ముంబయి: టీమిండియా టెస్ట్‌ వైస్‌ కెప్టెన్‌ అజింక్యా రహానే కరోనా వైరస్‌ తొలిడోస్‌ను వేయించుకున్నాడు. సతీమణి రాధికతో కలిసి ముంబయిలోని వ్యాక్సిన్‌ కేంద్రంలో శనివారం వేయించుకున్నాడు. 'నేను, నా భార్య రాధిక ధోపవ్కర్‌ వ్యాక్సిన్‌ తొలి డోసు తీసుకున్నాం. మేము కేవలం మా కోసమే కాకుండా, మా చుట్టు ఉన్నవారి కోసం టీకా వేయించుకున్నాం. అర్హులైన ప్రతిఒక్కరు రిజిస్ట్రేషన్‌ చేసుకుని వ్యాక్సిన్‌ తీసుకోవాలని కోరుతున్నాను' అని ఇన్‌స్టాగ్రాంలో రహానే పోస్టు చేశాడు.
ప్రసిధ్‌ కృష్ణకు కరోనా
కోల్‌కతా నైట్‌రైడర్స్‌ పేసర్‌, ఇంగ్లండ్‌ టూర్‌ స్టాండ్‌బై ఆటగాడు ప్రసిధ్‌ కృష్ణ కరోనాబారిన పడ్డాడు. తాజాగా జరిపిన కరోనా పరీక్షల్లో ప్రసిద్ధ్‌కు కరోనా పాజిటివ్‌ అని నిర్ధారణ అయింది. ప్రసిద్ధ్‌ బెంగళూరులోని హోం క్వారంటైన్‌లో ఉన్నట్టు బిసిసిఐ శనివారం వెల్లడించింది. కోల్‌కతా నైట్‌రైడర్స్‌ జట్టులో వరుణ్‌ చక్రవర్తి, సందీప్‌ వారియర్‌, టిమ్‌ సీఫెర్ట్‌ కరోనాబారిన పడగా.. తాజాగా ప్రసిధ్‌ కరోనా బారిన పడడంతో ఆ ఫ్రాంచైజీలో కోవిడ్‌ బారిన పడినవారి సంఖ్య నాలుగు చేరింది.
