ొవెబ్‌సైట్‌ద్వారా విరాళాల సేకరణకు పిలుపు
ముంబయి: టీమిండియా కెప్టెన్‌ విరాట్‌ కోహ్లి-అనుష్క జోడి వెబ్‌సైట్‌ ద్వారా విరాళాల సేకరణకు పిలుపిచ్చారు. దీనికి తమవంతు విరాళంగా రూ.2కోట్లు ఇచ్చి ఈ కార్యక్రమాన్ని ప్రారంభిస్తున్నట్లు విరుష్కజంట శుక్రవారం తెలిపింది. మొత్తం రూ.7కోట్లు సమీకరించాలని విరుష్క జంట లక్ష్యంగా పెట్టుకుంది. 'కరోనా రెండో దశ విజృంభణతో వైద్యారోగ్య వ్యవస్థ పెను సవాళ్లను ఎదుర్కొంటోంది. కోహ్లీ, నేను కలిసి విరాళాల సేకరణ చేపడుతున్నాం. మనమందరం కలిసి ఈ సంక్షోభాన్ని అధిగమించాలి. దేశానికి, భారతీయులకు మద్దతు ఇవ్వడానికి ముందడుగు వేయండి. మీరు అందించే సహకారం ఈ క్లిష్ట సమయంలో ప్రజల ప్రాణాలను రక్షించడంలో సహాయపడుతుంది' అని అనుష్క ట్వీట్‌లో పేర్కొన్నారు.