Authorization
Mon Jan 19, 2015 06:51 pm
నీ జ్ఞాపకాలను చప్పరిస్తూ ఉంటూనే
ప్రేమ మకరందాన్ని ఆస్వాదిస్తూ ఉంటాను
ప్రేమంటే తీపి జ్ఞాపకాల ఊటచెలెమె
నా మనోసరస్సులో ఉత్తుంగతరంగలా
నిత్యం ఎగిసెగిసిపడుతుంటావు నువ్వు
ప్రేమంటే సాగర కెరటాల నిత్యహోరు
నా హృదయకోవెలలో దేవతామూర్తిలా
నిన్ను నిత్యం అభిషేకిస్తూనే ఉంటాను
ప్రేమంటే ఆరాధానుభూతుల మౌనాభిషేకం
నా ప్రణయసీమలో ప్రేమైకమూర్తిలా
నిన్ను ప్రతిక్షణం ఆరాధిస్తూనే ఉంటాను
ప్రేమంటే ఎదురుచూపుల విరహగీతం
నీతో గడిపిన ప్రతి మధురక్షణం
నాకు ఆనందాల హరివిల్లే అవుతుంది
ప్రేమంటే ఎదను మీటే మధురరాగం
- డాక్టర్ భీంపల్లి శ్రీకాంత్
9032844017