ఫైనల్లో చెల్సియాపై గెలుపు
లండన్‌: ఎఫ్‌ఏ కప్‌ టైటిల్‌ను లిసెస్టర్‌ సిటీ క్లబ్‌ గెల్చుకుంది. శనివారం రాత్రి జరిగిన ఫైనల్లో లిసెస్టర్‌ 1-0తో ఫేవరేట్‌ చెల్సియాను చిత్తుచేసి తొలిసారి టైటిల్‌ను గెల్చింది. లిసెస్టర్‌ తరఫున ఏకైక గోల్‌ను 63వ నిమిషంలో మిడ్‌ఫీల్డర్‌ టెల్మన్స్‌ కొట్టాడు. దీంతో 137ఏళ్ల ఎఫ్‌ఏ కప్‌ చరిత్రలో ఫైనల్లో చెల్సియా పరాజయాన్ని చవిచూడడం ఇదే ప్రథమం. ఈ మ్యాచ్‌ను వీక్షించేందుకు సుమారు 20వేలమంది అభిమానులు హాజరుకాగా.. కరోనా పరీక్షల్లో నెగెటివ్‌ రిపోర్ట్‌ వచ్చిన వారికి మాత్రమే స్టేడియంలోకి ప్రవేశం కల్పించారు. 14నెలల విరామం అనంతరం ఇంగ్లండ్‌లోని అతిపెద్ద స్టేడియం వెంబ్లీలో ఎఫ్‌ఏ కప్‌ ఫైనల్‌ మ్యాచ్‌ జరిగింది.