- జాతీయ సీనియర్‌ సైక్లింగ్‌ చాంపియన్‌షిప్స్‌
నవతెలంగాణ, హైదరాబాద్‌ : జాతీయ సీనియర్‌ సైక్లింగ్‌ చాంపియన్‌షిప్స్‌ 2021 ఓవురాల్‌ చాంపియన్‌గా అండమాన్‌ నికోబార్‌ నిలిచింది. 72వ జాతీయ చాంపియన్‌షిప్స్‌లో 9 స్వర్ణాలు, నాలుగు రజతాలు, మూడు కాంస్య పతకాలు సాధించిన అండమాన్‌ నికోబార్‌ ఓవరాల్‌ చాంపియన్‌షిప్‌ సొంతం చేసుకుంది. ఆరు స్వర్ణాలు, ఎనిమిది రజతాలు, ఐదు కాంస్యాలతో మహారాష్ట్ర రన్నరప్‌గా నిలిచింది. మెల్‌ ఎలైట్‌ విభాగంలో ఎస్‌ఎస్‌సీబీ, ఉమెన్‌ ఎలైట్‌ విభాగంలో ఆర్‌ఎస్‌పీబీ, జూనియర్‌ (బార్సు, గర్ల్స్‌) విభాగంలో రాజస్థాన్‌, సబ్‌ జూనియర్‌ (బార్సు, గర్ల్స్‌) విభాగంలో మహారాష్ట్ర చాంపియన్లుగా నిలిచాయి. అండమాన్‌ నికోబార్‌ సైక్లిస్ట్‌ ఎస్కో (రెండు స్వర్ణాలు, ఓ రజతం), త్రియాష పాల్‌ ( రెండు స్వర్ణాలు, ఓ కాంస్యం) ఉత్తమ స్పోర్ట్స్‌పర్సన్‌ అవార్డులు దక్కించుకున్నారు. ప్రిన్సిపల్‌ సెక్రటరీ జయేశ్‌ రంజన్‌, శాట్స్‌ చైర్మన్‌ అల్లీపురం వెంకటేశ్వర్‌ రెడ్డిలు విజేతలకు మెడల్స్‌ అందజేశారు. ముగింపు కార్యక్రమంలో జాతీయ సైక్లింగ్‌ ఫెడరేషన్‌, తెలంగాణ సైక్లింగ్‌ ఫెడరేషన్‌ ప్రతినిధులు తదితరులు పాల్గొన్నారు.