- సింగిల్‌ విండో చైర్మెన్‌ బాలనర్సయ్య
నవతెలంగాణ-బొమ్మలరామారం
రైతులు ఎలాంటి ఆందోళన చెందొద్దని, ప్రతి గింజనూ కొనుగోలు చేస్తామని సింగిల్‌ విండో చైర్మెన్‌ గుదే బాల్‌ నరసయ్య అన్నారు. మండలంలోని చీకటిమామిడి గ్రామంలో శుక్రవారం వడ్ల కొనుగోలు కేంద్రాలను ప్రారంభించారు. ఈ సందర్భంగా మాట్లాడుతూ.. రైతులు అకాల వర్షం వల్ల ఎలాంటి భయాందోళనకు గురికావద్దని, ప్రభుత్వం రైతులను అన్ని విధాలుగా ఆదుకుంటుందన్నారు. పండించిన ధాన్యం నేరుగా కొనుగోలు కేంద్రానికి తీసుకురావాలన్నారు.ఈ కార్యక్రమంలో సర్పంచ్‌ తిరుమల కవిత వెంకటేష్‌ గౌడ్‌, డైరెక్టర్‌ శ్రీకాంత్‌ రెడ్డి, నాయకులు తుమ్మల నరసింహ, తుమ్మల కుమార్‌, అమూల్‌ రెడ్డి, సందీప్‌ రెడ్డి, వరిగంటి నరసింహ, నాయకులు పాల్గొన్నారు.