శరీర భాగాలలో కండ్లు ముఖ్యమైనవి. వీటిని ఎంతో జాగ్రత్తగా కాపాడుకోవాలి. కంటి సమస్యలు వస్తే మొదటికే మోసమొస్తుంది. ఇప్పుడున్న డిజిటల్‌ ప్రపంచంలో ఫోన్ల వాడకం, ల్యాప్‌టాప్‌, డెస్క్‌లాప్‌ల ముందు గంటల తరబడి కూర్చోవడంతో కంటి సమస్యలు ఎక్కువ తలెత్తుతున్నాయి. ఈ రోజుల్లో చిన్నారుల నుంచి పెద్దల వరకు ప్రతి ఒక్కరికి కండ్ల అద్దాలు వస్తున్నాయి. కాబట్టి చాలా జాగ్రత్తగా ఉండాలి.. ముఖ్యంగా కండ్ల ఆరోగ్యానికి ఈ గాడ్జెట్లు చాలా ప్రమాదకరమని రుజువవుతోంది. వాటి స్క్రీన్‌ లైట్‌ మన కండ్లకు హాని కలిగిస్తుంది. దీని వల్ల అన్ని రకాల సమస్యలు వస్తాయి. ఇలాంటి చెడు జీవనశైలి కారణంగా మన కండ్లు బలహీనంగా మారి కండ్ల మంట, దురద వంటి సమస్యలు మొదలై కంటిచూపు మందగించే అవకాశాలు కూడా ఎక్కువయ్యాయి. మరి కంటి చూపు మెరుగు పడాలంటే...
ఉసిరి కండ్లకు ఇవి ఎంతో ప్రయోజనం కలిగిస్తాయి. ఉసిరిలో విటమిన్‌ సి పుష్కలంగా లభిస్తుంది. దీంతో కంటిచూపు పెరుగుతుంది. జామకాయ పొడి, మర్మాలాడ్‌, ఊరగాయ, ఉసిరి మిఠాయి వంటి జామకాయతో చేసిన పదార్థాలు కండ్లకు చాలా ఉపయోగకరంగా ఉంటాయి. ఉసిరికాయను రోజూ తీసుకోవడం ఎంతో మంచిది.
కంటి చూపు మెరుగుపడాలంటే ఆకుకూరలు ఎక్కువగా తినాలి. పచ్చి కూరగాయలు కంటికి చాలా మేలు చేస్తాయి. వీటిలో విటమిన్‌ ఎ (కెరోటిన్‌), విటమిన్‌ ''సి'', విటమిన్‌ ''బి'' పుష్కలంగా లభిస్తాయి. పచ్చి కూరగాయల్లో ఉండే యాంటీ ఆక్సిడెంట్లు, ఐరన్‌, లుటిన్‌ వంటి అంశాలు కంటి చూపును పెంచుతాయి.
అవకాడోలో విటమిన్‌-ఇ పుష్కలంగా ఉంటుంది. దీన్ని తీసుకోవడం వల్ల కంటి రెటీనా బలపడుతుంది. మీ కండ్లు వృద్ధాప్యం వరకు ఆరోగ్యంగా ఉంటాయి.
క్యారెట్‌లో బీటా కెరోటిన్‌ ఉంటుంది. ఇది కంటి చూపును పెంచుతుంది. క్యారెట్‌లో ఉండే విటమిన్‌ ఏ కండ్లకు చాలా మేలు చేస్తుంది.
విటమిన్‌ సి, సిట్రిక్‌ యాసిడ్‌ నారింజ, నిమ్మ, ద్రాక్షపండు, జామపండులో పుష్కలంగా లభిస్తాయి. విటమిన్‌ సి కండ్లకు మేలు చేస్తుంది.
బాదం, వాల్‌ నట్స్‌ వంటి డ్రైఫ్రూట్స్‌ కంటి చూపును మెరుగుపరుస్తాయి. డ్రైఫ్రూట్స్‌ రోజూ తీసుకోవాలి. దీంతో కండ్లు ఆరోగ్యంగా ఉంటాయి.
