నేటి ఆధునిక యుగంలో బరువు తగ్గడం పెద్ద సవాలుగా మారుతోంది. బరువు తగ్గాలనుకునే ప్రతి ఒక్కరూ ఏదో ఒక పద్ధతిని అనుసరిస్తారు కానీ అవన్నీ పనిచేస్తాయా? అని ప్రశ్నిస్తే.. సమాధానం లేదు. కొందరు ఆహారాన్ని ఎంత నియంత్రించుకున్నా, వ్యాయామాలు చేసినా బరువు తగ్గలేకపోతున్నారు. దానికి ప్రధాన కారణం మన జీవన శైలిలో ఎలాంటి మార్పు తీసుకురాకపోవడమే. మీరు ఉదయం నిద్ర లేవగానే కొన్ని పనులు నిత్యం చేయగలిగితే చాలా సులభంగా బరువు తగ్గవచ్చు. అవేంటో తెలుసుకుందాం...
ఉదయాన్నే వేడినీళ్లు తాగండి: ఉదయం లేవగానే ఒక గ్లాసు వేడినీళ్లు తాగడం అలవాటు చేసుకోండి. ఇది శరీరంలోని టాక్సిన్స్‌ని బయటకు పంపి, ఎదుగుదల, జీర్ణక్రియలో సహాయపడుతుంది.
వ్యాయామం: ఉదయాన్నే వ్యాయామం చేయడం వల్ల బరువు తగ్గవచ్చు. ఉదాహరణకు సాధారణ వ్యాయామం చేస్తే దాదాపు 13.91 కేలరీలు తగ్గుతాయి. ఇలా రోజూ అరగంట పాటు క్రమం తప్పకుండా చేయడం వల్ల 278-280 కేలరీలు బర్న్‌ అవుతాయి. ఇది గంటపాటు కార్డియో చేయడం కంటే మెరుగైన ఫలితాలను ఇస్తుందని బాలక్‌ నోట్స్‌ వ్యవస్థాపకుడు, పోషకాహార నిపుణుడు బాలక్‌ మితా అంటున్నారు.
ప్రోటీన్‌-రిచ్‌ బ్రేక్‌ ఫాస్ట్‌: అల్పాహారంలో ఎక్కువ ప్రొటీన్లను జోడించడం వల్ల రోజంతా తాజాగా, శక్తివంతంగా ఉంటారు. ప్రోటీన్‌ అధికంగా ఉండే అల్పాహారం కోసం గుడ్లు, మొలకెత్తిన బీన్స్‌ ఎంచుకోండి.
సరైన నిద్ర: రాత్రి త్వరగా నిద్రపోవాలి. అలా చేయడం ద్వారా సాధారణం కంటే ఎక్కువసేపు నిద్రపోవచ్చు. శరీరం పునరుత్పత్తి, రీఛార్జ్‌ చేయడానికి మంచి నిద్ర సహాయపడుతుంది. తక్కువ నిద్రపోతే మన శరీరానికి ఇంధనంగా ఉండటానికి ఎక్కువ ఆహారాన్ని తీసుకోవల్సి వస్తుంది. ఇది శరీరంలో అదనపు కేలరీలను కలిగిస్తుంది. బరువు తగ్గడాన్ని అడ్డుకుంటుంది. కాబట్టి కనీసం ఎనిమిది గంటల నిద్ర తప్పనిసరి.
సూర్యకాంతిలో కొంత సమయం గడపండి: కనీసం రోజులో కొంత సమయం సూర్యకాంతి మనపై పడేలా చేయాలి. సూర్యకాంతితో బరువు తగ్గడం ఎలా అనేది ఒక ప్రశ్న కావచ్చు. సూర్యరశ్మి నేరుగా మన చర్మంపై పడినప్పుడు, చర్మం కింద ఉన్న కొవ్వును విచ్ఛిన్నం చేస్తుంది. బరువు తగ్గడానికి సహాయపడుతుంది. పైన పేర్కొన్న వాటిని అనుసరించడం ద్వారా మనం చాలా సులభంగా బరువు తగ్గవచ్చు.
