ముంబయి: భారత మహిళల క్రికెట్‌జట్టు హెడ్‌కోచ్‌ పదవికి బుధవారం జరిగిన ఇంటర్వ్యూలకు నలుగురు హాజరయ్యారు. ఈ పదవికి దరఖాస్తు చేసుకున్న అభ్యర్థుల్లో 8మందితో బిసిసిఐ అడ్వైజరీ కమిటీ షార్ట్‌ లిస్ట్‌ను తయారు చేసింది. బుధ, గురువారం జరిగే ఇంటర్వ్యూలో భాగంగా తొలిరోజు జరిగిన ఇంటర్వ్యూలకు ప్రస్తుత కోచ్‌ డబ్ల్యువి రామన్‌తోపాటు రమేష్‌ పొవార్‌, హ్రిషికేశ్‌ కనిత్కర్‌, అజరు రత్న హాజరయ్యారు. ఇక సుమన్‌ శర్మ, మమత మబెన్‌, హేమలత కల, దేవకలు గురువారం జరిగే ఇంటర్వ్యూలకు హాజరుకానున్నారు. సులక్షన నాయక్‌, ఆర్‌పి సింగ్‌లతో కూడిన అడ్వైజరీ కమిటీకి మదన్‌లాల్‌ సారథ్యం వహిస్తున్నారు. ఆర్‌పి సింగ్‌ తండ్రి మృతి కారణంగా ఇంటర్వ్యూల్లో పాల్గొనలేదు.
మీ స్నేహితులకు రికమెండ్ చెయ్యండి
