దుబారు: ఆస్ట్రేలియా వేదికగా 2022 టి20 ప్రపంచకప్‌ క్వాలిఫయింగ్‌ టోర్నమెంట్లు రద్దు అయ్యాయి. అంతర్జాతీయ క్రికెట్‌ మండలి(ఐసిసి) శుక్రవారం ఓ ప్రకటనలో కరోనా మహమ్మారి కారణంగా మూడు పురుషుల టి20 వరల్డ్‌ కప్‌ సబ్‌-రీజినల్‌ క్వాలిఫయర్‌ టోర్నీలను రద్దు చేస్తున్నట్లు ప్రకటించింది. క్వాలిఫయింగ్‌ టోర్నీలకు ఫిన్లాండ్‌, బెల్జియం ఆతిథ్యమివ్వాల్సి ఉంది. అన్ని అంశాలను పరిగణనలోకి తీసుకుని మూడు అర్హత టోర్నమెంట్‌లను రద్దు చేస్తున్నట్లు ఐసిసి తెలిపింది. అలాగే అమెరికా, ఆసియా క్వాలిఫయింగ్‌ టోర్నీలు కూడా వాయిదాపడ్డాయి. 2022లో ఆస్ట్రేలియా వేదికగా జరిగే టి20 ప్రపం చకప్‌లో పాల్గొనే చివరి రెండు జట్లను ఈ టోర్నీ ద్వారా ఎంపికచేయాల్సి ఉంది.