పాకిస్తాన్‌ 268/4
జింబాబ్వేతో రెండోటెస్ట్‌
హరారే: ఓపెనర్‌ అబిద్‌ అలీ, అజర్‌ లీ సెంచరీలతో కదం తొక్కడో జింబాబ్వేతో ప్రారంభమైన రెండోటెస్ట్‌లో పాకిస్తాన్‌ పట్టు బిగిస్తోంది. టాస్‌ గెలిచి బ్యాటింగ్‌కు దిగిన పాకిస్తాన్‌ జట్టుకు శుభారంభం దక్కలేదు. ఓపెనర్‌ ఇమ్రాన్‌ భట్‌(2) నిరాశపరిచాడు. దీంతో పాక్‌ 12 పరుగులకే తొలి వికెట్‌ కోల్పోయింది. ఆ తర్వాత అబిద్‌(118నాటౌట్‌), అజర్‌(126) కలిసి రెండోవికెట్‌కు 236 పరుగులు జతచేశారు. అజర్‌ సెంచరీ అనంతరం ఔట్‌ కాగా.. ఆ తర్వాత కెప్టెన్‌ బాబర్‌(2), ఫవద్‌ అలామ్‌(5) నిరాశపరిచారు. తొలిరోజు ఆట ముగిసే సమయానికి అబిద్‌తోపాటు సజిద్‌ ఖాన్‌(1) క్రీజ్‌లో ఉన్నాడు. ముజరబ్బానికి మూడు వికెట్లు దక్కాయి. రెండు టెస్ట్‌ల సిరీస్‌లో పాకిస్తాన్‌ 1-0 ఆధిక్యతలో ఉంది.