బాకు: అజర్‌బైజాన్‌లోని బాకులో జరగాల్సిన ప్రపంచ కప్‌ షూటింగ్‌ పోటీలు రద్దయ్యాయి. టోక్యో ఒలింపిక్స్‌కు అర్హత సాధించిన షూటర్లకు సన్నాహకంగా భావించిన ఈ టోర్నీ జూన్‌ 21 నుంచి జులై 2వరకు జరగాల్సింది. 'వైరస్‌ కేసులు పెరుగుతుండడంతో బాకులో ప్రపంచకప్‌ షూటింగ్‌ టోర్నీని నిర్వహించడం సురక్షితం కాదు' అని ప్రభుత్వం భావిస్తున్నట్లు అంతర్జాతీయ షూటింగ్‌ సమాఖ్య(ఐఎస్‌ఎస్‌ఎఫ్‌)కు అజర్‌బైజాన్‌ షూటింగ్‌ సమాఖ్య(ఏఎస్‌ఎఫ్‌) విజ్ఞప్తి చేయగా.. ఐఎస్‌ఎస్‌ఎఫ్‌ ప్రపంచకప్‌ షూటింగ్‌ పోటీలను రద్దు చేస్తున్నట్లు మంగళవారం ప్రకటించింది.
మీ స్నేహితులకు రికమెండ్ చెయ్యండి
