌ స్విమ్మింగ్‌ ఛాంపియన్‌షిప్‌లో మహిళల 200 మీటర్ల బటర్‌ఫ్లై ఫైనల్స్‌లో ఆమె 2:19.14 సమయంతో ఎనిమిదో స్థానంలో నిలిచింది. ఫైనల్స్‌కు అర్హత సాధించింది. మొత్తం సమయం 2:18.18తో జూనియర్‌ వరల్డ్‌ ఫైనల్స్‌కు అర్హత సాధించిన తొలి భారతీయ మహిళగా కొత్త జాతీయ రికార్డును నెలకొల్పింది. 2019 ప్రపంచ జూనియర్స్‌లో 50 మీటర్ల బ్యాక్‌స్ట్రోక్‌లో ఆరో స్థానంలో నిలిచిన శ్రీహరి నటరాజ్‌ ఫైనల్స్‌కు అర్హత సాధించిన ఏకైక భారతీయుడు.
అత్యుత్తమ స్విమ్మర్‌గా
          ముంబైలోని ఐఐటీలో ఎలక్ట్రానిక్స్‌ ఇంజినీరింగ్‌ ప్రొఫెసర్‌ అయిన బిజి. ఫెర్నాండెజ్‌ కూతురు అపేక్ష. ఐదు రోజుల ఛాంపియన్‌ షిప్‌లలో మహిళల కోసం ఐదు జాతీయ రికార్డులను బద్దలు కొట్టింది. అంతేకాకుండా ఈ సంవత్సరం జూన్‌లో జరిగిన 8వ జూనియర్‌ నేషనల్‌ ఆక్వాటిక్‌లో తన వయసులో అత్యుత్తమ స్విమ్మర్‌గా ఎంపికైంది. ఈ 17 ఏండ్ల స్విమ్మింగ్‌ సంచలనం ముంబైలోని ఐఐటీ క్యాంపస్‌లో పెరిగింది. అక్కడే ఆమె డాక్టర్‌ మోహన్‌ రెడ్డి వద్ద శిక్షణ పొందుతుంది. అపేక్ష వేగవంతమైన ప్రతిచర్య సమయాలలో ఒకటిగా ఉంది. కానీ ఆమె ఇటాలియన్‌ బంగారు పతక విజేత అన్నా పోర్కారీ కంటే ఏడు సెకన్ల కంటే ఎక్కువ సమయం ముగించడంతో ఆమె దానిని ఉపయోగించుకోలేకపోయింది. ఆమె రాబోయే రోజుల్లో 100 మీటర్ల బటర్‌ఫ్లై, 100 మీటర్ల బ్యాక్‌స్ట్రోక్‌ ఈవెంట్‌లలో కూడా పాల్గొంటుంది.