- జింబాబ్వేతో రెండోటెస్ట్‌
హరారే: రెండోటెస్ట్‌లోనూ పాకిస్తాన్‌ గెలుపుకు చేరువలో నిలిచింది. రెండు టెస్ట్‌లో తొలి ఇన్నింగ్స్‌లో పాకిస్తాన్‌ 510/8డిక్లేర్డ్‌ చేయగా.. జింబాబ్వే తొలి ఇన్నింగ్స్‌ కేవలం132లకే పరిమితమై.. ఫాలోఆన్‌ ఆడుతూ రెండో ఇన్నింగ్స్‌లోనూ మూడోరోజు ఆట ముగిసే సమయానికి 9 వికెట్లు కోల్పోయి 220 పరుగులు చేసింది. దీంతో ఇన్నింగ్స్‌ ఓటమినుంచి తప్పించుకోవాలంటే జింబాబ్వే ఇంకా 158 పరుగులు చేయాల్సి ఉంది. ఓవర్‌నైట్‌ స్కోర్‌ 4 వికెట్ల నష్టానికి 52 పరుగులతో ఆదివారం ఆటను కొనసాగించిన జింబాబ్వే.. హసన్‌ అలీ(5/27), సాజిద్‌(2/39) దెబ్బకు 132 పరుగులకే కుప్పకూలింది. అనంతరం రెండో ఇన్నింగ్స్‌లో నౌమన్‌ అలీ (5/86), అఫ్రిది(4/45) దెబ్బకు 220 పరుగులకే 9 వికెట్లు కోల్పోయింది. వికెట్‌ కీపర్‌ ఛకబ్వా(80) పరుగులు చేయగా.. రెండు టెస్ట్‌ మ్యాచ్‌ల సిరీస్‌లో పాక్‌ 1-0 ఆధిక్యతలో ఉంది.