- ముంబయి ఇండియన్స్‌ 150/5
చెన్నై: ఇండియన్‌ ప్రిమియర్‌లీగ్‌(ఐపిఎల్‌) తొలిసారి సన్‌ రైజర్స్‌ బౌలర్లు చెలరేగారు. ముంబయి ఇండియన్స్‌తో శనివారం జరిగిన మ్యాచ్‌లో విజయ్ శంకర్‌, ముజీబ్‌కి తోడు ఖలీల్‌, రషీద్‌ ఖాన్‌లు పొదుపుగా బౌలింగ్‌ చేయడంతో ప్రత్యర్ధి జట్టు 20 ఓవర్లలో 5 వికెట్లు కోల్పోయి 150 పరుగులు చేసింది. పవర్‌ ప్లేలో ముంబయి ఓపెనర్లు రోహిత్‌ శర్మ(32; 25 బంతుల్లో 2ఫోర్లు, 2సిక్సర్లు), క్వింటన్‌ డికాక్‌(40; 39బంతుల్లో 5ఫోర్లు) ధాటిగా ఆడి స్కోరు బోర్డును పరుగులు పెట్టించారు. దీంతో 6ఓవర్లలోనే ముంబయి వికెట్లేమీ నష్టపోకుండా 53 పరుగులు చేసింది. ఆ దశలో సన్‌ రైజర్స్‌ ఆల్‌రౌండర్‌ విజరు శంకర్‌.. రోహిత్‌ శర్మను అవుట్‌ చేసి ముంబయి వేగానికి బ్రేకులు వేశాడు. ఈ క్రమంలో ముంబయి 9 ఓవర్లలో 2 వికెట్ల నష్టానికి 72 పరుగులు చేసి భారీస్కోర్‌ సాధించేలా కనిపించింది. ఆ తర్వాత సూర్యకుమార్‌ కూడా ఔట్‌ కావడంతో సన్‌ రైజర్స్‌ బౌలర్లు ఒక్కసారిగా రెచ్చిపోయారు. ఈ క్రమంలో ముంబయి బ్యాట్స్‌మన్‌ పరుగులు చేయడానికి ఇబ్బందిపడ్డారు. ఇషాన్‌ కిషన్‌(12), హార్దిక్‌ పాండ్యా(7) వెంటవెటనే అవుట్‌ కావడంతో ముంబయి కష్టాల్లో పడింది. చివర్లో కీరన్‌ పొలార్డ్‌(35; 22 బంతుల్లో.. 1ఫోర్‌, 3సిక్స్‌లు) కొద్దిగా బ్యాట్‌ ఝుళిపించడంతో ఆ జట్టు 20 ఓవర్లలో 150 పరుగులు చేసింది. ముజీబ్‌, విజరు శంకర్‌కు రెండేసి, ఖలీల్‌ అహ్మద్‌కు ఓ వికెట్‌ దక్కాయి.
జేసన్‌ రాయ్ క్వారంటైన్‌ పూర్తి.. ప్రాక్టీస్‌ షురూ!
ఇంగ్లండ్‌ విధ్వంస ఆటగాడు, సన్‌ రైజర్స్‌కు చెందిన జేసన్‌ రాయ్ శనివారం ప్రాక్టీస్‌ను మొదలుపెట్టాడు. వ్యక్తిగత కారణాలతో ఆస్ట్రేలియా ఆల్‌రౌండర్‌ మిఛెల్‌ మార్ష్‌ ఈ సీజన్‌ ఐపిఎల్‌కు దూరం కావడంతో కనీస బేస్‌ ధర రూ.2 కోట్లకు రాయ్ ను సన్‌రైజర్స్‌ దక్కించుకుంది. చెపాక్‌లో ముంబయి ఇండియన్స్‌తో మ్యాచ్‌కు రాయ్ క్వారంటైన్‌ పూర్తి కావడంతో ప్రాక్టీస్‌ మొదలు పెట్టాడు. కానీ తుదిజట్టులో చోటు దక్కించుకోలేకపోవడం గమనార్హం.
స్కోర్‌బోర్డు..
ముంబయి ఇండియన్స్‌: డికాక్‌ (సి సబ్‌) సుచిత్‌ (బి)ముజీబ్‌ 40, రోహిత్‌ (సి)విరాట్‌ సింగ్‌ (బి)విజయ్ శంకర్‌ 32, సూర్యకుమార్‌ (సి అండ్‌ బి) విజయ్ శంకర్‌ 10, ఇషన్‌ కిషన్‌ (సి)బెయిర్‌స్టో (బి)ముజీబ్‌ 12, పొలార్డ్‌ (నాటౌట్‌) 35, హార్దిక్‌ (సి)విరాట్‌ సింగ్‌ (బి)ఖలీల్‌ 7, కృనాల్‌ (నాటౌట్‌) 3, అదనం 11. (20 ఓవర్లలో 5 వికెట్ల నష్టానికి) 150 పరుగులు.
వికెట్ల పతనం: 1/55, 2/71, 3/98, 4/114, 5/131
బౌలింగ్‌: భువనేశ్వర్‌ 4-0-45-0, ఖలీల్‌ అహ్మద్‌ 4-0-24-1, ముజీబ్‌ 4-0-29-2, అభిషేక్‌ శర్మ 1-0-5-0, విజరు శంకర్‌ 3-0-19-2, రషీద్‌ 4-0-22-0.