తెలంగాణ భాషా సాంస్కృతిక శాఖ, హైదరాబాద్‌ పాతనగర కవుల వేదిక, కృష్ణవేణి టాలెంట్‌ స్కూల్‌ సంయుక్త ఆధ్వర్యంలో కె.హరనాథ్‌ ''ఊహలకే ఊపిరొస్తే'' కవితా సంపుటిని ఈ నెల 31న శుక్రవారం 10.30 గం.ని.లకు రవీంద్రభారతి సమావేశమందిరం మొదటి అంతస్తులో నిర్వహించనున్నారు. ముఖ్య అతిథిగా టిఆర్‌ఎస్‌ ఎమ్మెల్సీ సురభివీదేవి హాజరై పుస్తకావిష్కరణ చేయనున్నారు. విశిష్ట అతిథిలుగా రాజధాని బ్యాంక్‌ చైర్మన్‌ వేమిరెడ్డి నరసింహారెడ్డి, తెలంగాణ సాహిత్య అకాడమి చైర్మన్‌ జూలూరి గౌరీశంకర్‌, నేషనల్‌ కన్జ్యుమర్‌ రైట్స్‌ కమిటీ తెలంగాణ స్టేట్‌ వైస్‌ ఛైర్మన్‌ డా|| కారుకాల అనితారెడ్డి, ఆత్మీయ అతిథులుగా మామిడి హరికృష్ణ, పులిపాక సత్యమూర్తి, సుధామ తదితరులు హాజరు కానున్నారు. ఈ కార్యక్రమంలో కవి సమ్మేళనం నిర్వహించనున్నట్లు నిర్వాహకులు పేర్కొన్నారు.