కొందరు వ్యక్తులు పక్కనుంటే తెలియని అభద్రత, అసౌకర్యం. మీకూ ఇలాంటి అనుభవం ఉందా? దాదాపు 84 శాతం మహిళలు జీవితంలో ఒక్కసారైనా ఇలాంటి పరిస్థితులు ఎదుర్కొన్నారని సర్వేలు చెబుతున్నాయి. మరి అలాంటి కనిపించని శత్రువుల్ని గుర్తించడం ఎలా?
కొందరు ప్రతిచోటా వారిదే పైచేయిగా ఉండాలనుకుంటారు. ఇంకొందరు అవసరం ఉన్నా లేకున్నా పొగుడుతూ ఏదో లాభం పొందాలనుకుంటారు. నిజమైన స్నేహంలో ఇచ్చిపుచ్చుకోవడం ఉంటుందని గ్రహించాలి.
ఎవరి సమక్షంలో ఇబ్బందిగా అనిపిస్తుందో.. అలాంటి ఓ అయిదు పేర్లు రాయండి. వాటి ముందు వారి స్వభావానికి తగ్గట్టు ఓ విశేషణాన్ని చేర్చండి. వారెలాంటి వారో సులభంగా అర్థమైపోతుంది. అలాంటి వారితో ఎప్పుడూ కాస్త దూరంలో ఉంచాలి. వారి వద్ద ఎలాంటి భావోద్వేగాల్నీ చూపొద్దు. అవసరమైన మేరకే మాట్లాడాలి. సాయమడిగితే సున్నితంగానే చేయలేనని చెప్పండి.
సానుకూల వ్యక్తులకు దగ్గరగా ఉండటమూ ముఖ్యమే. మన సమయం, శక్తుల్లో 90 శాతం.. పరిచయస్థుల్లో కేవలం పది శాతం మందికి కేటాయిస్తాం. వారిలో మనకు ఇష్టమైన, మనల్ని అభిమానించే వాళ్లు ఉండేట్టు చూసుకోవాలి. మన వ్యక్తిగత ఇష్టాలకు ప్రాధాన్యం ఇచ్చుకోవాలి. డైరీ రాసుకోవడం, యోగా చేయడం, టీ తయారు చేసుకోవడం... ఇలా మనకు నచ్చిన పనులకు సమయం కేటాయిస్తున్నామంటే నచ్చని వాటికి దూరంగా ఉంటున్నట్టే.