ముంబయి: టీమిండియా మాజీ స్పిన్నర్‌ రమేష్‌ పొవార్‌ మహిళల జట్టు హెడ్‌కోచ్‌గా నియమింపబడ్డాడు. భారత క్రికెట్‌కంట్రోల్‌బోర్డు(బిసిసిఐ) గురువారం ఓ ప్రకటనలో రమేష్‌ పొవార్‌ మహిళల క్రికెట్‌జట్టుకు నూతన హెడ్‌కోచ్‌గా ఎంపికైనట్లు ప్రకటించింది. మదన్‌లాల్‌ సారథ్యంలోని ముగ్గురు సభ్యుల బిసిసిఐ అడ్వైజరీ కమిటీ గురువారం సుమన్‌ శర్మ, మమత మబెన్‌, హేమలత కల, దేవకలను ఇంటర్వ్యూలు నిర్వహించింది. బుధవారం ఇంటర్వ్యూలకు రమేష్‌ పొవార్‌తోపాటు డబ్ల్యువి రామన్‌, కనిత్కర్‌, అజరు రత్న హాజరైన సంగతి తెలిసిందే. ఇంటర్వ్యూల అనంతరం హెడ్‌ కోచ్‌గా రమేష్‌ పొవార్‌ పేరును అడ్వైజరీ కమిటీ బిసిసిఐకి సిఫార్సు చేయగా.. బిసిసిఐ అధికారికంగా పొవార్‌ను ఖరారు చేసింది.
మీ స్నేహితులకు రికమెండ్ చెయ్యండి
