ఇటీవల కాలంలో చాలామంది విటమిన్ల లోపంతో బాధపడుతున్నారు. కొన్ని రకాల ఆహారాలను డైట్‌లో తీసుకోవడం ద్వారా విటమిన్ల లోపాన్ని అధిగమించవచ్చు అంటున్నారు నిపుణులు. ఏ విటమిన్ల కోసం ఏమి తినాలో ఇప్పుడు తెలుసుకుందాం.
విటమిన్‌ బి12: రక్త కణాలను ఆరోగ్యంగా ఉంచడంలో బి12 విటమిన్‌ సహాయపడుతుంది. వయసు పెరిగే కొద్ది.. ప్రోటీన్‌ను విచ్ఛిన్నం చేసి.. ఆహారం నుంచి విటమిన్‌ బి12 ను విడుదల చేయడానికి కడుపులో తక్కువ ఆమ్లం ఉంటుంది. ఈసందర్భంలో 50 ఏండ్ల పైబడిన వ్యక్తులు లేదా విటమిన్‌ బి12 తగినంత మొత్తంలో కంటే తక్కువగా ఉండే ప్రమాదం ఉన్నవారు సప్లిమెంట్‌ తీసుకోవాలా వద్దా అనే విషయంలో వైద్యులను సంప్రదించాలి. మాంసం, గుడ్లు, పాలు, చీజ్‌ లేదా నాన్‌ఫ్యాట్‌ ప్లెయిన్‌ గ్రీక్‌ పెరుగు వంటి పాల ఉత్పత్తులు, బలవర్థకమైన సోయా పాలు వంటి వాటిలో విటమిన్‌ బి12 ఉంటాయి.
ఫోలేట్‌, ఫోలిక్‌ యాసిడ్‌: ఫోలేట్‌ అనేది విటమిన్‌ బి9కు చెందిన అనేక రకాల రూపాలను వివరించడానికి ఉపయోగించే సాధారణ పదం. విటమిన్‌ బి9 ఎనిమిది బి విటమిన్లలో ఒకటి. ఎర్ర రక్త కణాల నిర్మాణం, ఆరోగ్యకరమైన కణాల పెరుగుదలలో ఈ విటమిన్‌ కీలకం. పుట్టుకతో వచ్చే లోపాలను నివారించడానికి, గర్భిణులు మొదటి మూడు వారాలలో ఫోలేట్‌ తీసుకోవడం చాలా ముఖ్యమని నిపుణులు సూచిస్తున్నారు. ఫోలిక్‌ యాసిడ్‌ అనేది ఫోలేట్‌ సింథటిక్‌ రూపం. దీనిని సప్లిమెంట్లలో, బలవర్థకమైన ఆహారాలలో ఉపయోగిస్తారు. ఆకు పచ్చని కూరగాయలు, సిట్రస్‌ పండ్లు, పుచ్చకాయలు, స్ట్రాబెర్రీలతో పాటు తక్కువ పంచదారతో చేసిన పండ్ల రసాలు, ఎండిన బీన్స్‌, కాయధాన్యాలు, బఠానీలు, చిక్కుళ్ళు మొదలైన వాటిలో విటబిన్‌ బి9 ఉంటుంది.
విటమిన్‌ డి: ఆరోగ్యకరమైన ఎముకలు, దంతాల కోసం అవసరమైన కాల్షియంను గ్రహించడానికి శరీరానికి తగినంత విటమిన్‌ డి అవసరం. విటమిన్‌ డి లోపం వల్ల కొన్ని రకాల క్యాన్సర్లు, గుండె సంబంధిత వ్యాధులు వచ్చే అవకాశం ఉంది. కానీ ఇతర విటమిన్ల మాదిరిగా కాకుండా.. విటమిన్‌ డి ప్రధాన మూలం ఆహారం కాదు. దీనిని పొందాలంటే ఉదయపు ఎండలో ఎక్కువ సేపు ఉండాలి. నారింజ రసం, పాలు, తృణధాన్యాలతో సహా మరికొన్ని సహజ వనరుల ద్వారా విటమిన్‌ డి తీసుకోవచ్చు. అయితే పరిమితికి మించి ఎక్కువ సేపు ఎండలో నలబడటం కూడా మంచిది కాదు. దానివల్ల లేనిపోని సమస్యలు వచ్చే అవకాశం ఉంది. మన శరీరం ఎంత వరకు సహకరిస్తే అంతవరకు ఎండలో ఉండాలి.
విటమిన్‌ బి6: మానవ శరీరంలో దాదాపు 200 జీవరసాయన ప్రతిచర్యలలో విటమిన్‌ బి6 భాగం. అయితే ఇది నిద్ర, ఆకలి, మానసిక స్థితిని నియంత్రిస్తుంది. రోగనిరోధక పనితీరులో కీలక పాత్ర పోషిస్తుంది. ఎర్ర రక్త కణాలను తయారు చేయడంలో ఈవిటమిన్‌ సహాయపడుతుంది. వృద్ధులు చాలామంది విటమిన్‌ బి6 లోపంతో బాధపడతారు. మాంసాలు, తృణధాన్యాలు, కూరగాయలు, గింజల్లో బి6 అధికంగా ఉంటుంది. అలాగే ఉడికించిన ఆలూ, అరటిపండ్లు, చికెన్‌ వంటి వాటిలో బి6 విటమిన్‌ ఉంటుంది.
విటమిన్‌ ఎ: దృష్టి, ఆరోగ్యకరమైన చర్మం, రోగనిరోధక శక్తి పెంచడంలో విటమిన్‌ ఎ చాలా ముఖ్యమైనది. ఆకుపచ్చ కూరగాయలు, పండ్లు వాటిలో ఈవిటమిన్‌ ఉంటుంది. క్యారెట్లు, మోరంగడ్డ, పాలకూర, బ్రోకలీ, గుడ్లు, పాలు, వెన్న, చీజ్‌ వంటి పదార్థాల్లో విటమిన్‌ ఇది ఉంటుంది.