Authorization
Mon Jan 19, 2015 06:51 pm
ఉదయం లేచింది మొదలు ఉరుకులు, పరుగులు. ఆ పరుగుల్లో 'బ్రేక్ఫాస్ట్'ని స్కిప్ చేయటం సర్వసాధారణం. ఇలా బ్రేక్ఫాస్ట్ని మిస్ చేస్తే ఆరోగ్యం దెబ్బతినటం ఖాయం అంటున్నారు నిపుణులు. దాదాపు ఎనిమిది గంటల పాటు సుదీర్ఘమైన నిద్రలో గడిపేస్తాం. అంటే దాదాపు ఎనిమిది గంటలు ఖాళీ కడుపుతో ఉంటాం మనం. ఉదయం లేవగానే శరీరం శక్తికోసం తహతహలాడుతూ వుంటుంది. ఆ సమయంలో మనం బలవర్ధకమైన ఆహారం తీసుకోవటం తప్పనిసరి అంటున్నారు నిపుణులు.
అలాగే ఉదయాన్నే మన ఒంట్లోని ఫ్యాట్ వేగంగా కరుగుతుందని గుర్తించారు పరిశోధకులు. సరిగ్గా ఆ సమయానికే మనం బ్రేక్ఫాస్ట్ చేస్తే, జీవక్రియ వేగంగా జరిగి కొవ్వూ, క్యాలరీలు చకచకా కరిగిపోతాయట. అందుకే బ్రేక్ఫాస్ట్ని మిస్ చేస్తే ఊబకాయం, రక్తహీనత వంటి ఇబ్బందులు వచ్చే అవకాశం ఉంది అంటున్నారు నిపుణులు. బ్రేక్ఫాస్ట్ చేయమన్నారు కదా అని, ఏ పదింటికో తినటం కాదు నిద్రలేచిన గంటా, గంటన్నరలోపు తినాలట. అప్పుడే రోజంతా చలాకీగా మన పనులు మనం చేసుకోగలం.