హైదరాబాద్ : జగన్‌మోహన్‌ రావు కృషి ఫలించింది. హెచ్‌ఎఫ్‌ఐ అధ్యక్షుడిగా ఎన్నికైన ఆరు నెలల్లోనే జగన్‌మోహన్‌ రావు తన మార్క్‌ చూపిస్తున్నాడు. భారత్‌లో హ్యాండ్‌బాల్‌కు మరింత ఆదరణ దక్కేందుకు.. రానున్న ఖేలో ఇండియా-2021 క్రీడల్లో హ్యాండ్‌బాల్‌ను భాగం చేశారు. ఈ మేరకు కేంద్ర క్రీడా మంత్రిత్వ శాఖ ఉత్తర్వులు జారీ చేసింది. ఖేలో ఇండియా గేమ్స్‌లో హ్యాండ్‌బాల్‌కు చోటు కల్పించినందుకు క్రీడాశాఖ మంత్రి రిజుజు, భారత ఒలింపిక్‌ సంఘానికి జాతీయ హ్యాండ్‌బాల్‌ ఫెడరేషన్‌ అధ్యక్షుడు జగన్‌మోహన్‌ రావు కృతజ్ఞతలు తెలిపారు.
మీ స్నేహితులకు రికమెండ్ చెయ్యండి
