Authorization
Mon Jan 19, 2015 06:51 pm
సాధారణంగా చాలా మంది యువతీయువకుల్లో బాల్యంలోనే జుట్టు నెరసిపోతుంది. ఇది ఎక్కువగా అమ్మాయిల్లో కనిపిస్తుంది. ఈ సమస్య మరీ ఇబ్బందిగా ఉంటుంది. అలాంటి వారికి కరివేపాకు ఓ టానిక్లా పనిచేస్తుంది. కరివేపాకును ఎక్కువగా ఉపయోగించేవారికి జుట్టు అంత త్వరగా తెల్లబడదు. శిరోజాల మూలాలకి బలం చేకూర్చే గుణంతోపాటు జుట్టుకు మంచి రంగును ఇచ్చే గుణం కరివేపాకులో ఉంటుంది.
జుట్టు తెల్లబడకుండా ఉండాలంటే ఒక కప్పు కొబ్బరి నూనెను తీసుకుని అందులో 20 కరివేపాకు ఆకులను వేసి కొద్దిసేపు వేడిచేయాలి. కరివేపాకులు నల్లగా మారిన తరువాత వేడిచేయడం ఆపివేసి దించేయాలి. ఇలావచ్చిన నూనెను వారంలో రెండు మూడు సార్లు మాడుకు మర్దన చేసుకుంటే శిరోజాలు బాగా పెరగడంతో పాటు తెల్లబడటం కూడా తగ్గుతుంది. పైగా వెంట్రుకలు కూడా చక్కని రంగులో నిగనిగా మెరిసిపోయేందుకు కరివేపాకు చాలా సహాయపడుతుంది. ు