Authorization
Mon Jan 19, 2015 06:51 pm
గడ్డం పెంచుకోవడం ఈమధ్య ట్రెండ్గా మారింది. స్టయిలిష్ లుక్ కోసం కావచ్చు... లేదంటే తమకు నచ్చిన హీరో లుక్ను ఫాలో కావడం కోసం కావచ్చు... లేదంటే మరేదైనా కారణం కావచ్చు. ఇటీవల గుబురు గడ్డంతో కనిపిస్తున్న అబ్బాయిల సంఖ్య ఎక్కువైపోయింది.
స్మార్ట్గా ట్రిమ్ చేసి.. మంచి లుక్తో అమ్మాయిలను తమవైపు తిప్పుకోవాలని చాలా మంది అబ్బాయిలు ఉబలాటపడుతుంటారు. క్లీన్ షేవ్ చేసుకున్న వాళ్లతో పోలిస్తే... గడ్డం పెంచుకున్న మగాళ్లే ఆకర్షణీయంగా ఉంటారని కొందరు చెబుతారు. కానీ సరిగా క్లీన్ చేసుకోకపోతే.. గుబురు గడ్డం సూక్ష్మజీవులకు ఆవాసంగా మారిపోతుందట. అక్కడక్కడా తిరుగుతూ నేల మీద బొర్లాడే కుక్క పిల్ల బొచ్చులో కంటే ఎక్కువగా సూక్ష్మజీవులు గడ్డంలో ఉండేందుకు అవకాశం ఉందట. అందుకే గడ్డాన్ని పరిశుభ్రంగా ఉంచుకోవాలని పరిశోధకులు సూచిస్తున్నారు.
వారానికి రెండు సార్లు
తల వెంట్రుకలను ఎలాగైతే శుభ్రం చేసుకుంటామో... గడ్డాన్ని కూడా అలాగే క్లీన్ చేసుకోవాలి. షాంపూతోనూ గడ్డాన్ని శుభ్రం చేసుకోవచ్చు. కావాలనుకుంటే గడ్డం కోసం ప్రత్యేకంగా తయారు చేసిన ఉత్పత్తులను వాడొచ్చు. వారానికి రెండుసార్లు గడ్డాన్ని శుభ్రంగా కడిగేసి కండీషనింగ్ చేసుకుంటే మంచిది. రోజూ కడిగినా పొడిగా మారే అవకాశం ఉంది.
ఆకర్షణీయంగా ఉంటుంది
కొన్నిసార్లు గడ్డం కిందున్న చర్మం పొడిబారే అవకాశాలు ఎక్కువ. దీనికి బియర్డ్ డాండ్రఫ్ కారణం కావచ్చు. ఈ సమస్య నుంచి బయట పడటానికి మెల్లగా స్క్రబ్ చేస్తే సరిపోతుంది. వారానికి రెండు లేదా మూడుసార్లు ఇలా చేయడం వల్ల ఈ స్కిన్ సమస్య తగ్గుతుంది. గడ్డాన్ని ప్రత్యేకమైన బియర్డ్ ఆయిల్ లేదా బామ్ను రాయడం వల్ల గడ్డం బలంగా మారుతుంది. మాయిశ్చరైజింగ్ చేయడం వల్ల గడ్డం ఆకర్షణీయంగా ఉండేలా చేయొచ్చు.