చెన్నై: ఐపీఎల్‌ 2021 తొలి మ్యాచ్‌లోనే అభిమానులను ఉర్రూతలూగించే సమరం. భారత జట్టు వైట్‌బాల్‌ ఫార్మాట్‌ సారథులు విరాట్‌ కోహ్లి, రోహిత్‌ శర్మలు ఐపీఎల్‌ 14 సీజన్‌ ఆరంభ మ్యాచ్‌లో తలపడనున్నారు. ఒక్క టైటిల్‌ నెగ్గని విరాట్‌ కోహ్లితో ఐదు టైటిళ్ల నాయకుడు రోహిత్‌ శర్మ ఢీ కొట్టనున్నాడు. ఆల్‌రౌండర్‌ గ్లెన్‌ మాక్స్‌వెల్‌, కివీస్‌ వికెట్‌ కీపర్‌ బ్యాట్స్‌మన్‌ అలెన్‌ ఫిన్‌ రాకతో సమీకరణాలు మారుతాయని బెంగళూర్‌ ఆశిస్తోంది. గత సీజన్‌ తరహాలోనే ముంబయి ఇండియన్స్‌ ఇప్పుడూ అజేయంగానే కనిపిస్తోంది. ముంబయి తుది జట్టులో నిలిచే 11 మంది క్రికెటర్లు సూపర్‌ ఫామ్‌లోనే ఉన్నారు. గత సీజన్‌ను చెన్నై చేతిలో ఓటమితో ఆరంభించిన ముంబయి.. మరి ఈ సారి టైటిల్‌ వేటను ఎలా మొదలుపెడతుందో చూడాలి. బెంగళూర్‌, ముంబయి మ్యాచ్‌ రాత్రి 7.30 నుంచి స్టార్‌స్పోర్ట్స్‌, హాట్‌స్టార్‌ నెట్‌వర్క్‌లో ప్రసారం కానుంది.
