సిడ్నీ: భారత్‌తో టెస్ట్‌ సిరీస్‌ ఓటమిపై ఆస్ట్రేలియా టెస్ట్‌ కెప్టెన్‌ టిమ్‌ పైన్‌ వక్రభాష్యం చెప్పుకొచ్చాడు. తమ ఏకాగ్రతను చెడగొట్టి భారతజట్టు టెస్ట్‌ సిరీస్‌ను గెలిచిందంటూ తాజాగా మీడియాకు ఇచ్చిన ఇంటర్వ్యూలో పేర్కొన్నాడు. టీమిండియా మమ్మల్ని పక్కదారి పట్టించింది. ఏ మాత్రం ప్రాధాన్యం లేని సమాచారంతో ఏకాగ్రతను చెడగొట్టింది. సిరీస్‌లో అలాంటి వాటికే మేం పడిపోయాం. ఆ సిరీస్‌లో టెస్ట్‌ మ్యాచ్‌ ఆడేందుకు గబ్బాకు రాలేమని టీమిండియా ఆటగాళ్లు చెప్పారు. దాంతో మేం గందరగోళంలో పడ్డాం. ఆ మ్యాచ్‌ జరుగుతుందో, లేదో కూడా మాకు తెలియలేదు. ఇలాంటి పక్కదారి పట్టించే పనులతో టీమిండియా టెస్ట్‌ సిరీస్‌ గెలిచిందంటూ పైన్‌ చెప్పుకొచ్చాడు. గత ఏడాది భారత్‌తో జరిగిన నాలుగు టెస్ట్‌ల సిరీస్‌ను ఆసీస్‌ 1-2తో కోల్పోయిన సంగతి తెలిసిందే.